الاثنين، 26 مارس 2007

قيادات علي قفا الشباب

أعتذار واجب
واضح جدا ان كتير ضايقهم البوست ده
وشافوا انه اهانة شخصية بالرغم من ان ده مش غرضه بالمرة
ولكل دول بقولهم ولاي واحد زعل مني أنا اسف لو كان كلامي ضايقكم أو كان فيه نوع من عدم الصحة
ويمكن الي خلاني لااورد اسماء أني مش عايز الكلام يتاخد علي ملمح شخصي
كل واحد من الي انا حكيت عنهم هو مش واحد أو شخص بعينه
لا ده تصرف عمله البعض وكنت احب نقف عليه
بس مدام الموضوع وصل ان البعض افتكره تجريح
يبقي ملوش لزمة الكلام .... لان الاعتصامات ممكن تتعوض والدساتير كمان ممكن تتعوض لكن الصحبة الحولة عمرها ما تتعوض
توضيح مهم جدا
نقلا عن مدونة أسد
أسد قال علي مدونته بعد ما حكي عن تجربته في الاعتقال عن موضوع تنظيم الاعتصام كلام مهم جدا شايف اننا نقراه
بيقول أسد "
لي تعليق أخير بخصوص ما قيل هنا و هنا وهنا وهنا :

- تأسيساً على كوننا من البشر ؛ من المفهوم أن يخاف أحد أو يمرض أو يتكاسل أو حتى يجبن ويتراجع تحت ضغوط معينة , لا أرحب بعقد المحاكمات ولا ألوم أحداً من القيادات أو غيرهم على عدم الحضور, فكما قال عم أحمد الجدع جدع والجبان جبان , وهذا الميدان يا حميدان كما قال أهل نجد . لسنا عيالا ولا حاجة بنا إلى السادة القيادات كنا قد كلامنا ونزلنا ومش مهم مين جه ومين مجاش .

- الأصل في مثل هذه الفعاليات أنها فرض كفاية ؛ إذا قام به البعض سقط عن الباقين - إذا قامت الكفاية بهذا البعض - وبالتالي يُترك الأمر لضمائر الناس وتقديراتهم الذاتية , لم نكن نعيب على أحد الانسحاب لاي سبب يخصه ؛ لأن دافعا ذاتيا يوجد لدى الجميع وسيبقى في النهاية عدد تقوم به الكفاية إذا تخلف أصحاب الأعذار وحدهم , لكن نسبة المتخلفين تزداد في الآونة الأخيرة ؛ لدوافع الشعور باليأس وعدم الجدوى أكثر من أي شيء آخر .

- ليس صحيحاً أنني دعوت لهذا الاعتصام بشكل منفرد , كتبت الدعوة واتصلت ببعض النشطاء لحثهم على نشرها لكنني لم أكن وحدي بل كنت مع مجموعة كبيرة من الزملاء, ولا أريد الآن أن أذكر من شاركوني التفكير والإعداد ؛ فهي تهمة لا أنكرها ومسئولية لا أتهرب من حملها .

-صحيح أن الدعوة لم تكن في البدء باسم كفاية , ولكن ليس صحيحاً أنها لا تتحمل أية مسئولية عنها فلجنتها التنسيقية امتنعت عن تنظيم أية فعالية مواكبة للاستفتاء في القاهرة مكتفية بالدعوة إلى المشاركة في الاعتصام , ومنسقها العام د.عبد الوهاب المسيري صرّح للصحف بأن كفاية ستنظم اعتصاماً بميدان التحرير , وكذا صرح منسقها المساعد جورج اسحاق . "
ولا كلام بعد كلام اسد
تحديث
بعض الردود الي وردت ليا اكدت اني لازم اكتب التحديث ده للتدوينه وهلخصه في نقط
1- حصل لبس عند كتير من الي قرا البوست وافتكر اني قلت ان كفاية هي من دعت للاعتصام وانا كلامي كان واضح ان كفاية اعلنت عن الاعتصام ويمكن الغلط اني ماوردتش في التدوينه كلمة محدده عن الموضوع .
2- بالنسبة لقيادات كفاية انا عاتبت عليهم لسبب بسيط انهم افشلوا الاعتصام بحركة غير ذكية بالمرة وهي حركة مظاهرة سلم النقابة ،والاسئلة الي بتجيلي لما افتكر الموقف ده
- مدام هما عارفيين وداعيين لاعتصام منظمه المدونين والنشطاء في التحرير ليه بيشتتوا قواهم في النقابة ؟
- العدد الي كان في النقابة 100 تقريبا او 150 ، لو كان جيه الاعتصام كان هيبقي شكله ايه ؟
- ليه كفاية اصلا تدعي لعمل مش هتشارك فيه ؟ وحتي لو مش هتشارك ليه تجهضه بحركه ذي ده ؟
- لو اسقطنا كل كلامي الي قلته ده علي مظاهره مجلس الشعب الي برده اجهضت والي كان داعي ليها كفاية هنلاقي موقف قيادات كفاية هو هو موقف الداعيين للاعتصام ده .
3- موقع كفاية نشر بالنص ان المظاهرة منظمها مدونين ونشطاء عالانترنت ومن الكلمه ده نفهم أن كل من نشر الدعوه هو من المنظميين لانه بالتاكيد ناشط عالانترنت ومدون وكون ان الدعوه منقوله من أسد فده امر طبيعي ذي البوسترات الي واحد بيعملها والكل بيتداولها .
4- اسئلتي الي حد لو جاوبني عليها واقتنعت ممكن اشيل البوست ده واكتب اعتزار كمان لاي حد وهي :
- مين المسول عن الناس الي اعتقوا دول ؟
- هل من العقل ان ندعوا ( ومش ننظم )لاعتصام او مظاهرة او عمل عام ونحن متوقعون افشاله واجهاضه ووقوع معتقلين فيه ؟
- ياتري هنتعلم من الي حصل ده ولا لسه برده ؟
5- الملاحظ اني ماوردتش ولا اسم بالبوست وده لسبب بسيط أني مش بنتقض اشخاص انا بنتقض افعال والاشخاص هم اشخاص احترمهم واتعلم منهم .
6- انا مليش اي علاقة بموضوع المقال الي اتنشر علي اسلام اون لاين ولا اعرف الصحفي الي كتبه اصلا ، وان كنت بنتقض الصحفي لانه وببساطة لم يظهر راي اخر ولم يورد اي راي لاي مدونة اخري ، كما انه استغل تدوينتي باسلوب اراه متحيز وغير دقيق .
------------------------------------------------------------------------------------
مشهد 1 نهار خارجي ميدان التحرير اما كنتاكي
- بقولك ايه يا جيمي مفيش حل تاني لازم نتقدم وندخل الميدان حتي لو كان عددنا صغير
= أوك ياعم أحمد
- طيب انا هقول للناس الي ورا ده وندخل مرة واحده
والتفت ورايا وفي لحظة لقيت جيمي جوه الميدان وحولية أكتر من 100 عسكري وبلطجي وخدوه هو واسد . بس هو ده الي حصل .
مشهد 2 : شارع طلعت حرب ليل خارجي ، مظاهره صغيرة من 100 أو 150 فرد أكتر من نصفها صحفيين تتجه باتجاه الميدان وفجأة تنقض عليها جحافل الامن المركزي وتشتتهها وتحشر المتظاهرين في سيارات الترحيلات أحاول أن ابقي بجوار ضحي وابو يوسف رفقائي ولكن لا أمل وافقد الاتصال بهم .
كفاية المشهدين دول ولا احكي تاني ؟؟؟
المشاهد ده طبعا منقوله من مشروع الاعتصام الي كان مقرر اليوم بميدان التحرير واتلغي كالعاده أو بالاصح اجهض .
انا بعد الي حصل مشيت ذي المجنون بشوارع وسط البلد ولما لمحت اللواء / أسماعيل الشاعر مساعد وزير الداخلية كنت ناوي أروح الطشه بالقلم عالاقل هروح مع زمايلي بدل ما انا بلف في الشوارع لوحدي بس وقفت للحظة وفكرت ... وهي الشرطة غلطانة في ايه ؟؟؟
هما ناس من وجهة نظرهم بيدافعوا عن نفسهم .. عن بقائهم ... عن وجودهم ... وعن أكل عيشهم .. لانهم وببساطة مرتبط وجودهم بوجود الرئيس في السلطة ، يبقي مينفعش نلومهم .
أمال نلوم مين ؟؟ ونسال مين عن كل الشباب الي اعتقل ده ؟؟؟
فكرت في السوال ده لفترة ولقيت الاجابة الي مكنتش عايز اصدقها في الاول بس لازم اصدقها
الاجابة وببساطة لازم نسال البهوات الي دعوا للاعتصام ده من غير ما يجهزوا خطط للاعتصام ولا طريقه لحماية المعتصميين ولا حتي جهزوا زجاجة مية للعالم الي هتعتصم ده .
لمفروض نسال قيادات كفاية الي مجاش ولا واحد منهم والي منسقها السابق هربان من امبارح خارج القاهره وعمل انه مخطوف وهو يا عيني كان قافل الموبيل عشان بيريح وهيجي القاهره كمان يومين وسايب الدنيا هنا تضرب تقلب علي حسب كلام موقع كفاية .
المفروض نسال القيادات الي ريحوا دماغهم وراحوا نقابة الصحفيين ركنوا عربيتهم جنبها واشتروا كارت بـ 5 ج لزوم الركنة ووقف له علي سلم النقابة ساعه عقبال ما رصيد الكارت خلص وقام مروح .
المفروض نسال أصحاب المدونات الرنانة ومديري المجموعات البريدية وقيادات شباب من أجل التغيير الي هرونا دعوات لحضور الاعتصام مع انهم مجوش اصلا وكل واحد فيهم كان مستخبي في جحر ذي الفار المبلول ، خايف لاحسن يظهر قال ايه بيدون .
المفروض نسال القيادي الكبير في شباب من أجل التغيير وابن المناضل ذو التاريخ الطويل الي مجاش الاعتصام اصلا وأكتفي بالقاعده في بيتهم قدام الكمبيوتر يكتب الاخبار ولما كل الناس اتاخدوا ملقاش حد يملية الاخبار فساب بس تنبيه علي مدونته ان الاخبار هتجدد بالرغم انه منزلش ولا خبر ولا راح الاعتصام.
المفروض نسال المدون العالمي الي مثل شباب مصر في دول كتير والي لسه يا عيني ملحقش يخلص كتابة عن رحلته الاخيرة والي كان قاعد في مكان ما قريب من الاحداث هو ولفيف من الصحفيين والمدونين يشربوا شاي ويدونوا وسايبين عامة المناضلين تحت بيتسحلوا مهنش عليهم حتي يبصوا من الشباك عليهم .
المفروض نسال المدون الي بيته فوق ميدان طلعت حرب والي منزلش اصلا من بيته ولا صحي من النوم الا الساعه 8 بالرغم من ان الاعتصام كان الساعه 6 والناس كانت يتضرب وتتسحل تحت بلكونته ، والساعه 9بداء يتصل بذوي المعتقلين عشان يقولهم قلبي معاكم ومتقلقوش صاحبكم اتاخد .
المفروض نسال فطاحلة المدونين الي كل واحد فيهم شغل خدمة توتر والي بتسمح ليه انه يدون برسايل قصيرة من تليفونه المحمول والغربيةان كل الي عمل كده مشفنهوش اصلا في المظاهره يبقي الاخ كان بيدون منين ؟؟؟ أكيد من الحمام او المطبخ .

المفروض نسال كل واحد دعي لاعتصام هو مش مخطط ليه ولا عارف هيتم اذاي .
دلوقت بس عرفت ليه بعض الفصائل المحترمة في المعارضة منزلوش الشارع لانهم ببساطة عالم بتحترم أتباعها ومويديها ونشطائها ومترداش انهم يتاخدوا بالاسلوب المهين ده ولما بينزلوا للشارع بينزلزوا صح وصح قوي .
الرسالة الي بوجهها هنا بوجها لكل واحد نصب نفسه قائد علي مجموعه الشباب الي اتاخدوا النهرده بقولهم فيها قول الرسول " كلكم راعي وكلكم مسول عن رعيته " وياتري هتعرفوا تناموا النهرده ؟؟؟؟؟؟
أكيد لا ... لو عنكم دم اصلا

هناك 41 تعليقًا:

مقاومة يقول...

أحمد بجد انت قدرت تلخص بالفعل اللي جرى في المهزلة التانية اللي ان شاء الله هتكون من الأعمدة الاخيرة اللي وقعت اللي هدت كفاية كل واحد فيهم معرفش راح فين و كان لازم بما انهم تبنوا فكرة الاعتصام فينزلوا للشارع لكن الواضح انهم اكتفوا بـ "التحريض" و لم يتنازلوا عن كبريائهم و يحضرواالاعتصام الذي دعوا هم إليه في الاساس ، سؤال وجيه : هي سبوبة ولا حاجة و لا الناس زهقت و لا بقوا بيطلعوا في التليفزيون كتير و لا من دلوقتي اقدر اقول ان الحكاية ملعوبة صح من الأول ، و لا احنا اللي بننزل نضرب و نعتقل في شوارع و ميادين القاهرة دورنا جه بعد ماهم سلموا و نؤمن بقى بتداول المعارضة و نبطل صراع أجيال
حيرتونا حرام عليكم ، انتو فاكرين ان اللي حصل هيتنسي ، لا يمكن كل واحد اتعرف دلوقتي بجد هو مين و بيعمل ايه

محمود سعيد يقول...

لا يا عم أحمد انت غلطان

اولاً أسلوب التجريح فى نفسينا ده مش حلو

الحاجة التانية
إنت غلطان مين قال إن كفاية هى اللى دعت لهذا الإعتصام
اللى دعا له أسد
ومين قال إن كفاية هى اللى دعت لمظاهرة مجلس الشعب
اللى دعت له القوى الوطنية
متسألنيش اللى هى إيه

كفاية دعت فقط لمظاهرة التحرير
اللى كانت متقسمة 3 حتت ديه

ومع ذلك حتى ديه
كانت زى ما انت عارف


يبقى الحالة الوحيدة اللى ينطبق عليها كلامك هى مظاهرة التحرير الأولى

أحمد عبد الفتاح يقول...

زميل الغربة محمود
بص يا سيدي احنا مش هنلف علي بعض
ومش هنلعب بالالفاظ
دعوه الاعتصام منشورة عالموقع بالبنط العريض
ولو مش الحركة هي الي داعية ونشطاء ومدونين هما الي دعوا
طب كانوا فين
مفيش غير اسد ومالك من الناس الي دعوا حضروا بس
والباقي اكيد كان مزنوق في حاجه
اراك قريبا في تل ابيب

غير معرف يقول...

أنت بتتكلم على ايه؟

دلوقتي أصلا عمر أسد هو اللي طلع بفكرة الاعتصام و دعا اليه و أظن كان معاه جيمي هوود.

موقع كفاية بينشر تنويهات عن كل فعاليات المعارضة تقريبا مش بس الفعاليات اللي كفاية منظماها بص كده على
http://harakamasria.org/event
و هتلاقي فعاليات في واشنطن و لندن، يا ترى دول كفاية اللي داعية ليهم؟

بص على الدعوة على كفاية
http://harakamasria.org/node/9245

هتلاقي مكتوب بوضوح نشطاء مصريون من مختلف الاتجاهات و و الامضاء شباب بيحلم ببكره و التصنيف فعاليات صديقة.

يعني مفيش أي حاجة في الدعوة بتقول كفاية دعت و الدعوة صريحة في أن ناس ثانية اللي دعت.

سيادتك بتلقح كلام على شرقاوي و وائل عباس و علي و معرفش على مين ثاني.

مش فاهم ليه أنت معتبر أن واجبنا و مكتوب علينا نحضر، لا حد فينا من منظمي الاعتصام ولا حد فينا منتخب ممثل عن جماعة أو مكلف بدور قيادي أو عضو لجنة أو أي مصيبة تخليه ملتزم بحضور أي فعالية.

و مع ذلك وائل عباس كان موجود و حاولوا يقبضوا عليه و هرب. أنا كنت مرتبط بميعاد من قبل ما يعلن عن اعتصام و من قبل حتى ما يتحدد ميعاد الاستفتاء و بلغت أسد و جيمي و كل اللي شفتهم اليومين اللي فاتوا بكده.

جورج اسحاق مش منسق كفاية خلاص و مش هو السبب في شائعة اختطافه، و موبايله كان مفتوح من فجر الأحد.

لو على اللي نشر الدعوة و مشاركش أسد بعت ايميل يطلب فيه من الناس تنشر الدعوة على مدوناتهم و اتصل ببعضنا تليفونيا عشان يأكد علينا نشر الدعوة.

لكن واضح أن اللي نشر الدعوة و عمل اتصالات و نشر أخبار الاعتقالات غلطان.

بص يا عم من الآخر عشان أنت شكلك كل يومين هتطلع بتلكيكة، أحنا يا عم لا مناضلين ولا قيادات ولا لينا فيها، أحنا عيال بتتسلى و لو قفشت واحد من اللي مش عاجبينك دول بيتكلم عن نفسه على أنه مناضل و فدى الوطن ابقى قول اللي أنت عاوزه، لكن مش هتلبسنا دور مخترناهوش أصلا و بعدين تحاسبنا على أساسه.

Unknown يقول...

هل هتتهمنى بالتعريص؟ لو مؤاخذة ، أنا آسف من الكلمة دى يا أحمد بس المشهد اللى وصفتوا ووفقتك عليه سارة عبارة عن مشهد "الأنبياء" والمخلصين، مشهد تكفير بإمتياز،موش تكفير دينى المرة دى و لكن تكفير وطنى، الفكرة يا سيدى فيه ناس عادية ماشية فى الشارع بتسخر من المتظاهرين ، طيب و مالو؟ ايه المشكلة، ما فيه ناس بترضو بتسخر من الناس العادية دى ، فيه ناس بتسخر من المحجبات و ناس بتسخر من غير المحجبات و الحياة ماشية و الله ، أنت زعلان عن التعديلات الدستورية ، طيب حلو ، أنا بس هسأل عن الناس اللى هما الإخوان اللى حطوا أولوية للتنظيم على المصلحة الوطنية ، ليه ملقناش إخوان نزلوا الشوراع فى كام محافظة، دا كان هيسبب فعلا إزعاج للنظام ، بس فين قيادات الإخوان ، يعنى مهدى عاكف فين ؟ و غيرو.
فيه رأى سياسى قال نقاطع الإستفتاء و رأى قال نروح و نقول لأ ، مفيش أى مشاكل ، و برضو فيه ناس قالت رايحين الإعتصام و ناس قالت لأ موش رايحين ، و أنا مثلا و بساطة كفرد عادى ماشى فى الشارع قلت موش رايح ، و قلت دا لراندا و جيمى هوود ، أنا حر موش عايز أروح إعتصام ، ليه فيه كلام من تحت لتحت على إنى شبه خاين ، هو يعنى السياسة فى بلدنا إتحصرت فى الإعتصامات ، و حاجة تانية معرفش أنا فعلا و قفت شوية بعد كلام علاء ، و أظن و الحمد لله فيه دليل هو اللينكات اللى حطها و هى إن كفاية لم تعلن عن الإعتصام، و دا معناه إن الكلام اللى قلتو على كفاية عايز مراجعة ، ثم إن جورج إسحاق لازم يترد إعتبارو ، ياخى هوا حر ، الراجل زعلان و موش نازل ، طب فيها إيه ، و حتى لو مفيش سبب هو برضو حر. و نفس المنطق دا يتقال على مجموعة المدونين اللى إنت ذكرتهم بالتلميح ، بس دا فعلا موش لطيف ، لأن التلميح دا بيقول إنك بتحاكم الناس دى ، و دى ياأحمد موش وظيفتك ، مفيش حد وظيفتو يقعد و يحاكم كل العالم كدا ، يعنى هو اللى بيوجه الإتهام للناس و هوا القاضى اللى بيحكم فى نفس الوقت على الناس.
فى الآخر أحب ألفت نظرك إلى الجمل الأخيرة اللى فعلا تحرق الدم و هيا الإشارة إلى بعض الفصائل المحترمة فى المعارضة الى منزلوش الشارع ، و حرقة الدم دى بسبب حاجة واحدة أن انت مبتكلمش عن فصايل بس عن فصيل واحد و هوا الإخوان ، طيب دا حلو ، شكرا يا عم احمد الإخوان المحترمين و بقية معارضيهم و لاد ........

غير معرف يقول...
أزال أحد مشرفي المدونة هذا التعليق.
محمود سعيد يقول...

راع
يا أزهرى
مش راعى

محمود سعيد يقول...

مسحت ليه صحيح آخر تعليق

محمود سعيد يقول...

لأ يا عم أحمد إنت غلطان
وغلطان وغلطان وغلطان وغلطان

ولو مش وغلطان يبقى على الأقل غلطان فى الأسلوب
لأن مش ده الأسلوب

بص يا سيدى
إانت لو قريت كويس
http://harakamasria.org/node/9245
دعا نشطاء مصريون من مختلف التيارات للاعتصام بميدان التحرير في دعوة تداولوها عبر الانترنت


لم تدع حركة كفاية لهذا الإعتصام


وكمان
الوقفة قدام مجلس الشعب
دعا إليها القوى الوطنية "ومتسألنيش تطلع إيه القوى الوطنية ديه"

حتى ساعة إعتقال متظاهرى كفاية يوم مظاهرة كفاية بتاعة التحرير
قالت
وكالات الأنباء وموقع كفاية
إعتقال أعضاء كفاية

إنما يوم مجلس الشعب ويوم الإعتصام
قالت كل الأنباء
إعتقال نشطاء
(يعنى صحفى بيفهم حتى)

ولذلك فحركة كفاية إحترمت مؤيديها ونشطائها بعد منعها من مظاهرة التحرير ومعملتش مظاهرات تانى مش الإخوان بس (زى ما انت لمحت)

إنت بقى اللى ......... وفهمت غلط

لذلك أنا أرى أن غلطان فى الأسلوب
وغلطان فى حق
جورج إسحق
وحق كل من لمحت إليه
ومفروض تعتذر

أيوه مفروض تعتذر لو عندك شجاعة إعتراف بالخطأ وشجاعة إعتذار (ده لو اقتنعت إنك غلطان)

وآدى صحفى إستغلك كحريقة
استفتاء مصر.. تفويج الموظفين وحصار المعارضين
ومش بعيد تلاقى المصرى اليوم بكرة تقول " الشباب يهاجمون القيادات ويعلنون الإنشقاق " بنفس أسلوب الحريقة
ده طبعاً بعيد عن تعليقى الأول أن أسلوب التجريح الذاتى مش حلو
إنما لو عاوز نقد ذاتى على الأقل هتكتبه بشكل محترم

علاء كلامه صحيح
وتانى إنت غلطت فى حق كل من لمحت إليه أو صرحت به (على الأقل فى الأسلوب إن لم تتفق معى على أن كلامك كله غلط أساساً)

محمود سعيد يقول...

ده أنا هأقنعك بكل الأساليب

عندك من الوصايا العشر للإمام البنا
تجنب غيبة الأشخاص وتجريح الهيئات ولا تتكلم إلا بخير

واللى انت بتعمله ده مش تجريح أشخاص وكمان هيئات

بلاش حسن البنا
قال الله تعالى : " يا أيها الذين آمنوا إذا جاءكم فاسق بنبأ فتبينوا أن تصيبوا قوماً بجهالة فتصبحو على ما فعلتم نادمين " الحجرات

تبينت عن كل اللى انت كتبت عليهم دول ولا بترزع على طول

وديه غيبة ولا مش غيبة فى أشخاص صرحت بيهم وآخرين لمحتهم عنهم
" ذكرك أخاك بما يكره " ولا إيه يا شيخ

ده برضه مش ذكرك أخاك بما يكره وكمان من غير ما تتبين عن ظروفهم .

غير معرف يقول...

بص يااحمد علشان متتعبش متستناش من حد حاجة
بس الكلام الي انت بتقولة دا خطير
ولو فعلا ثبت صحتة
وطلع حقيقي
دي فضيحة
بكل المقاييس والمعاني
للأننا بكل بساطة وثقنا في الناس دي
ووقفنا وراهم

تعالي قارن بقا الي بتقولة بمظاهرة مدرسة ثانوي منظمها طلبة اخوان
شوف بتكون عاملة ازاي
وكبر دليل علي كده
شويتة النصايح الي انت كنت حاطيتها قبل المظاهرة
الحجات دي مش موجوده في كتب
بس احنا اكتسبنا بالخبره ومحدش قلنا علينا..من كتر الممارسة

بس الواحد بجد زعلان ان حركة زي كفاية تكون مجرد غلاف خارجي فقط..بالونة معرضة للضياع في مهب الريح

وكنت أأمل (كاحد المنتمين للأخوان)ان تظل حركة شعبية زي كفاية تعبر عن كل الشباب بغض النظر عن لوتهم او انتمائهم السياسي ..علشان مش ناقصة فرقة وخلافات

وتحيا مورتنيا حره مستقلة

أحمد عبد الفتاح يقول...

انا بعتذر عن تاخري في الرد لاني كنت طول اليوم بالخارج لمتابعة الفضيحة الي سموها استفتاء
مبدايا اسمحولي ااجل الرد علي الردود والتعليقات بعد كتابتي تحديث للتدوينه هيزيل بعض الالتباس

أحمد عبد الفتاح يقول...

بعد التحديث الي نشرته ابتدي ارد عالتعليقات الي وردت
علاء
انا الغرض من بوستي هو السوالين الي نشرتهم في التحديث والي انت جاوبت علي واحد فيهم لما قلت " لكن واضح أن اللي نشر الدعوة و عمل اتصالات و نشر أخبار الاعتقالات غلطان" بالرغم من اننك قلتها بتريقه بس الواقع بيقولنا كده وليه الناس لبت دعوة اسد وهي مش مقتنعه ان الامر هيتم
طب خد ده واكيد انت عارفها
مفيش واحد كان جاي المظاهره ده مش عارف وعامل حسابة انه هيتاخد ، كله كان مربط انه هيتاخد ، واناةواحد منهم ، طيب اديني عقلك هل من العقل ندعوا لعمل ذي ده ؟؟؟؟
اما بالنسبة لجملتك الاخيرة فانا مش متوقع انها تخرج منك انت بالذات يا علاء ويمكن اسلوب كتابة التدوينه كان رخم شوية وهو السبب في كده ولو كان ده هو السبب فانا اسف ، ولو مكنش يبقي حصل خير بس انا مش بتاع فرقعه ومش هستفيد حاجه لما اطلع بتلكيكة علي رايك بالعكس هقعد طول اليوم اكتب تحديثات وردود ذي دلوقت والشباب هيكرهني اكتر
اخيرا يا علاء احب اقولك حاجه يمكن مكانها مش هنا
انا قلت ده لاني وبكل بساطه بحبك وبحب كل واحد من الشباب الي خرجوا والي مخرجوش وبيحبوا البلد ده في الله

محمود سعيد يقول...

كويس التوضيح

بس المفروض تفصله فى بوست تانى لأن الموضوع كده خرج عن الموضوع اللى فات

أحمد عبد الفتاح يقول...

العزيز قوي احمد
انا مش موافق علي موقف الاخوان بس احترمته
مش موافق انهم قعدوا ساكتين بس محترم انهم خايفيين علي عناصرهم وده حقهم
انا مبكفرش حد في وطنيته انا وببساطه جدا ممكن تعتبرني من الساخريتن الي الحياة ماشية بيهم
أحمد انا من الناس ده وبخرج معاهم
أنت مجتش الاعتصام انا عارف ومحترم ده بس انت في نفس الوقت مدعتش ولو كنت دعيت ليه كان هيبقي موقفي مختلف منك
ثم انا مبحاكمش حد انا بقول رايي ولما حضرتك بتكتب ان فلان المفكر غلطان يبقي انت بتحاكمه ؟؟؟؟
أنت بتنقض وده حقك
اما بقه بخصوص جملنتك الاخيرة الي انا شايف انها غريبة عليك احب احكيلك حكاية بسيطه
مرة كنت قاعد مع رانده وقلت لها عارفه يارانده ايه اكتر حاجه اتعلمتها منك ومن أحمد ؟؟؟
قالت ايه ؟
قلت لها احترام الاخر مهمن كان
أحمد انا وانت وطوب الارض معترفيين ان بعض الفصايل ومنها الاخوان اثبتوا انهم بيعرفوا ينظموا والبعض لا يبقي ايه المشكله ؟ وهل ده يخليهم ولاد ال .... ؟؟؟
أكيد لا والف لا

أحمد عبد الفتاح يقول...

أخي محمود سعيد
اغلب كلامك رديت عليه فاضل نقطة واحده التعليق الي شلته
أولا ده اول مرة اعملها في حياتي وده لسبب بسيط انها كلها كلام خارج من شخص محترم شويتين ذيادة وانا محبش لو امي أو اختي أو حتي واحد صحبي لو دخل يقرأ الكلام ده علي مدونتي
وعالعموم هو كان بيشتمني عشان بتطاول علي اسيادي ( مش العفريت طبعا )

أحمد عبد الفتاح يقول...

العزيز كريم
أولا اشك انك كريم امام ؟ صح ولا غلط يا مان
ثانيا
كلامك مش دقيق ومش منطقي ومفيش وجه مقارنه بين اعتصام ذي ده وامظاهرة طلبة ثانوي
وهقولك الي قلته لواحده مرت علقت هنا بكلام قريب من كلامك
مش عشان ربنا ادانا شوية تنظيم نتنطط بيه علي خلق الله
ثم عمر ما الاصلاح والتغيير هيجي بالاخوان لوحدهم ولو مش معانا جورج اسحاق وعلاء واي حد بيحب البلد ده يبقي مستحيل

أحمد عبد الفتاح يقول...

بالمرة بقه
وبمناسبة حرية الراي والتعبير
اتمنع المقال ده من انه يتبعت علي جروب شباب من اجل التغيير بالرغم من اني عضو فيه
السوال
هو اتمنع ليه ؟؟؟؟؟
الي يجاوب ياخد هدية من يالالاللي

العسكري عتريس يقول...

وقائع التزوير بالصور هنا

أرجوا نشرها لأن مدونتي غير معروفة
http://3atris.blogspot.com/

BeLiEvEr يقول...

أنا أول مره أدخل مدونتك، و الحقيقه الموضوع اجبرنى إن أرد.

أنا راجل محايد، لا من الإخوان و لا من كفايه و لا أنتمى لأى حزب، بس أنا مصرى و محروق قوى على بلدى، فأعتقد إن ده يشفعلى إن أتدخل فى المناقشه.

أولا، من كلامك، واضح إنك محروق قوى على اللى حصل، بس يا سيدى الفاضل، كلامك كان كله جارح.
إنت دخلت شمال فى كل الناس مع إنهم ملهمش ذنب زيك برده.
بس قبل ما تكتب الكلام الجارح ده، الأول شوف كل واحد كانت ظروفه إيه.
إنت فعلا زى ما كتب "دفتر وطن" كفرت الجميع وطنيا.
إنت قلت بنفسك إن كل اللى كان نازل الإعتصام كان عارف إنه حيتشد.
يبقى كل واحد بقى يفكر بطريقة و حسب ظروفه، يمكن تكون فيه ناس معترضه أصلا على فكرة الإعتصام، يمكن بمنتهى البساطه كان فيه ناس مريضه. و بعدين الناس دوله نصهم أعتقل و النص التانى مستنى وقته، إزاى توصفهم بالجبن؟

مش معنى إنك مشوفتش حد إنه مجاش، ماهو ممكن يكون إتشد من الأول زى "مالك" و "أسد".

أيوه الإعتصام كان ناقص تنظيم و حشد أكبر عدد من الناس، بس ده مش معناه إن الناس اللى فكروا يعملوا كده يتعلقلهم المشانق. على الأقل فكروا فى عمل و تحرك، أحسن من كل فصائل المعارضه اللى إستسهلوا و قالوا يلا نقاطع و ناموا على كده.

ثانيا، اللى حصل ده معناه إن إن لو فكرت الناس تعمل إعتصام بعد كده، حيبقى قدامهم تجربه ممكن يتقيم على أساسها إيه اللى كان ناقص فى التنظيم ، و إيه السلبيات و الإيجابيات.

معلش أنا طولت عليكم، بس انا شايف إنك مدين بالإعتذار لكل اللى إنت أهنتم (و لو حتى ما ذكرتش أسماء، ده كله لعب بالألفاظ)

Unknown يقول...

اولا يا باشا أن الجملة الأخيرة كانت إن الإخوان هما اللى محترمين و بقية معارضيهم ولاد و حطيت النقط ، و دا كان إستنتاجى من كلامك ببساطة ، و كمان إنت قلت فصايل ، بس إنت بتقصد فصيل واحد ، أنا مشتمتش الإخوان و لا غيرهم ، و انا ببساطة مبستخدمش اللغة دى إلا نادرا ، مع الحزب الوطنى احيانا، و دا طبعا موش معناه إنى مؤدب على الإطلاق ، أنا لسانى بذئ بس فى حاجات تانية.
ثانيا أنا لما بكتب عن حد بقييم الأفعال ، و بعدين رأيى موش بتهمو بالتكفير ، و حتى لو نصبت نفسى قاضى ، ففيه وقائع ببساطة ، و أنا مبحاكمش حد على خياراته الفردية جدا ، زى الناس اللى مطلعوش الإعتصام ، دلوقتى و بعد توضيحك إيه المشكلة بالظبط ، و فين الغلط، أنا دا اللى موش فاهمو
ليه كفاية اصلا تدعي لعمل مش هتشارك فيه ؟ وحتي لو مش هتشارك ليه تجهضه بحركه ذي ده
طيب فيه فرح و أنا موش صاحب الفرح هل ممكن أدعيك ليه ؟ طيب لما أنا رجعت لموقع كفاية الكلام صح إن كفاية مدعيتش دى نشرت ، و كمان أنا مشفتش إن حصل إتفاق على الإعتصام ، يعنى محدش جيه آل ايه رأيكم فى إعتصام بحيث يكون ليلة الإستفتاء ، علشان كدا إنت بتتهم الناس و بتحاكمهم على جريمة مرتكبوهاش
ثالثا و دا كلام فعلا مزعلنى أنا فعلا حسيت بنفور من بعض الناس اللى إعتقلوا ، ليه ؟ علشان أنا كنت على القهوة و قت مهما كانوا بيتجمعوا ، طيب أنا فعلا عايز اعرف أيه الفرق دلوقتى بين الناس اللى باعتبرها أصحابى و بين الحزب الوطنى ، لما تحسسنى بإنى خنت المسئولية ، الفكرة ببساطة انا قلت نازل الإعتثام و بعدين غيرت رأيى ، لأسباب طبعا موش هاقولها ، بس ليه المحاكمات دى ، هو الناس عملت ايه بالضبط؟
عموما كلو هيعدى ، زى ما التعديلات عدت ، و يبقى فى الآخر الود قائم ، بيننا الود

أحمد عبد الفتاح يقول...

العزيز بليفر
انا ومدونتي شرفنا زيارتك
زتعليقك افاد الموضوع والمناقشة
لبس أحب أوضح ليك ولاحمد ذكي صاحب دفتر الوطن
يا جماعه هقول من الاول
كل واحد حر يجي ميجيش
بس ليه وببساطة ادعوا لحاجه مش جاي فيها ومش مومن بيها وعارف ان كل الي هيروحها متاخدين ؟؟؟
سوال بسيط
لا بكفر وطنيا لان ده مش حقي
وعلي فكره ده مش رايي لوحدي فيه راي وراي كبير بين الشباب بيتكلم عن كده
وممكن ترجعوا لمدونة زنزانة ومدونة جبهة التهييس هتلاقوا كلام ذي ده والتعليقات بتايد
طيب احنا كلنا بنكفر وبنشتم ؟؟؟
أعتقد ان الموضع اكبر من شتيمة وتكفير

غير معرف يقول...

يعني يصح تقولي كلام قولو لواحده قبل كده
هههههههههههههههه
علي العموم مقبولة منك
بس انا مقصدش كل الكلام الي انت بتقولة
ولا قلت ان في حد مش وطني واحنا او(اوطن )منه
اوطن علي وزن افعل التفضيل
ولا جبت سيره التنطيط
بس
كلن قصدي
ان من الاولي ان احنا نتعلم من بعض
يعني الي عندو يصب علي الي معندوش
ونقطة 2 ان الي يقول انا قائد يكون كدا فعلا
يتحمل المسئولية
ويخاف علي الناس الي معاه
ونلقية اول الصف
مش دا الي تعلمناه

جبهة التهييس الشعبية يقول...

ثانية واحدة بقى

مين اللي قال لك ان الشرقاوي صحي 8 بالليل

معلش يا احمد الكلام ده ما حصلش

انا بنفسي كلمت الشرقاوي وقلت له ما تنزلش قال لي انا نازل يعني نازل وقفل الموبايل خالص عشان انا كنت بالح عليه ما ينزلش

لاني من البداية حاسة ان فيه صفقة وان العيال ح تتباع

وبعدين هو اتأخر نص ساعة بس كان العيال اتقبض عليهم

ومن الساعة سبعة لحد الساعة تلاتة العصر تاني يوم وهو عمال يلف وراهم ما نامش ثانية

وانا بنفسي شاهدة

ما تعممش يا احمد الحاجة اللي انت مش متأكد منها ما تقولهاش

انا مش مختلفة معاك في ان فيه صفقة حصلت

بس ما تدخلش العاطل في الباطل

والشرقاوي وجرجس ووائل عباس كانوا من ضمن الناس اللي متباعين في الصفقة

جبهة التهييس الشعبية يقول...

هو انت مسحت التعليق بتاعي وللا هو اللي ما اتبعتش اصلا

الشرقاوي وجرجس وصلوا متأخر

ومعلش

لما الناس بتشوف البوليس بيقبض على حد في المظاهرة

المفروض انه يجري

وللا كمان الحملاوي باع العيال عشان عرف يهرب؟

وده اللي حصل مع المدونين اللي بتشتمهم

بالتحديد جرجس والشرقاوي

هم نزلوا بس مش عشان واحد اتأخر نص ساعة يبقى متواطئ مع القيادات في الصفقة

أحمد عبد الفتاح يقول...

مرحبا بيكي يا نوارة في اول تعليق ليكي علي يالالاللي
أولا انا مبشلش تعليقات
ثانيا انا فعلا مش بعمم
كل الموضوع انا بتسال
مين المسول ؟؟
وانتي بتقولي صفقة
تمام يا ستي
ممكن تطلعينا علي تفاصيلها ونتنقاش فيها ولا هي سر ؟؟
وبالنسبة لموضوع اكتب حاجه مش متاكد منها فانا متاكد ان فيه مدونين ونشطاء قالوا انهم مش هينزلوا بدري عشان ميتلموش في الاول وهما احرار انا مش ضد واحد خايف علي نفسه
بس الاولي يخاف علي اصحابة كمان
انا منكرش فعلا ان وائل وشرقاوي وبجدارة اثبتوا انهم رعاة شئون معتقلين من الطراز الاول وانهم بيعملوا شغل كويس في الموضوع ده ومش بعيد انهم كانوا يعملوا كده كمان معايا لو كنت اتاخدت المرة ده او اي مرة
وانا مش هنقصهم حقهم

غير معرف يقول...

الخلاصة يا عم احمد انت عيل ومش هاقول شاب - عيل متطاول
ولما تبقى عملت قد اللي انت بتقل ادبك عليهم دول او حتى ربعه او خمسه او سدسه يبقى ليك الكلام
ناس بيتقبض عليهم وحاطين راسهم على كفهم وبيتشتموا في التلفزيون والجرايد
وبيصرفوا من جيوبهم يشتروا كاميرات ومعدات علشان البلد مش زي عيال الاخوان اللي ليهم تنظيم يصرف عليهم
وييجي في الاخر عيل متطاول زيك يشتمهم
الاولى انك كنت تشتم التنظيم بتاعك
تنظيم الاخوان المنافقين اللي ما اعترضش حتى بفساء

غير معرف يقول...

تلميحاتك سخيفة وشيطانك ركبك وافتكرت نفسك حاجة وبتقل ادبك على ناس انت ما شفتهاش ولا متاكد من ادعاءاتك عليهم
انت لا شفت شرقاوي ولا تعرف كان فين
ولا شفت وائل عباس ولا تعرف عنه حاجة
انت بس عاوزز تتشهر
او زي ما اتقال في تعليق على موضوع سابق انت مستمر في حملة الاخوان ضد المدونين اللي هي صفقة بين الاخوان والامن
اخص على الوطنية

غير معرف يقول...

وائل عباس انا شفته في ميدان التحرير وشفته مع خالد البلشي وعبير العسكري وكان بيدون على موقعه برسايل المحمول اول باول وبيقول مين اتقبض عليه ومين انضرب
يبقى ازاي انت بتقول ما كانش موجود
احمد انا ابتديت اشك فيك
شكلك بتلعب لعبة وسخة
ربنا يهديك

غير معرف يقول...

اسمها انتقد مش انتقض يا عم الاسلامي

غير معرف يقول...

يالهوى ده انت وائل عباس مثلك الاعلى في كل حاجة وبتقلد تعليقاته وطريقة نشره للصور واسلوبه وحتى اللوجو بتاعك بتقلده فيه
تقوم تيجي في الاخر وتشتمه

أحمد عبد الفتاح يقول...
أزال المؤلف هذا التعليق.
أحمد عبد الفتاح يقول...

يقول رسول الله صلي الله عليه وسلم
أنا زعيم بيت بربض الجنة لمن ترك الجدال وهو محقا
صدق رسول الله
علي فكره ربض يعني وسط
وجزاك الله خيرا

غير معرف يقول...

هاهاها
ايوه
يعملوها ويخيلوا
الشوية بتوع الاسلامجية
لا تجادل ولا تناقش يا اخ احمد
اشتم في الناس بس
وامسح تعليقات اللي يعترض بس
صدقنى انت ولا حاجة يا احمد وحظيت بكراهية الناس من اولها
وبطل كذب
لان التعليقات اللي بتمسحها مكانها باين
Comment deleted
This post has been removed by the author.
ولا هو الكذب من ابواب غلق الجدال

غير معرف يقول...

عيل لزج وملتصق

أحمد عبد الفتاح يقول...

واضح ان الادب مش نافع
بس عالعموم انا برده مودب
التعليق الي شلته يا بيه كانت انا الي كاتبه وكنت بقول فيه بالنص
ديني علمني مردش علي واحد ذي الاستاذ مجهول المحترم ده
فانا فعلا مش لاقي لزمه نجيب سيرة التمويل والناس الي ساكنه في المقطم والاب توبات ............الخ
بس ياريت مدام الاخ واثق قوي كده من كلامه يورينا نفسه ويكتب اسمه
ولا واضح انه اجبن من كده
ولا تلاقيه مطلوب من الحكومة والمعارضه هو راخر
هههههههههههههههههههههه
عالعموم انا مش هشيل التعليق لان شتيمة من كائن ذيك شرف ليا

غير معرف يقول...

احمد مش قلت لك دع ذلك المجهول وشانه ولاترد عليه قلت لك لاتتطاول عليه ان استطعت ان تقول ربن ا يهديه

غير معرف يقول...

احمد مش قلت لك دع ذلك المجهول وشانه ولاترد عليه قلت لك لاتتطاول عليه ان استطعت ان تقول ربن ا يهديه

غير معرف يقول...

احمد مش قلت لك دع ذلك المجهول وشانه ولاترد عليه قلت لك لاتتطاول عليه ان استطعت ان تقول ربن ا يهديه

غير معرف يقول...

فان جاءتك مذمتي من بذيئ ......فهي خير شهادة لي بانني صادق

غير معرف يقول...

"عالعموم انا مش هشيل التعليق لان شتيمة من كائن ذيك شرف ليا"

وتطلع ايه ذيك دى؟
ذيك ده اخو ديك؟
ها تروح جنة الاخوان اللي مش هايروحها المدونين الكفرة وانت بتقول ذيك
اومال بتقرا قران ازاى وانت مش عارف ال ذ من ال ز

شارك مع اصدقائك

Share |