الجمعة، 23 مارس 2007

ماذا لو تم القبض علي المرشد العام لجماعة الاخوان المسلمين


بالتاكيد وأن شاء الله عنوان الخبر ده مش صحيح بالرغم من ان اغلبنا يتوقع سماعه قريب وقريب جدا بسبب سياسة الاعتقلات التي تتبعها الاجهزة الامنية هذه الايام

انا بس قصدت بيه هنا عمل نوع من انواع المحاكاة للي ممكن يحصل في البلد لو ده حصل

الاخوان ممكن يعملوا ايه ؟ وهيتحركوا اذاي ؟

طبعا اجابة السوال ده معروفة وان القبض علي المرشد خط أحمر لا يمكن تجاوزه باي شكل من الاشكال

طيب السوال هنا وايه رد فعل الجماعه علي اعتقال المئات منهم في الفترة الاخيرة ؟؟

وليه ميكنش عالاقل نص الرد المتوقع عند القبض علي المرشد ؟؟

من وجهة نظري المتواضعه جدا أن الاخوان لا يجب ان يفرقوا بين القبض علي المرشد العام والقبض علي خيرت الشاطر ومجموعه المحاكمة العسكرية ولا يجب ان يفرقوا بين القبض علي المرشد والقبض علي د/ محمود عزلان وقيادات الجماعه الاخري وحتي القبض علي مجموعه مديري مكاتب النواب .

قد يكون للاخوان استراجيتهم في الرد وهو امر يحترم وهنا يظهر مبدا السمع والطاعه في فكر الاخوان فالشباب الاخوان رغم ثورتهم العارمة يسمعون ويطيعون كلام قادتهم وهذا يدلل لنا ان الاخوان يدخرون الكثير والكثير في سبيل الرد علي الاعتقلات الاخيرة .

و ظهور بعض المدونات في الفترة الاخيرة والمواقع عالانترنت للدفاع عن القيادات المعتقلة هي نوع من انواع الرد علي ما يحدث لكن متي وكيف سيظهر الرد المتوقع من الجماعه ؟؟؟ الله وحده اعلم ولا نملك سوي الانتظار لتجيبنا الايام عن هذا السوال .

بالتاكيد انا لم اجب علي اغلب الاسئلة التي اثرتها في هذه المقالة ولكني افتح باب الحوار حول ارائكم في هذا الموضوع

وفي النهاية نرجوا من الله أن يحفظ لنا المرشد وكل الرجال الشرفاء في هذه الامة من كل شر وان يرفع عنا ما نحن فيه .

ملاحظة

كان اسم هذا البوست القبض علي المرشد العام لجماعه الاخوان المسلمين وتم تغيره بسبب نصيحة من الاخ العزيز الحاج جرجس




في14,آذار,2007 - 08:18 مساءً, من دفتر الوطن كتبها ... (غير موثّق)
الله ، ليه الثوية دى يا عم احمد ، أنت بتتكلم فى المحظور ، فضيلة المرشد خط أحمر لا يمكنك الإقتراب منه أو التصوير. بس و الله فكرة حلوة لو قبضوا على المرشد ، يبقى الدنيا هتولع بجد ، ر بنا يستر على الناس.

ملحوظة:
يا ريت تدخل تشوف أنا كتبت إيه على حبيبك فيصل القاسم ، بس يا ريت تقرا البوست بتركيز
في14,آذار,2007 - 11:37 مساءً, أحمد عبد الفتاح كتبها ...
أبو حميد بص يا سيدي
1- مفيش حاجه اسمها ممنوع وخط احمر وحصانة لشخص معين في الاخوان لان عندنا مبدأ اصيل بيقول رحم الله امرئ أهدي الي عيوبي وبنعمل بمقولة ابو بكر الصديق لما طلب من شعبه يقومه بالسيوف ان حاد عن الحق وعارفين كويس ومونين ان كلا يوخذ عليه ويرد الا المعصوم محمد عليه الصلاة والسلام
2- منتدي الاخوان عالانترنت عليه مقالات بتنتقض المرشد عادي جدا ومش خط احمر ولا ازرق حتي
3- انا في التدوينه منتقضتش المرشد انا بقول لو اعتقل وده مش انتقاض
4- انا قصدي هنا من التدوينه وضع تصور للوضع بعد القبض علي المرشد لا قدر الله واتمني اعرف رايك في الموضوع ده وبالتفاصيل
5- مين قالك اني بحب فيصل ده انا بكرهه عمي
في14,آذار,2007 - 11:52 مساءً, مجهول كتبها ...
واللهى يا احمد انا اول لما قريت المقال دى زعلت جدا يقبضة على المرشد
لما جيت اقر الخبر لقيت الموضوع مش بجد زعلت قوى
نفسى يا احمد ان كل مصرى يبقى المرشد بتاعة حد مصرى حتى النخاع عايز مصر مش عايز يحكم مصر
كل حزب عايز الحكم كل حركة عايز الحكم كل ديانة عايزة الحكم مفيش حد عايز مصر
مين بشترى مصر
سعيد وطنى
في15,آذار,2007 - 12:07 صباحاً, مجهول كتبها ...
موضوعك حلو و عندك حق انه ليه الاخوان مش بيتعاملوا مع موضوع الاعتقالات دة دون انصاف ، يعني اعتقالات اعتقلات في صفوفهم بالهبل لكن لحد المرشد ممكن فعلا يعملوا عصيان مدني اعتقد لأنهم اتعدوا على الاعتقالات دي و مش حاجة جديدة بالنسبة ليهم لكن المرشد اعتقد انها هاتكون القاضية الموجهة فعلا لظهر النظام و مش هاتفوت بسهولة و ممكن تكون اشرس المعارك و لا اعتقد ان الحكومة عندها استعداد حاليا للمواجهة دي خالص بالعكس الحكومة بتتبع اسلوب ذكي إلى حد ما قد تكون قاصدة أو بتعمله بالبركة و هو انها لازم عشان تجيب الرأس المنظم و المسيطر على جماعة ما إنها تضربه من أسفل إلى جانب إنها تهز القمة ببعض الضربات مش أكثر و موقف الاخوان من القبض على مجموعة المحاكمة العسكرية مخزي جدا كان لابد يكون اقوى من كدة ولكن في النهاية الاخوان تنظيم لا يعرف أحد ماذا يخبئ و ماهية مواقفة التالية ، بالنسبة بقى لأنه ياريت كل واحد فينا يكون ليه مرشد يحب مصــر و لا يطمح للوصول للسلطة ، في اعتقادي دة كلام ليس له معنى عند المشتغلين بالسياسة و كمان فيها ايه يعني لما يبقى الطموح حكم مصر لا اعتقد انها حاجة دنيئة أوي كدة بالعكس الدنيء انك تحكم شعب قرفان منك و مش لاقي طريقة يقولك بيها كفاية عشان ممكن تعتبره بيزدري الأديان اذ فجأة ... و الدين لله و السلطة في بلدنا للبلطجية و الحرامية ، و القهر للشعب الغلبان..
سارة نور الدين
في15,آذار,2007 - 01:49 صباحاً, شريف أيمن كتبها ...
أنا تعليقي على عدم تحرك الإخوان حتى الآن أن هذا الهدوء الشديد هو ما يدل على النضج الشديد جدا للإخوان فالنظام يريد للإخوان أن يخرجوا عن خطهم الأصيل في التحرك بإلهائه عن الأحداث الأساسية التي تموج بالمجتمع والانشغال بقضيتهم وحدهم وهذا ليس من مبادئ وشيم الإخوان أضف إلى هذا أن الإخوان وإن لم يكن لهم رد فعل الآن فرد فعلهم يكون مزلزلا على غرار اعتقالات مظاهرات الإصلاح التي اعتقل فيها قيادات كبيرة وما يقرب من3000 فرد من الإخوان وكان الرد بعد ذلك بالنتيجة الكبيرة للإخوان في مجلس الشعب .
أما كون اعتقال المرشد خط أحمر فهذا أمر لايعيب الإخوان ولا يعني التفرقة فاعتقال رئيس أي حزب لايساوي اعتقال فرد في الحزب في التجاوز الأمني وهذا أمر بدهي ولكن لايعني هذا أن من تم اعتقالهم لا يأبه الإخوان لهم وربما إن كان اعتقالهم في ظرف ووقت غير هذا لما كان رد الفعل بهذه الصورة وتظاهرة الإخوان الحاشدة التي تمت عام 95 بجامعة القاهرة عقب المحاكمات العسكرية خير شاهد على هذا .
في15,آذار,2007 - 03:50 صباحاً, محمود سعيد كتبها ... (غير موثّق)
مش هيحصل أى حاجة أبداً
عادى تماماً الإخوان مؤسسة تعمل بـ أو بدون (المرشد)

وطبعا زى الطبيعى بتاعنا فى أى عمل فى رديف للمرشد (يعنى نائب)
في15,آذار,2007 - 09:30 صباحاً, مجهول كتبها ...
انت حرامى والكلام ده كان منشور فى الدستور من فترة
ياحرامى
في15,آذار,2007 - 10:54 صباحاً, صحفي علي عليوه كتبها ...
الي كاتب هذه المقالة اقول له اتق الله في اللغة العربية لغة القرآن الكريم فكيف تستخدم العامية وتترك العربية الفصحي ؟؟ هذا نوع من التردي السحيق والعجز والتفريط في الهوبة العربية الاسلامية ومن يعجز عن استخدام لغته في الحياة اليومية سوف يكون عاجزا عن نصرة الاسلام والمسلمين لان اللغة هي عنوان الهوية ومن يفلرط في لغته يسهل عليه التفريط في الامور الاخري .
في16,آذار,2007 - 05:08 مساءً, مجهول كتبها ...
بالظبط زي ما قال محمود سعيد
الاخوان تعمل ب او بدون الاستاذ المرشد
في22,آذار,2007 - 04:30 صباحاً, عمر الشرقاوى كتبها ...
ربنا معاكوا والله انا مبسوط من التعليقات دى كويس ماشاء الله اخوان بيدوروا على وسائل جديده للرد على امن الدوله هما خلاص زهقو من المظهرات

ليست هناك تعليقات:

شارك مع اصدقائك

Share |