كلنا بنعاني من وضعنا الراهن ، كلنا مش راضين عن حالنا ، كلنا شايفين اننا مظلومين من الي فوق
، من أول اسم النبي حارسه وصاينه سياده الرئيس الي اسم النبي حارسه برضه أمين الشرطة ، ومش عارفين نعمل مع العالم دول ايه ، بس انا بقه عرفت واتعلمت عارفين من مين ؟؟ من بنات جامعة حلوان .
الموقف الي هحكيه دلوقت هو موقف حدث بالفعل في جامهة حلوان بداية العام الدراسي الحالي وقد وفقني الله لكي اكون شاهد عيان علي ما حدث وذلك بسبب عملي كمراسل لموقع اخوان جنوب القاهرة بالجامعه .
الاحداث بدأت باصدار رئيس الجامعه الدكتور عبد الحي عبيد قرارا فذ بمنع سكن الطالبات المنتقبات بالمدينة الجامعية والسبب - من وحهة نظره - حماية الطالبات ، علي فكره انا مبهزرش هو ده الي قاله بجد ، سياده الدكتور خايف ان حد يتسلل في ذي منقبة مع ان جامعة حلوان الجامعه الوحيدة المعروفة لي التي تعمل بها مشرفات امن من السيدات مهمتهم كشف وجه التيات المنتقبات للتاكد من هويتهم عند دخولهم للجامعه أو المدينة الجامعية .
المهم الدنيا اتقلبت وزير التعليم العالي طلع وقال انا مع قرار عبيد والي هيسكن عنده منتقبات يتحمل المسولية - قصده روساء الجامعات التانية الي مرفدوش المنتقبات - بس بنات حلوان الجدعان مسكتوش سمعوا صوتهم للعالم من اول الجرايد ووسائل الاعلام لحاد منظمات المجتمع المدني ، طلع عبيد عالتلفزيون مقدرش يبرر موقفه وتراجع شويه عن كلامه السابق وقال هنسمح لهم بالسكن بس يكشفوا وحههم داخل المدينة ، بس برده البنات مسكتوش وكان اجمل تحرك ليهم هو ما عرف بيوم النقاب والي تقدر توصفه انه كان عرس للحرية في جامعه حلوان بنات حلوان كلهم لبسوا النقاب حتي الي مش محجبات اصلا للتضامن مع زميلاتهم وخرجو في مسيرة رائعه اتكلمت عنها كل الجرايد - المحترمه طبعا مش القومية - واستمر نضال بنات حلوان لحاد ما حققوا هدفهم واتلغي القرار وبس .
طيب انا بحكي كل ده ليه ؟
الموضوع بسيط قوي الاسبوعين الي فاتوا فصل 30 طالب من طلاب حلوان في رقم قياسي جديد للجامعه لمدد من عام ل 3 اعوام بتهمة تنظيم انتخبات اتحاد حر الغريبة ان شباب حلوان لحاد دلوقت ساكتين وحتي مرفعوش قضية ، بصراحه مش عارف افسر الموقف الغريب ده ولحاد لما اسمع تفسير هعتبرها سلبيه - سوري يا رجاله ده حقي - أما ليه بقه استشهدت بالواقعه ده بالذات فده لعده اسباب اولا انهم بنات ثانيا انهم حققوا هدفهم كاملا من غير اي نقص فيه وده نادر جدا ما بيحصل اتمني ان رجالة حلوان يفهموني ، ومش هما وبس لا كل واحد ساكت علي حقه بقوله بعلو صوتي فوق وقلد بنات حلوان واكرم لك تموت وانت بتدافع عن حقك ده .
بالمناسبة ممكن تشاهدوا كليب انا صممته وصورته لليوم ده تحية مني لنضال بنات حلوان علي الرابط ده
مه برده كان هندهم قانون طواري
وانا مقلتش لازم يضاهروا بس عالاقل يسمعوا صوتهم للعالم
ولا ايه يا مناضل ؟
بس الصراحة انا متاكده ان الاولاد صابرين بس هيطلعوا بحاجة تقلب الدنيا
عندي رد بسيط قوي في اللينك ده
http://masr-heya-ommi.blogspot.com
ده البلوج بتاعي و انا من حلوان على فكره
و انا وتحد من آلآف الشباب الحلونه الجدعان قوي
بس انا حبيت اعلق على الموضوع دة عشان انا طالبة فى جامعة حلوان تمهيدى ماجستير كلية الاداب قسم المكتبات والمعلومات والموضوع حصل فعلا فى الجامعة وانا يعنى مش فاهمة دى اولا واحدة بتمارس فرائض الدين عندها يبقى ليه تتعامل بالشكل دة وانا من وجهة نظري كل واحد حر فى دينوا ويمارسه ذي ماهو عايزة وربنا اللى هايحاسب يعنى انا مش متحيزة للدين الإسلامى ....بس يبقى مش واحدة بشعرها ودمها خفيف (وبتهزر) تدخل الجامعة ويمكن تدخل من غير كارنيه فى حين ان واحدة عشان منقبة نرفض التعامل معها .... بجد الموضوع دة لازم ينتهى سواء لو ناس شايفة النقاب فرض او مش فرض كل واحد حر فى الدين اللى يختارة وربنا هو اللى بيحاسب مش حد تانى....وشكراااا
رشا سيف الدين
الموضوع يا شباب هو الحرية والحرية وبس
النقاب سيبكم انه من الدين فرض ولا سنة ولا مستحب
النقاب حرية شخصية
وعلي فكره شباب حلوان بدوا يتحركو وتحرك جيد بس الامن ماسك الموضوع بقبضة من حديد ورفعوا قضية ضد قرار الفصل
بحي شباب وبنات حلوان وبقولهم ربنا معاكم واحب اقول لعبد الحي عبيد ربنا يهديك ويزيح الغمة الي انت ولجنة سياسات ابن الرئيس الي انت عضو فيها والرئيس طبعا سبب كبير فيها