كاي مصري اعرف ان امن الدولة في مصرنا العزيزه مهمته اعتقال الاخوان والمعارضة والتنكيل بهم 
وسحلهم وشطبهم من الانتخبات والاغارة علي بيوتهم قبيل الفجر والي اخر هذه السلسه التي لا تنتهي من مهام امن الدولة المعروفه .
ولازلت اتذكر في احد مرات لقائي مع سيادة اللواء فواد علام نائب رئيس جهاز مباحث امن الدولة السابق قال انه متخصص في مكافحة الاخوان والمنظمات الارهابية ... بس هي ده شغلته .
المهم اني اليوم اكتشفت بمحض الصدفه ان امن الدولة ليه وظيفه تانيه وهي القبض علي الجواسيس .
أه الجواسيس فاكرينهم ؟؟ بتوع زمان دول ايام عبد الناصر وروايات رجل المستحيل والكلام ده .. هما دول .
ففي الايامن الماضية خرجت علينا وسائل الاعلام بخبر القبض والتحقيق مع جاسوس مصري وطبعا الي حقق وقبض هي المخابرات بس نيابة امكن الدولة بتحقق مع المتهم الان .
شئ جميل انك تلاقي ولو فايده واحده لحاجه مهمتها في الحياة العكننه علي خلق الله واهانتهم بس انا عندي شوية اسئلة
1- ليه متقبضش علي ولا اسرائيلي في الشبكة بالرغم من ورود كذا اسم في التحقيقات ؟ قالوا شبكة بس قبضوا علي واحد بس .
2- هو طول الفترة الي فاتت ده مكنش فيه جواسيس ليه ؟؟ اسرائيل تابت وانابت ؟ ولا خايفين منا ؟ ولا كان فيه بس احنا مش واخدين بالنا ؟
3- مسمعناش ان المتهم راح السجن الي تحت مقر جابر ابن حيان او الكلام الي بيحصل لمعتقلين الاخوان السوال هي الاماكن ده للاخوان فقط ؟
ملحوظه مزعلاني :
قال الخبر ان المتهم محمد عصام غنيم العطار 31 سنة بالفرقة الثالثة بكلية العلوم جامعة الأزهر ربنا يبشرهم بالخير أنا في علوم الازهر بس عندي 21 سنة يعني لسه ليا 10 سنين كمان ولا ايه ؟؟؟ ربنا يستر
اللهم فرج عنا ما نحن فيه
الأمن المصري لا يضع في حساباته الاستراتيجية أن حركة الاخوان المسلمين مرادف مضاد للحركة الشيعية التي تتزعمها ايران، لقد تحول الاجتماع الاسلامي
الى مرحلة تأسيس مشاريع البقاء أو الاندثار على أساس طائفي منذ أن أسهم الحكام العرب في هدم نظام الرئيس العراقي.
وهذا عهدي بالازهريه ....وربنا يستر علي عيلنا
هم افرازات السياسات الفاشله على مدى ربع القرن الماضى حتى وصلنا الى زروة زمن الفشل وبالتالى لن يصل الى منصب فى زمن الفشل سوى من هو اشد الناس فشلا
فاصحاب المناصب هؤلاء اللى بيمرمرتوا اسيادهم من الشرفاء فى السجون والمحاكم
تجد ان زملائهم المتفوقون عليهم خلال سنوات الدراسه يعملون كمساريه فى المواصلات
العامه وافراد امن فى شركات الحراسه على ابواب القرى السياحيه فى شرم الشيخ والغردقه والأغلبيه منهم فى الظل لايجدون حتى قوت يومهم
فلا نتعجب من اى شئ جواسيس ايه ونيلة ايه
هو فيه خونه للوطن العربى بالكامل يستطيعون ان يفعلوا واحد على مليون مما قدمه كبار الخونه لليهود ومازالوا يقدمونه حتى اليوم من افقار واذلال وتكميم الأفواه للشعوب العربيه
بالكامل وزج الشرفاء والمفكرين والأعلام منهم فى غياهب السجون ؟
انهم مثل الغوانى يلهون الناس بما فيهم هم من خيانه وغدر للوطن العربى كله
حسبنا الله ونعم الوكيل ربنا ينتقم منهم ولا يؤاخذنا بما فعلوا