شايفين الصورة الي جنب الكلام ده ؟؟
ده صورة لشويه ناس ... عادي يعني
بس الي مش عادي الي جاي
الصورة ده فيها كوكتيل غريب جدا مستحيل يتجمع في مكان واحد
الصورة فيها 13 واحد بيكرهو الرئيس مبارك وابنه وعيلته وحكومته مع ان فيها 5 بيحبوه جدا - تصوروا لسه حد بيحبه - والصورة برده فيها 3 مش فارق معاهم مبارك قوي .
الصورة فيها 4 حزب وطني و 5 اخوان و 2 كفاية 3 وفد وواحد غد و 4 يساريين ويمكن فيها مخبر بس انا مش متاكد، فيها واحد ويمكن اكتر زعلان ومضايق مبتسم اه ذي كل الي في الصورة بس هو من جوه بيبكي ، فيها المبتسم رغم ان مفيش في جيبه غير 2 جنيه يا دوب يروحوه والتاني الي مش عارف اخر الشهر هيروح فين لما يطرد من الشقة الي ساكن فيها ، الصورة فيها واحد كان نفسه حد تاني يبقي معاه في الصورة وواحد كان نفسه يعمل قرون لصاحبه الي معاه في الصورة ، فيها الي بيفكر مشكلته العويصة الي هو فيها ومش عارف يعمل فيها ايه وبيحاول يهرب منها في الصورة ده ، وفيها الي ضاربها طبنجه ومش فارقه معاه ، فيها الي متسربع عايز ياخد الصورة بسرعه عشان ينزل يقابل حد بيحبه والتاني الي مش عايز الصورة تخلص عشان هو مش عايز يروح هناك او مش عايز يروح اصلا ، الصورة فيها اكتر من دين واكتر من بلد واكتر من لهجه واكتر من سن واكتر من فكر واكتر من احساس واكتر ....... الخ .
بس فيها شئ واحد مشترك وهو الحب ... الي جمعهم في الصورة ده انهم بس بيحبوا بعض بالرغم من اي اختلاف .
ولا ايه ؟؟؟
المواعيد اللى مش قد كده دى
رشا سيف
لينك الجروب http://groups.yahoo.com/group/shababahzab
زالميل بتاعه shababahzab@yahoogroups.com
----------------------------------------------------------------------------------------------
أما انتي بقه يارشا نتصور لك صورة مخصوص تانية
وبالنسبة لموضوع ناصرية ده فانا هقول لاحمد زكي عشان هو بيكره الناصريين
مهو طابعا الصحفي الغلبان اللي داخل بين بتوع الاحزاب والاخزان طالع
عرفتني ولا لا يا عم احمد
لو معرفتنيش يبقي انت منتمتش كويس وكنت صاحي ل(الفجر)
والحدق يفهم
الدكتور شديد أبو قلب حديد
عرفتك يا نجم من (الفجر)
وبالنسبة للصورة متزعلش
اعملك دورة مخصوص وكلها صور كمان
وعلي فكره الناس الي ذيك الي ملهمومش حزب بيبقوا هما فاكهة النشاطات الي ذي ده
و أخيرا عندى طلب لو عملتو هاشيلهالك جميلة فى رقبتى ، يا ريت و النبى تمسح من الصورة الواد البلطجى بتاع شباب من أجل التغيير .
أخبارك ايه ؟
بقه انا كنت ساتر عليك وانت تفضح نفسك كده ؟
عالعموم ياسيدي كلنا فدا الاجهزه اكيد... ومرحب قوي بفكره الدورة
اما بقه بخصوص الواد البلطجي فانا سايب صورته للاجهزه هما هيريحوك منه
شوفت الدماغ ؟؟
و عاش الوفد ضمير الأمة
ماله هو احنا بيهمنا
واستفدت أكثر بالشباب والبنات إللي كانوا معانا
ربنا يوفق الجميع
مع أني جاي أهني في الآخررر
بس عذرا انشغلت وما زلت مشغوووووووول جدا جدا
كانت دورة جميلة فعلا
ربنا يعيننا جميعا ونحاول نطبق ما تعلمناه منها
.........طمنوني عليييكم كلكم
شوفكم علي خير