انه يوم الثورة الحمراء ... يوم ان يكتسي كل شئ باللون الاحمر ... تشعر لوهلة انك قد انتقلت 
الي الاتحاد السوفيتي عام 1985 حيث الحركة الشيوعية في مجدها وتحس ان هناك أحتفال ما بعيد شيوعي كبير وليكن علي سبيل المثال عيد الترس ومفتاح 14 .
بس الفرق ان كل الدنيا بتبقي اتنينات كل واحد ماشي ومعاه واحده وكل واحده ماشي معاه واحد ... مساواة يعني .
كله شايل شنط ولفائف حمراء ولا بسين احمر والبنات داهنين وشهم بالاحمر ... من الاخر بتبقي الدنيا مدلوق عليها كوباية عصير طماطم حمضان .
الي بحكي عنه ده اكيد عيد الحب او الفلانتين داي .
الفلانتين داي للي ميعرفوش عرفته موسوعه ويكيبيديا
يوم الفالانتاين ، عيد الحب أو كما يلفظ بالانكليزية (Valentine's Day) في 14 فبراير و 4 نوفمبر في بعض الدول العربية وهو بدأ في الغرب للمحبين والتعبير عن حبهم وتقديم الهدايا و الورود إلي بعضهم
سمي يوم الفالانتاين أو عيد الفالانتاين تيمنا بشهيدين مسيحيين اسمهما فالانتاين ، وقد أرتبط هذا اليوم بالحب والرومانسية منذ العصور الوسطى وذلك بعد أن انتشرت فكرة الحب الغزلي . و في هذا اليوم يتم تبادل الرسائل الغرامية ، وكروت المعايدة ذات الطابع الرومانسي . وبالنسبة لرموز الفالانتاين في العصر الحديث فهناك القلب و الكيوبيد المجنح ، و يتم تبادلها مع الرسائل الغرامية . ومنذ القرن التاسع عشر أنتشرت الرسائل التي تكتب باليد ويتم تبادلها بين الأحباء وأصبحت توزع بالملايين . وقد قدرت جمعية كروت التهنئة أن عدد الكروت التي يتم تبادلها في جميع أنحاء العالم في عيد الفالانتاين وصل الي بليون كارت تقريبا ، مما يجعل عيد الفالانتاين رقم أثنين بعد عيد رأس السنة الميلادية فيما يتعلق بعدد كروت التهنئة المتداولة ، وقد قدرت الجمعية أن النساء يقمن بشراء حوالي 85% من جملة كروت الفالنتاين .
وفي الولايات المتحدة تم الترويج لعيد الفالانتاين من خلال جعله عيدا رسميا ، وقد ظهرت بعض الاتجاهات التي قامت بتسمية يوم الرابع عشر من فبراير بــ ( يوم الوعي للعذاب )
بس هو ده
سيبك اني مع او ضد اننا نحتفل بعيد يرجع لقس لان الموضوع ده موضوع عقائدي بحت ، لكن انا هنا هتكلم عن نوع من انواع الفلسفه أو اكثر من نوع متشابكين .
1- الي بيحتفل بالعيد ده بالشكل الاحمر ده صدقوني غلبااااااااااااان قوي لاسباب كتيرانه معني احتفاله كده انه مبيحبش الا في اليوم ده لان الحبيب باختصار بيكون عنده عيد حب كل ما بيشوف حبيبه أو بيسمعه أو حتي بيمر بخياله وصعب لا مستحيل ان يكون لعيد حبه ده يوم واحد .
2- انا شايف ان الاحتفال ده نوع من انواع فلسفة ( بهيص مع الهيصه ) يعني اقلد الناس - بالمناسبة هي الفلسفة ده صاحبة الفضل في 50 % من احداث التحرش بوسط البلد ومعناه ان كل واحد بيقلد التاني والزحمه بتغطي عليه-بيلاقيها فرصه انه يخرج ذي كل الناس الي خارجه ويلبس ذي كل الناس الي لبسه ويجيب هديه حمراء ذي كل الناس الي جايبه بس الاحساس ؟؟؟ الله اعلم بيه
3- ان اكيد للعيد فايده وهي فائده فلسفة الريستارت فاكرينها ؟
وهي ان الواحد بيقف عشان يراجع نفسه ويوجه نفسه من جديد وهنا الموضوع بيبقي متعلق بقلبه وعواطفه يعني ريستارت عاطفي ، وده سبب كبير لكثير من الاعياد ذي اعياد الام واعياد راس السنة بل واعياد الميلاد .
4- أحب اقول لكل شاب وكل فتاه لما تحبوا حبوا بجد من القلب سيبوكوا من المظاهر الفارغه - ومش هنقول حرام ولا لا - حبوا بقلبكم ... أعرف يعني ايه تضحي .. تبذل لحبيبك ... تكون مرايه لحبيبك ... تفهمه من غير حتي ما تشوفه ... تعمل حاجات كتير اوي عمر ما هيكون ضمنها الخروج والورده الحمراء والدبدوب الهدية .
5- احب افكركم بحاجه هنا مش مكانها قوي بس مهمه ... الحب مش حب شاب لفتاه وبس الحب كبيييييييييييييير قوي حبك لاهلك لاصحابك لجيرانك .... الخ .
بس صدقني عمرك ما هتلاقي ذي حبه هو ... حنين قوي ... جميل قوي ... بيحبك قوي اكتر من اي حد ... بس ياتري افتكرته في الفلانتين ؟؟ مش هقول بهديه لا بنوع من التواصل حتي لو اشتكيت له وعيطت ليه .
أكيد انتم عارفين قصدي مين ... وصدقوني اي حب ممكن يموت الا حبه .
ونسيت اقول ان احلي ما في الفلنتين عرض موبينيل .
وهابي فلانتين داي .
تحفة جزاكم الله خيرا الكلام قريب جدا من القلب
حسيته بسرعة
وخاصة الجزء الاخير
بمعنى ارتبط ببنوتة قبل كده
لاني انسان واي انسان لازم يحب وعلي فكره ده حقيقه علميه
بس صدقني حب الله يفرق كتير وله طعم تاني خالص
ولو حبيته بجد بيدي لحبك للبنوته بعد جديد خالص مش بيتوصف
بقزلك ايه تابع سلسة مقلاتي الجديده عن فلسفة الحب هتفهم معني كلامي اكتر