لو قالولي الحب شمعه
هشتري كل الشموع
واقلب الليل البهيم
صبح شادي لقلب حب
لقلب جه الدنيا شاب
وعاش ومات وبرده شاب
******
ولو قالولي الحب وردة هزرع الكون بالورود
هسقي وردي بدمع عيني
دمع فرحي يوم ما يوصل
أيوه يوصل
حب صافي
حب دافي
لكل قلب ... من كل قلب
*****
ولو قالولي الحب كلمه
هكتب علي كل الحيطان
والشوارع والببان
حِب يابني
حِب حُب
حب كل الناس وعيش
بكرة أجمل لو نحب
*****
ولو قالولي الحب بسمة
هبقي لعبة أو عروسة
او ممثل أو مهرج
وارسم البسمة واحارب
كل حزن وكل هم
*****
هبني صرح لحب عالي
زمن فوقيه هزعق وأنادي
يا ابن ادم
فوق وركز
دنيا ماشية
دنيا دايسه
فوق رقاب الكل وانت
حالف لتقضيها ضلمة
دنيا هايفه
وانت واقف
تبكي حظك أو ظروفك
يا بن ادم
حب ناسك
حب ارضك ... حب فاسك
حب عملك ... حب بلدك
تصبح الدنيا الدنية
أحلي جنة
أحلي غنوة
تعليق واحد
في27,كانون الثاني,2007 - 08:40 صباحاً, مجهول كتبها ...
بعد التحيه قطعة شعر جميله جدا يا احمد اخيك عمرو اسماعيل
