في اول تعاون بين مدونة ياللالاللي ومدونة مقاومة
قمت انا والزميلة سارة صاحبة مدونة مقاومة بالتقاط هذه الصور بكاميرا أستعرناها من واحد صاحبنا وحاولنا ان نسجل بالصور لحظة بلحظة ما حدث في مظاهرة 15/3 بوسط البلد
الجميع يتوجه للمظاهره
وبالتاكيد الامن هو الاخر
اليوم كان باين من اوله
التجمع ... تظاهر من البلكونة 5 ودخلوا تاني
عبد القدوس الذي لا يغيب عن اي مظاهره
أيه السواد ده ؟
وحتي رموز العمل حضرو
المسيري بعد ان استطاع اقتحام الكردون
متخفوش هتشوفوا السواد ده كتير
عبد القدوس والمسيري وعلم مصر
تابع السواد
لا للتمديد لا للتوريث لا للتعديلات
المسيري
علي غير موعد ... كان التجمع في التجمع
اعضاء الناصري يتفرجون
المراسلون والمدونون يعملون
مش عارف بيبص ليا ليه ...يمكن معجب
صناديق انتخابات الناصري نازله ... شفتوا الروقان
الضرب اشتغل ... ايه يعني مه شغال من الاول اصلا
المسيري يلقي بيان اليوم
عم الحج ...أه يا عم الحج
حتي العيال فهموا مبارك
دول طبعا مش امن خالص
العلاقات المصرية الامريكية
عبد القدوس عنده امل انهم يفهموا والله الراجل ده طيب يا جدعان
خناقة رموز الناصري مع المنظميين
مصر يا اما
كفاااااااااية
خلي الموبيل صاحي
اجتماع تنظيمي... امسك يا جدع
صور تذكاريه ... عادي يعني
تاني عم الحج
خناااااقه
فاصل من السواد
نكمل الخناقة
بتشاور علي مين يا عم انت ؟؟؟؟
تابع الخناقة
زنزانة تراقب الموقف من اعلي السيارة وتمسك في يديها العكاز الذي اصاب 1646848648 فرد امن والي اتقال عنه في الاخر عكاز الحج محمد وهو مين الحج محمد ده اصلا ؟؟؟
وبعد كده البطرية خلصت خلاص وكتر خير الكاميرا علي كده
بذمتكم ... مش تستاهل الضرب والسحل والسجن وحتي الموت عشان عيونها؟؟؟؟
والجايزه هي " شكرا علي تعليقك الجميل يا ابو الامجاد "
ده مش عبط ده تخلف
عمرى ما شفت كده
مظاهرة يتغير معدها فجأه فين التخطيط والنظام
وغير كده ناس متجمعه وبتعمل مظاهرة يتخانقوا ليه
اكيد شكلكوا كان عيل أدام الأمن ناس مش عارفة هى بتعمل ايه وبيتخنقوا مع بعض
والا الأمن فرق ما بنكوا عشان يتفرج عليكوا
ويا ترى المظاهرة دى حققت أهدافها
والا كان هدفها بصوا يا جدعان أحنا بنعمل حاجة
والا الناس كان نفسها تيجى قناه الجزيرة عشان تصور ويطلعوا فى التلفزيون
وأول مرة يا أحمد أعرف إن مخك بايز كده مع أحترامى ليك
على العموم يا ريت تقفوا مع نفسكوا وقفة محترمة وتعرفوا أنتوا عايزين أيه وتعرفوا قيادتكوا من كفاية والحزب الناصرى والتجمع
على الرغم إنى مش بتوافق مع الأحزاب دى بس أى حاجة فى محاربة الفساد أحترمها
بجد لازم تنظموا خطواتكوا المستقبلية البلد مش هتستحمل أخطاء من الإصلاحين
واسفة على اللهجة الشديدة
وعليكم السلام
1- تنظيم المظاهره انا معاكي انه كان زبالة
2- محدش من المنظمين والمشاركين اتخانقوا الخناقه مع الامن بس
3- انا شاركت لان مفيش غيرهم ومتيقلي اني كان عندي خبر انك كنتي عايزه تشاركي
4- انا كنت بشارك عشان اغطي اكتر من المشاركه نفسها
5 - لازم نتعلم احترام الاخر مش عشان احنا ربنا كارمنا في الاخوان وبنعمل مظاهرات حلوه نتريق علي خلق الله المفروض ننصحهم مش نقول الكلام ده
وعلي كل حال شاكر جدا هعلي رايك القيم
على الصور ديه وصور المعتقلين كمان
ممكن يكون عندك حق
انا ما لما كنت عايزة اشارك الكلام هوسنى بس لما فكرت لقيت انه ما ينفعش
وشكرا
طلب من كل الحاضرين عايزة موضوعات عن الفكر الأشتراكى والناصرى والوفدى والغد
ويا ريت يكون ملخص أعرف منه أفكارهم الأساسية والقائم عليها
وشكرا
هبعتها لك
وبعدين فيه أكبر دليل ياعم أحمد على احترام الآخر وجود محمد عبد القدوس وآخرين من الأخوان...
بصمة وائل عباس معلمة في مدونتك غصب عنك
كنت حالف 100 يمين مردش علي امثالك بس اعمل ايه في جهلك المستفز ده
1- وائل عباس لم يغطي حتي الان أحداث المظاهره ومكتفي بتغطية رحلة تركيا بالرغم من انه حضر وصور بس طبعا الاتراك اهم
2- اي صحفي في العالم بيغطي ولا هو حكر علي سي وائل وشلته ؟
3- قلت بدل المرة 14684684 ان انا مش مع خلاف مع وائل انا مع خلاف مع فكر وائل
4- انا اصلا من هواة التصوير يعني ده كاري
5- يارب تكون فهمت رغم اني اشك في الموضوع ده
6- ياريت تطلع راجل واشوفك يوم الثلاثاء نتكلم افضل وجه لوجه بدل كلام المجاهيل ده ولا حتي تطلع نص راجل وتقول اسمك
انا اصلا كنت فوق فوق خالص ...لا مش موت بس كنت فوق
فقري من يومك
جهز نفسك لبكرة
انت وعدتني فيلم تسجيلي يا بلاش
ههههههههههه