الجمعة، 23 مارس 2007

عدوها الكلاب



واضح ان الحزب الواطي - وطني سابقا - فاق كل التوقعات في قلة الحياء والنهب والنصب والتزوير والتدليس وكل فعل شنيع في حق بلدنا وشعبنا المغلوب علي امره .

واضح اننا كمصريين - سابقا - ومصرين معدلين دستوريا - لاحقا - هنشوف ايام ذي الزفت .

انا بكتب التدوينه ده وانا مش عارف انا عايز اكتب ايه ، انا حاسس اني عايز اقول كلام قبيح عمري ما قلته طول عمري بس بجد حاسس انه طالع دلوقت من جوايا في وش الكلاب الي بيحكموا العزبه ده .

وسامحوني لما اقول انا عايز اقول كلام قبيح برده للشعب الي نايم في الذرة وسايب كل خسيس يعمل فيه الي هو عايزه ، وقال ايه زعلانين ان اسرائيل قتلت اسرانا ، طب مه الحزب النجس اياه بيقتل شعب بحاله والشعب يالالاللي عليه نايم لا وايه مبسوط وسعيد .

أقسم بالله ان لم تتحركوا الان فستيعيشون بقية عمركم في ذل وقهر واما انا لن ارضي لي أو لابنائي من بعدي هذا ، اذن وكما قال الرسول افضل الجهاد كلمة حق في وجه سلطان جائر .

وعشان كده اسمع يا مبارك انت وكلابك الي اكيد بيراقبوا مدونتي دلوقت واسمع ياعالم كله واشهد اني بقول لا والف لا للي بيعمله الواطي مبارك وحزبه وابنه فينا ومش هكتفي بقول لا ،لا انا و كل شريف في الوطن ده لكن الي هنعمله صدقوني عمركم ما حتي تخيلتوه .




3 تعليقات
في 19,آذار,2007 - 11:27 مساءً, مجهول كتبها ...
احمد انا متعود منك على الليقة والادب فى الكلام انت متنرفز قوى كدة لية
فاكر لما قولتلك احنا بنتكلم علشان ناس مش فهما ولا عرفة احنا نقصد اية ومن الناس اللى بتفهم ساكت لية ؟؟؟؟؟؟؟
علشان كل الناس دخلت دير مفهش غير رغيف العيش هنشتغل علشان ناكل وبكرة هنشتغل برضة
تقلهم المستقبل ضايع ولا مفكتوش يقوله والحاضر ضايع برضة والماضى مسروق
ربنا معنا بقى
سعيد وطنى




في 20,آذار,2007 - 12:41 مساءً, مجهول كتبها ...
انا مقدرة الثورة اللى جوالك وحاسة بيك جدا
بس علشان بقية الناس تخرج اللى جواها زيك
لازم تقولينا انت كتبت المقال ده ليه
انا عارفة ان الموضوع مش محتاج مبررات
بس علشان نقدر نوجه الكلام اللى جوانا صح
هبة




في 21,آذار,2007 - 10:43 صباحاً, مجهول كتبها ...
اه عدوها الكلاب ولاد الكلاب ولا تقولوا لباقة بقى و لا أدب و لايحزنون
سارة نور الدين

ليست هناك تعليقات:

شارك مع اصدقائك

Share |