الجمعة، 23 مارس، 2007

متيجوا نتعلمها من موريتنيا



موريتنا بلد عربي ومسلم وده للي ميعرفش المعلومه ده طبعا تقع تحت المغرب علي طول علي الخريطه بلد فقير وممكن نعتبره من افقر بلاد العالم والمهنة الاساسية هناك رعي الغنم ، يعني موريتنا معندهاش قرية ذكية ولا حكومة الاكترونية ولا الكلام الجامد ده كله خالص .
بس موريتنا عملت الفترة الي فاتت تجربة لازم تخلينا نقف ونتعلم منها ، مورتنيا عملت انتخبات حرة ونزيهة وعملت انتخبات ديموقراطية بجد .
موريتنا استطاعت تثبت وبكل سهولة اد ايه الديموقراطية هي حق اصيل من حقوق الانسان مش نوع من الرفاهية ولا الدلع الزيادة ذي ما رجال الحزب الوطني وكدابين الزفة بتوعهم بيحاولوا يفهمونا .
وبرضه موريتنيا اثبتت ان الاصلاح مش بيجي قطاعي لا بالجملة وحتة واحده كمان ففي يوم وليلة اتقلبت من دولة ديكتاتورية مستبده فوضاوية الي دولة ديموقراطية الناس بتنتخب فيها بكل حماس ورضا ومستعده تقف في الطوابير بالساعات عشان تدلي بصوتها .
موريتنا اثبتت ان المشكلة مش مشكلة رقم قومي ولا بطاقة انتخابية ولا المشكلة مشكلة اخوان ومعارضة ولا مشكلة المادة التانية ولا 88 ولا حتي المادة 8888 واثبتت ان الديموقراطية مش منحة سامية من رئيس سيامي موريتنا اثبتت ان الديموقراطية تنتزع لانها حق وحق اصيل و اثبتت ان المشكلة مشكلة رجالة وبس ، وبصراحه موريتنيا اثبتت ان عندها رجالة ورجالة بجد قوي كمان عقابلنا يارب لما نثبت ده احنا كمان .
ومش بعيد قريب قوي نطلب كلنا حق اللجوء السياسي لموريتنا ، بس ساعتها الموريتانيين هيرضوا بمصري اتربي عالتعذيب والاضهاد والقمع والديكتورية كمواطن موريتاني ؟؟؟ غالبا لا وصدقوني هيبقي معاهم حق لانهم لازم يخافوا علي ديموقراطيتهم .




في15,آذار,2007 - 12:16 صباحاً, مجهول كتبها ...
انت حيرتني بصراحة مش عارفة اكتب اقول ايه ، بجد الطريقة اللي بتكتب بيها خاصة في الموضوع دة حلوة اوي ربنا يوفقك..
موضوع اننا نتعلم منها أظن صعب جربنا قبل كدة الانقلاب العسكري لكن الانقلاب مكنش من جيش نضيف ، ثورتنا و ما يقال عنها بأنها ثورة اعتقد انها كانت مجرد انقلاب عسكري لعسكريين طامحين للسلطة و هنا انا مش بناقض نفسي اطلاقا بالعكس الطموح و الرغبة في الحكم احتمال كبير لا يكون شيء دنيء و لكن المسألة في الطريقة بتختلف ، ايه اللي هاقدر اقدمه لما استولي على السلطة ايه اللي هافيد الناس بيه و هكذا لكن مجرد استخدام قوة الجيش للسيطرة على الحكم دة في حد ذاته شيء في منتهى التخلف و الرجعية و دة اللي ما حصلش في موريتانيا في اعتقادي دة مش انقلاب عسكري على قد ماهو كان تصحيح للأوضاع السيئة و على الرغم من مناداتي بالاشتراكية العاقلة إلا أنني بصراحة شديدة ارفض تدريس انقلاب يوليو في اي مكان محترم على انه ثورة و انه شيء خلى العالم التالت كله ينظر لمصر بعين الاحترام لا من الأفيد تدريس انقلاب و ثورة موريتانيا البلد الفقير المتخلف حضاريا .. كدة الأجيال في العالم التالت هتتربى على حاجة احسن اعتقد ذلك.
سارة نور الدين

ليست هناك تعليقات:

شارك مع اصدقائك

Share |