السبت، 21 يوليو 2007

هنا مدينتي رفح والعريش المحتلتين


هكذا كنت في رفح

لسه واصل من معبر رفح من دقائق ... وحتي لسه مغيرتش هدومي ... بس انا مستعجل جدا عالكتابة لان الكلام الي جوايا والي شفته لا يحتمل التاجيل .
انا جاي دلوقت من عند 7000 بني ادم بيعانوا اصعب ظروف العيش ... انا جاي دلوقت من عند 7000 بني ادم كل امانيهم في الدنيا دخول وطنهم حتي لو كان الموت علي اعتابه هو مصيرهم ... لم استطع في البداية فهم مبدا هولاء البشر ولكني مع الوقت انهم يجسدون معني الاخواة والوطنية والايثار في ابهي صوره .

فلسطيني ... شموخ وعزة

مش عارف ابتدي منين واحكي ايه ... احكي عن ماساة انسانية بكل المقايس شفتها علي ارض رفح والعريش ؟
أحكي عن وجه قبيح لم اكن اعلمه لنظامنا المصري رغم تعدد اوجهه القبيحة ؟
احكي عن ناس بتموت من الجوع ومن العطش ومن المرض ومن الامراض النفسية ؟
احكي عن 7000 عالق كلهم تقريبا اصبحوا مرضي نفسين بسبب ما هم فيه ؟
أحكي عن قوافل طبيه اصبحت الادوية رقم 1 في قوافلهم هي الادوية المضادة للاكتئاب ؟
احكي عن شعب تكالبت كل شعوب الارض عليه للامعان في اذلاله واخضعاعه ولكن هيهات ؟
أحكي عن شعب اصبح الشتات له عنوان ؟
احكي عن نظرة كانت هتقتلني يقول صاحبها لي في كل لحظه افتحوا لنا المعبر يا ظلمه ؟
احكي عن ايه ولا ايه ولا ايه ؟

علي المعبر ... عالقون

يومين في رفح والعريش غيروا من نظرتي للحياة فانا بالرغم من انني لم اشرب سوي المياه المعدنية ول اكل سوي افخر اكل وانام في افضل الامكاكن كنت اتسائل كل 10 دقائق كيف لا يثور هذا الشعب علي ما به من وضع مزري فلا مياه للشرب ولا خدمات ولا اي شئ ... فما بالنا بسبهة الاف عالق فلسطيني بلا سكن ولا مورد للعيش ولا اي شئ ؟؟؟!!!
مش عارف اذاي احكي لكم عن ناس معهاش ختي حق الاكل او المياه الي يشربوها ...
مش عارف اذاي ممكن احكي عن ناس ممنعون من الحديث ومن السمر ومن التجمع ومن التنقل ولو من شارع لشارع ؟
عالعموم انا هحاول بعده طرق وربنا يوفقنا
1- تقارير صحفية في اكتر من مكان اولهم اخوان اون لاين عن رحلتي الاخيرة لرفح والعريش
2- فيلم تسجيلي شغال فيه دلوقت بعنوان عالقون عن ماساة عالقي رفح والفيلم متصور بكاميرا صغيرة جدا وامكانيتها صغيرة جدا بس ربنا معانا
3- مجموعه كبيرة جدا من الصور الي صورتها هناك والي هعرضها لكم هنا وفي اكتر من مكان
4- افكار تانية لسه محسمتش رايي فيها
بس متنسوش الفلسطينين ولو بالدعاء حتي

ويبقي الامل



هناك 20 تعليقًا:

Bou-ME يقول...

حسبي الله و نعم الوكيل في هذا النظام الفاسد المخجل المحبط

هقول ايه بس
لهم و لنا الله

لهم و لنا الله

غير معرف يقول...

بجد حسبى الله ونعم الوكيل انا بكيت بجد من كلامك وكان كل وصف وصفته بيتجسد قدامى فى شريط صور بيمر قدام عينى
مستنين نعرف اكتر منك وياريت يكون لينا دور فى المهزلة دى

sohier يقول...

من 3 سنين كده الطلبه بتوع الجامعه الأمريكيه عملوا حمله للتضامن مع الشعب الفلسطينى و جابلهم شىء و شويات قوووووووم إيه قبل إنطلاق العربيات الى محمله كل حاجه ممكن يحتاجوها بكميات مهوله جت الست طنط خالتى ام سوزان و قالت لأ مافيش عربيه هتتحرك إلا لما ييتحط عليها برعاية سوزان مبارك
شفت حرقة الدم
أيسبك مع فاصل إعلانى لحد ما تفوق من الصدمة

غير معرف يقول...

طب وبعدين الحل ايه هل لم التبرعات وارسالها هو الحل؟؟والمطلوب ان يظلوا عالقيين الي ما لانهاية لماذا تمنع الحكومة المصرية دخولهم ما الضرر في ذلك لها ولا شروط كامب ديقيد عايزه افهم ايه السبب الذي تراه الحكومة

Gid-Do - جدو يقول...

احمد

سؤال برئ جدا لانى مش فاهم

مين المسئول عن اغلاق المعبر ؟
اللى انا فاهمة ان دول فلسطينيين عاوزين يرجعوا الى غزة وشكل المسئولين فى فلسطين ـ سواء حماس او فتح او اسرائيل ـ هما اللى قافلين المعبر

اذا كان دة الموقف اية ذنب مصر فى كدة
ولية نتحمل اخطاء الفلسطينيين

ارجو الشرح وبدون انفعال وبدون كلمات حماسية وبدون هجوم على شخصى ـ ممكن

أحمد عبد الفتاح يقول...

تخاريف
متقوليش اكثر منها كفاية قوي

أحمد عبد الفتاح يقول...

الاميرة سارة
أكيد لينا ور هنتكلم عنه بعد كده

أحمد عبد الفتاح يقول...

كبر دماغك
انا ممكن احكيلك مواقف من دجه كتيرطب خدي الموقف ده والي شفته بالصور
هيئة الاغاثة أدت بتوع قلعه الكبش مراتب وكانت جديدة قام الهلال الاحمر خطفها منهم واداهم مراتب اسمها مراتب ورق رفيعه جدا بس الناس مسكتوش ومسابهموش الا لما خدوا مراتيهم
اسيبك انت تفوق

أحمد عبد الفتاح يقول...

اليتول
الحل ان المعبر يفتح

أحمد عبد الفتاح يقول...

جدو
اولا اهلا بيك
ثانيا ومن غير انفعال كلام من دهع الموضوع سهل قوي
البمعبر ده 3 اجزاء مصري اوربي فلسطيني
الجزء الاوربي اليهود مشوا منه الاوربيين وفاضل الفلسطيني من نالحية والمصري من ناحية
مصر عشان عيون اسرائيل قفلت الجزء يتاعها بحجه عدم وجود مراقبين اوربيون واسرائيل حاطه كامرتها في المعبر عشان تشوف لو مصر فكرت تفتح المعبر تتصرف هي وتدخل بالسلاح
الفلسطينين في رفح مطلبهم صغير قوي
قالوا لا عايزين أكل ولا شرب ولا علاج بالرغم انهم جوعي جدا ومرضي لابعد الحدود كان ليهم طلب واحد وهو مصر دخلتنا قانوني تفتح لينا جزئها ونخرج قانوني وملكمش دعوه بالي هيحصل عالجانب الفلسطيني
المعبر مقفول كخطوة من خطوات كتير للتضيق علي حماس لان انا شوفت بعيني الفتحوية وهما بيقولوا ابو مازن ومبارك هما السبب في الي احنا فيه ورفضوا العبور من كرم ابو سالم عشان اخونهم الحمساويين
جدو انا يكمن لحاد لما سافرت كانت صورة حماس مهزوزة في نظري - بالرغم من التوفق الايدولوجي معاها - خصوصا بعد صور ذي الي شفتها لاغتيال المدهون ...بس لما رحت وشفت فعلا اجماع وطني من من يقال عنه العدو قبل الصديق عرفت ليه الي وصلت ليه فلسطين ده
عالعموم ممكن تنتظرني يومين وكل الكلام ده هتشوفه وتسمعه علي لسان الفلسطينين في الفيلم الي شغال فيه
رجال وسيدات واطقفال حمساويين وفتحاويين وملهمش في البطيخ كله مجمع علي كلام واحد
افتحوا المعبر... وحتي لو عايزين تنتقموا من حماس يبقي مش فينا
وانتظر مني تفاصيل اكتر

سكوت هنصوت يقول...

لا حول ولا قوة الا بالله العلي العظيم..يظهر انه مكتوب علينا تفضل راسنا في الطين لأخر لحظة..احمد أمانة عليك تتسّمح من كل فلسطيني على حدودنا مذلول..قولهم واحدة مصرية طالبة انكم تسامحوها عشان مش قادرة تعملكم حاجة.وحكومتها الي المفروض تكون بتتكلم بإسمها..هي السبب في ذلكم..يا رب يسامحونا..و يفك اسرهم..جزاك الله خيرا اخي العزيز على كل شئ

Gid-Do - جدو يقول...

احمد

اشكرك على التوضيح ـ لكن محتاج تفسير اكتر ـ انت قلت
-----
المعبر ده 3 اجزاء مصري اوربي فلسطيني
الجزء الاوربي اليهود مشوا منه الاوربيين وفاضل الفلسطيني من نالحية والمصري من ناحية
مصر عشان عيون اسرائيل قفلت الجزء يتاعها بحجه عدم وجود مراقبين اوربيون واسرائيل حاطه كامرتها في المعبر عشان تشوف لو مصر فكرت تفتح المعبر تتصرف هي وتدخل بالسلاح
------
اذا لو مصر فتحت المعبر اسرائيل سوف تتدخل عسكريا ـ اية نوع التدخل العسكرى الاسرائيلى ـ هل هو اجتياح لغزة ولا اجتاح للمعبر ـ ارجو توضيح هذة النقطة
-----
واذا كانت مصر خايفة على المعبر او غزة من التدخل العسكرى الاسرائيلى لية مبتعملش الفلسطينين المحتجزين معاملة انسانية ـ ترجعهم من حيث اتوا على سبيل المثال وتمنع وصول اى وفود جديدة ـ اشرح من فضلك
-----
لابد انك وغيرك يعرف ان انا مش ضد حد وكمان ارفض معاملة اى بنى ادم معاملة غير انسانية مهما كان السبب كل ماهناك عاوز اعرف لب القضية لانة مش واضح ـ تحياتى

أحمد عبد الفتاح يقول...

جدو
أنا مقلتش والله انك منحاز او كده
وانا برده مش كده
بس انا شفت بعيني محدش قالي
بص يا جدو
لو مصر فتحت المعبر اسارئيل هتجتاح غزة ده المفروض
بس
1- حماس مش هتسكت واسرائيل هتفكر مليون مرة قبل ما تعمل كده لان مبقاش فيه سلطة في غزة تحوش بين حماس والصهاينة
2- عقبال ما اسرائيل تتحرك هيكون ال 7000 عالق عدوا وراحو بيوتهم
3- وده حاجه عاطفية حبة كل الي قابلتهم - خد بالك من كل - معندوش مانع يموت سواء علي ايد فلسطيني او اسرائيلي جوه فلسطين ولا يصبر 5 دقائق كمان جوه مصر
تخيل بقه مدي المعاناه
وتخيل حبهم لبلدهم
اما بقه بخصوص المعامله لانسانية
داولا اغلب دول جايين من مصر كانوا بيتعالجوا او من السعودية بيعملوا عمرة مصر لا تعرف معهم المعامله الانسانية بتاتا لك ان تتخيل مئات المحبوسين في مطار العريش ممنوعين حتي من الخروج من المطار وتخيل انهم بعتوا لنا طالبين ملابس داخلية
وذيهم عالقين في مناء سفاجا وبرده ممنوعين من الخروج
والي في العريش ممنوع يخرج من العريش او يروح رفح
او حتي يخرج من اوضة فندقه
كوبري السلام عليه حراسه مرعبة لغرض واحد بس ممنوع عبور الفلسطينين الي الضفة الغربية حيث محافظات مصر الاخري
مصر تفننت في اذلالهم بجد وكل ده لعيون اسرائيل
اخر حاجه
بين العريش ورفح قرية اسمها المسورة عليها كمين شرطة عادي يعني
الفلسطينين مسمينه حاجز المسورة وبيشبهوه بالحواجز الاسرائلية قمة الذل والمهانه عليه لكل فلسطيني
واكيد في الاخر هيبقي الرجوع من حيث اتي سواء العريش او رفح
الخطه محكمة جدا عشان ميتجمعوش ولا يتحركوا حتي

اه يا دماغى يقول...

استاذ والله يا احمد
فعلا برافوا عليك

بجد مفيش حد عمل ووصل الصورة
زى انت ما عملت

برافوا بجد لمجهودك فوق الرائع

خالص تحياتى

Gid-Do - جدو يقول...

احمد

بناء على المعلومات اللى انت كاتبها ومن وجهة نظرى كان لابد من ان الخارجية المصرية تتفاهم مع اسرائيل وتحل المشكلة الانسانيةـ خاصة ان دول ناس مقيمين اصلا فى فلسطين ورجعين بيوتهم ومهماش ناس بيطالبوا بحق العودة مثلا ـ واذا كان التفاهم محتاج وقت كان الواجب اخلاء المعبر من الفلسطينيين ووضعهم فى مكان يليق بالبشر حتى تحل المشكلة اما حجز الناس على انهم سجناء بهذا الاسلوب فدة شئ لا يجب ان يكون
اشكرك على التوضيح اللى كان غايب غنى تماما ـ تحياتى

أحمد عبد الفتاح يقول...

جدو يا جدو يا احسن جد
انا سعيد بتعلقيك الاخير
للاسف اغلبنا ميعرفش اصلا ايه الي بيحصل في رفح وده تقصير بالطبع من الي يعرفوا
للاسف مش لاقي كلام يحكي عن البلاوي الي جوايا والي شفتها هناك
عشان كده فكرت في الفيلم هيختصر كلام كتير
انترني قريبا بالفيلم وادعي جهازي ربنا يهديه ويخلص الفيلم
اما بقه موضوع الواجب والخارجية والمهلبية
فاحب افكرك انا هنا مصر مش مش امريكا
ولا الظاهر انك نسيت الموضوع ده

أحمد عبد الفتاح يقول...

اه يا دماغي
ربنا يكرمك يا ستي
ان لا استاذ ولا حاجه
بس حبيت احكي الي شفته

-_- يقول...

هل مصر مطالبة بتوفير الاكل و الشرب و السكن لهم ام حكومتهم العميلة ؟

Gid-Do - جدو يقول...

احمد
معلش بعد اذنك ارد على
Sharm
الناس اللى اتحجزت دية بنى ادمين قبل كل شئ والواحد لما يشوف بنى ادم فى موقف صعب زى دة مش لازم يفكر مين المسئول على اكله وشربة ـ حط نفسك مكانهم ـ وبعدين دول ناس لهم سكن عاوزين يرجعوا له دى الرحمة فوق العدل يادكتور ـ تحياتى

أحمد عبد الفتاح يقول...

ميشكر يا جدو عالرد الجميل علي شرم
بص يا ا/ شرم
نفرض جدلا ان حكومتهم عميلة
وان حكومتنا الي طبعا مش عميلة ولا حاجه معهاش فلوس اصلا تاكل شعبها عشان تاكلهم ماااااااااااااشي
الفلسطينين مطلبوش اكل ولا شرب ولا فلوس ولا اي حاجه
كل الي طلبوه ان حكومتنا الي مش عميلة ذي ما خرجتهم من غزة تدخلهم
هما مش مبسوطين بالقعده هنا بعيد عن حكومتهم العميلة
هما بيرتاحوا وسط العملاء
يبقي حكومتنا الي مش عميلة حبساهم ليه ؟؟؟!!!

شارك مع اصدقائك

Share |