خان مش هيبطل تدوين

بجد الخبر فزعني ... حسسني بحالة من القرف والكائبة ... الخبر ببساطة ان استاذنا الكبير محمد خان المخرج السنمائي وصاحب مدونة كلفتي قرر ميدونش تاني ؟
شوفتوا المصيبة ؟
يعني ايه ميدونش ؟
ونصرفها منين ده ؟
ويعملوا ايه امثالي الي كانوا كل ما يزهقوا من الدنيا يجروا علي الكلفتي يسرحوا فيها بين شوارع القاهره القديمة والموسيقي الراقية والكلام الي بجد بيمس القلب ؟
طيب السوال هو والاستاذ خان قرر ميدونش ليه ؟
تصورا بقه معايا السبب كده


السبب هو قصوصة الورق ده
الاستاذ الكبير نوي يحرم الاف المصريين ويحرم التاريخ كنوز عظيمة عشان قصوصة ورق لا طلعت ولا نزلت كتبها حد مجهول في جرنان مجهول .
بزمتك ده يصح يا استاذنا ؟
بص بقه يا عم خان
موضوع تبطل تدوين ده انساه
انت بتاعنا ... هتدون لينا ولاجيال جاية بعدنا
وانتم ياشباب خشوا شوفوا ايه حكاية الراجل ده وكل واحد يكتب الي نفسه فيه هنا عشان صوتكم يوصل له