الاثنين، 16 يوليو 2007

هنا معبر مبارك وابنه الحدودي ... ومتقوليش لا رفح وكرم ابو سالم


يتابع العسكرية عن كثب ويقوم بمهام عمله... ويسمع مزيكا ويقول الاذكار كل ده مع بعضه
مستنين مني ايه في البوست ده ؟
تغطية لجلسة المهزلة العسكرية رقم 3 ؟؟؟
لا لا لا لا لا لا لا ومية الف لا انا مش قادر اكتب صرح واشاد ونيل
عايزين صور ؟؟؟ روحوا موتموا ايمان عبد المنعم سلفتني كاميرا اصور بيها وكالعاده صورت بلاوي بس مشتغلتش
عايز تغطية وبرده انا الي كاتبها يبقي اقرا دول ستة تقارير ليا من اهيك استيب كتبتها لاخوان اون لاين وبالتحديد من علي البوابة الحدودية لبوابة ايوب
التقارير هي
مشادات واعتقالات في الجلسة الثالثة للمحاكمة العسكرية لقيادات الإخوان


الإفراج عن المدوِّن معتز عادل واعتقال الجيزاوي

مؤامرة.. دس 108 رصاصات بأحراز د. خالد عودة في القضية العسكرية


في جلسة اليوم.. الشاطر ومالك وحشيش يكشفون التلفيق والسرقة في الأحراز


تأجيل محاكمة قيادات الإخوان في القضية العسكرية إلى 5 أغسطس


كلارك وخوريس وريدلي يغادرون الهايكستب بعد منعهم من دخول المحكمة

وكفاية كده تقارير وتصريحات عشان انا زهقت من 12 ساعه متواصلة من الكلام ده
نيجي بقه للمهم
انا عايز اكتب شوية خواطر عن الجلسة بس في نقط
1- قضية اعتقال الجيزاوي ومعتز عادل
بصراحة الموضوع لا يسكت عليه لانه قمة في الاهمية واحد منهم علالاقل وهو معنتز ثيبت انه اعتقل لاجل ما دون وده منحي خطير ولازم يكون لنا موقف
ايه هو ؟ مش هقدر اقول دلوقت لانيي مهنج
2- انا مليش اشكر اي حد جه الجلسة بس انا لو مشكرتش الناس الي في دماغي هيجرالي حاجه
المدونة والاخت العزيزة سكون هنصوت وكان معها زميل للاسف لم اتعرف عليه كما يجب بسبب انشغالي الرخم اثناء المحكمة
علي فكرة الاتين مش اخوا ن ...بس مصرين
ملهمش حد معتقل .... بس الشاطر بالنسبة لهم رمز لابهاتهم واخواتهم وازواجهم الي ممكن يبقوا مكانه
مش صحفين جاين يغطوا ... بس شباب بيحب مصر بجد وفضل انه ينقل الاحداث عبر مدوناته
والي خلاني بجد اقدر موقفهم اكتر هو ان مدونة سكوت هنصوت مقلتش لاهلها انها جاية المحكمة واهلها واصحابها كانوا بيتصولا عالموبيل والي طبعا مكنتش بترد عليه لمده 10 ساعات متواصلة ربنا يجعله في ميزان حسانتها وحسناتهم
بالنيابة عن ناس كتير قوي بحيي الاتنين وبحي اي حد جه يساند المحالين للعسكرية
3- المفروض اقول حاجه لاسر المعتقلين بس اقول ايه اكتر من انكم الي علمتونا اصمود ... يمكن منظر خالتو زوجة حسن مالك وهي طالعة بتبكي من الجلسة هزني ومنظر اوشة - الي هي عائشة - وانس وهما بيبكوا والي حتي خلاني مش عارف اهزر معاهم ذي ما اتعودت في الموتمرات بس برده هقولها وباعلي صوتي علمني الشاطر ورفاقة واهلهم معني الصمود
4- قابلت ناس كتير واتعرفت بناس اكتر واتناقشت كتير واختلفت كتير واتفقت كتير وكانت حوارات في قمة الانفتاح وان كان البعض في قمة الضبابية ... كل ده محصلش في موتمر حنجوري من اياهم ده حصل في العسكرية ... بجد اليوم فرق في حياتي
وهكتب عمه كتير
اما تعليقي عالعسكرية فانا كنت مصور صور كنت احطها في الحتة ده بس للاسف ذي ما حكيت الكاميرا عملتها بس هستعير صورة من شاويش ليا ... اقصد للكوتشي بتاعي بتعبر بجد عن تعليقي عليها

شكر خاص لشاويش صاحب الصور



هناك 5 تعليقات:

Monzer يقول...

أحمد باشا عبد الفتاح
بجد انت كنت زي النحلة فى الهايكستب
كنت مبهور بيك فعلا
لأنك كنت معانا وبتكلم وبترغى معانان وداخل فى حوارات ساخنة جدا وفى نفس الوقت بتنقل الأخبار بالموبايل وعملت شغل عالى جدا جدا جدا
بس برده متغاظ أوى
علشان انت صورت كمية صور هي راحت فين يا عم الحاج بجد ده تهريج يعنى
أنا لو منك أنشل، بعد الشر طبعا :)
بجد سعدت جدا بالتعرف عليك

البتول يقول...

انا سعيدة ان اليوم ده اتعلمت منه حاجات كتير وفرق معاك من يقترب من معاناه الناس ويشعر يالامهميرتقي احساسه وهذا فال حسن اما هؤلاء اهالي المعتقلين فيكفيهم ان الالف الايدي بل ملايين الايدي ترتفع يوميا بالدعاء لهم ان يثبتهم الله وينصرهم وملايين الايدي ترتفع بالدعاء علي الظالمين لهم ايهم احق بالشفقه هم ام ظالميهم

أحمد عبد الفتاح يقول...

منزر بيه
الالقاب اتلغت يا افندم من زمان
بجد انا الي كنت فرحان جدا بالناس الي اتعرفت عليهم واكيد انت اولهم
وبالنسبة لحكاية الصور متفكرنيش لاني بجد هتجيلي جلطة

أحمد عبد الفتاح يقول...

البتول
متشكرين جدا
طب مادام اليوم حلو كده انا جيت البيت ملقتش الاستقبال المتوقع ليه ؟
عالعموم اليوم فعلا كان كويس
كان نفسي تبقي معايا علاقل نتمرجح سوا

البتول يقول...

بيت ايه يا ابني اللي بتتكلم عليه احنا عايشيين في لوكانده اللي داخل واللي خارج ماحدش له دعوة بحد كل البيت مش فاضي انا بتكلم مع سيادتك علي المدونة علي ما اظن زهكذا باقي الاخوة حاجه تزهق مش كده قال بيت قال انت اللي جبته لنفسك واضحكتني عندما قلت بيت لو لم يعجبك التعليق ابقي امسحه انا كتبته من الغيظ

شارك مع اصدقائك

Share |