الأربعاء، 4 يوليو، 2007

محاكمة اسلاك نبيه

وسط حراسة مشددة من الشرطة تم نظر قضية محاكمة الضابط
اسلام نبيه وامين الشرطة رضا فتحي المتهمين بانتهاك عرض
المواطن المصري عماد الكبير سواق الميكروباص في موقف شارع ناهيا ببولاق الدكرور
تم تأجيل القضية الي جلسة 2 سبتمبر القادم أى ان "المتهمين سيقضيان فترة حبس احتياطي
ربما أطول من العقوبة"، حسب حديث أحد أعضاء فريق دفاع المتهم الاول
ربما لثقة المحامي في ان عقوبة المتهمين لن تزيد عن الستة أشهر
ومن أهم أحداث محاكمة اليوم ترافع ستة محامين عن المتهمين أحدهم يدعي عادل عبد الحي
جاء للدفاع والتضامن مع اسلام نبيه ورضا فتحي من اللجنة المحامين الافروأسيوية (اول مرة اسمع الاسم ده)وركز
دفاعه علي استناد عماد الكبير لدعم منظمات المجتمع المدني وحقوق الانسان
التي تتلقي تمويل من الخارج ، كما استشهد بصفحة من مدونة الوعي المصري طالبت
بلجنة تحقيق دولية في حادث اغتيال السادات ووصف المدونة الموقع الحقوقي !!!، بذريعة ان الحقوقيين يستعينون بالخارج للتدخل في الشؤون الداخلية وانهم يفعلون ذلك من اجل عيون العونة والمنح الخارجية
فيما ترافع محامي المتهم الثاني رضا فتحي مرافعة فلسفية عقيمة
أثارت اشمئزاز الحضور وهيئة المحكمة
تغطية كاملة للمحاكمة خلال ساعات علي مدونة يا لالالي ومراقب مصري

هناك 6 تعليقات:

البتول يقول...

فين التغطية اللي قلت عليها خلال ساعات

جبهة التهييس الشعبية يقول...

اه انا ح اعبرك وارد
بالعكس انا شايفة ان مرافعة محامي رضا فتحي كانت محترمة وما كانتش عقيمة ولا حاجة بالعكس كانت قانونية وما اثارتش اشمئزاز حد

انت اصلك ما حضرتش وسمعت الكلام اللي اتقال على الشاهد في المرافعات بتاعة محامين اسلام نبيه لما قالوا على خبير الاصوات الاهبل الجاهل الحاقد المضلل الكذاب الصايع

وشتموا سواقين الميكروباص
وقالوا على قناة الجزيرة احط قناة فضائية

عصام جمعة لم يسئ الى احد ولا حتى لشخص عماد اللي اتشتم في الجلسات اللي فاتت واتقال عليه سواق الميكروباص اللي ابوه مش عارف ايه وامه مش عارفة ايه وعمه ومرات عمه تجار مخدرات وحاجة في منتهى الانحطاط

لازم نبقى موضوعيين

انا كمان محروقة على عماد

وسايبة له عربيتي ورث
:)

لكن كل متهم من حقه يبقى له محامي يدافع عنه

حتى لو كان يقينا الوجداني انه مذنب

حتى لو كان بالفعل مذنب

من حقه يبقى له محامي

ومن حقنا على المحامي انه يلتزم باخلاقيات المهنة

وده اللي عمله عصام جمعة محامي امين الشرطة

أحمد عبد الفتاح يقول...

الجبهة عندنا
حاجه ساقعه هنا يا واد
منورة يا نوارة
بصي بقه
مش كون انه مشتمش يبقي كويس
لان الشتيمه مش اصل
وعدم تجريحه مش عطية
هي كانت عقيمة لسبب بسيط انها مكنش فيها حاجه ملموسة
كلامها كان قانوني ذيادة
وبصراحه انا راجل بتاع فيزياء مليش في القانون بتاع الجنايات ولا بتاع فرقة الموسيقي العربية
انا عايز الكلام الشعبي اللذيذ
يعني ميقوليش قطة خمسية القطة يا بلدي يا سيامي علي راي سعيد صالح
ومتنسيش انها كانت طويلة قوي برده
وعالعمو مش هنختلف
المهم اننا فرحانين لانه لسه موقفنا احسن
والبيه خد حبس شهرين
اما بقه بخصوص العربيةالورث فياريت تبعتي الصورة وبلاش تضربي عليها
واحب هنا افجر مفاجاة من العيار الثقيل
عربية نوارة ماركتها سلافوتا زاز
متيقلي اول مرة تتنشر المعلومه ده صح ؟

محمود سعيد يقول...

إيه أسلاك نبيه ده

أمال فين ولا تنابزوا بالإلقاب

:-(

محمود سعيد يقول...

كمان أسلاك بالهمزة على الألف مش من غير:-p

غير معرف يقول...
أزال أحد مشرفي المدونة هذا التعليق.

شارك مع اصدقائك

Share |