الخميس، 5 يوليو، 2007

تاني تاني تاني ... مدبحة المهندسين تاني

البوست ده مشترك بيني وبين زنزانة .. ومحدش يسال اذاي


بعد نجاح مدبحة المهندسين الاولي يوم 30/12/2005 نجاح ساحق في تجميل وجه مصر امام العالم الخارجي لدرجة ان مصر حصلت علي كرسي - منجد وغالبا هيدروليك كمان - في مجلس حموم الانسان الدولي ارادت الداخلية المصرية ان تستعيد امجادها مرة اخري وتصنع جزءا اخر لمجزرتها للتاكيد علي مدي استحقاق مصر للكرسي .
الموضوع باختصار يا جدعان ذي ما ورد هنا وهنا ان الشرطة المصرية اطلقت النار علي اكثر من 29 سواداني علي الحدود المصرية الصهيونية وكانت النتيجة وفاة احد اللاجئين وجرح اثنين ونجاح 26 في دخول اسرائيل واكيد ترقية للضابط الهمام الي امر بهذا الامر وطبعا جزاء لكل العساكر الي ممتوش حد من السودانين الكخة وترقية لرتبة جنرال للعسكري الشجيع الي قتل السوداني .
والله عفارم علي عساكير وضبابيط مصر الاشاوس ... والله بيتعبوا... يعني الواحد منهم يعمل ايه ولا ايه
يقرف الناس في الشارع
ولا يلفقوا قواضي
ولا ياخدوا العربيات من المواقف عشان توصلهم مشاويرهم
ولا يصطاد حمام قصدي سودانين
ولا يحمي حدود الدولة الانتيم بتاعتنا اسرائيل
لا بيتعبواطحن
اما بقه العالم بتوع الدول الافريقية اياها - باعتبار ان سيناء تبع اسيا - فدول عالم حقيرة يستحقون كل رصاص الداخلية مش كام رصاصة عالسريع كده
بقه يعني عشان الواحد منهم طالع 33333333 عين اهله ومش لاقي الميه مش هنقول العيش الحاف وابنه عنده ملاريا وهو عنده ايدز ومراته عندها السل وعشان كل الدول قفلت الطريق قدامه وعشان هو حس ولو للحظة انه ممكن يعيش بني ادم في الدولة الصديقة الانتيم لنا يقوم تسول له نفسه انه يتسلل لاسرائيل
هبل دول ولا ايه
اذاي الحشرات ده تدخل اسرائيل
امال احنا هنشتم ونقتل مين ؟؟؟
ومين هيشتغل عثمان طيب ؟؟؟
ومين هنطلع 6666666 عين اهله هنا
طب نسيبنا من كل ده ونيجي للي مش اهم- باعتبار مفيش اهم من حياة بني ادم -
حدودنا
قصدي حدود الي خلفوهم
الي ملاحظ هيلاقيني بقول الشرطة عملت والشرطة ضربت مع ان ده حدود
الله ؟
امال فين حرس الحدود بتوع الشورتات والجمال وفيلم عبود عالحدود ؟
والرد طبعا جاهز
يا جاهل قبل ما تسال سوال ذي ده راجع كامب ديفيد
مش كامب ديفيد عزبة ريئس امريكا ولا البلد ولا المحطة
كامب ديفيد الاتفاقية
والي بتقول انه مفيش جيش في سينا
وبتقول
سينا رجعت تاني لينا مصر اليوم في عيد
والاتفاقية بتقول برده
ان من يحرس حدود مصر هم الشرطة
ياحلو حلو يالولو
وايه النتيجة
النتيجة معروفه
مصر اصبحت وبجدارة من اهم الدول في الاتجار بالبشر
ومعبر رئيسي للعاملات بالدعارة وتجارة الجسد المهربات لصاحبتنا الانتيم اسرائيل
والجديد بقه
انها بقت معبر لهجرة غير مشروعة من افريقيا الي اسرائيل
والدليل انه قبل المذبحة الي حكيت عنها بيوم عبر الحدود بالفعل بين مصر واسرائيل 20 سودانيا من دارفور بينهم سبعة اطفال تتراوح أعمارهم بين شهرين و7 سنوات حاولوا التسلل بالطريقة نفسها. كما اعترضت قوات الأمن المصرية 6 سودانيين وصوماليا وأريتريا في وسط سيناء يوم الخميس الماضي حسب ما موقع العربية .
مبروك علي مصر كام لقب في خبطة واحده
لقب الجزار مع مرتبة الشرف
لقب القامع مع سرير الشرف
لقب التاجر بالبشر والاعراض مع كنبة الشرف
لقب الاهبل واللطخ الي سايب حدوده لعساكير الامن المركزي يحرسوها مع خددية الشرف
لقب الدولة الندلة التي تقتل جيرانها مع كرسي الشرف
وطبعا لقب عضو المجلس الدولي لحقوق الانسان مع مرتبة وسرير وكنبة وخددية وكرسي الشرف الي فاتوا علي بعض
وصدقني احلي من الشرف مفيش

هناك 17 تعليقًا:

غير معرف يقول...

كان نفسى تكون اون لاين

IRC President يقول...

إيه يا باشا، عايز أشوفك أون لاين

شـــــهــــروزة يقول...

فعلا

أحلا مالشرف مفيش
وبما ان مصر كل جوايزها ومناصبها شرفية

يبقا منتظرين منها اية؟؟

وهو انتوا معتبرين ان السوادنيين دول مثلا مثلا مثلا لا قدر الله يعنى
بنى آدمين ويستحقوا المعاملة الادمية؟؟؟؟؟؟؟؟؟؟؟

أومال مين صحيح اللى حيشتغل عثمان وادريس ومرجان؟؟؟

بعد ما كانت السودان العمق الاستراتيجى لمصر
أصبحت مصر هى السكين الاستراتيجى للسودان واللى منها

فيها اية لو هاجروا على اسرائيل من المذابح والفقر والمرض اللى هم فيه؟

فيها اية لو بحثوا عن آدميتهم فى مكان تانى وكانوا احتمال يلاقوها فيه؟؟؟

فيها اية لو اتعاملوا معاملة آدمية بما أنهم غير مسلحين ولا بيشكلوا كتائب ولا جماعات مسلحة اللهم الا افراد عزل من السلاح تسعى للحرية؟؟؟؟

فيها اية لو سابوهم؟؟
يبقا فى بلدهم موتة...وفى بلاد الناس موتة؟؟؟

حسبى الله

البتول يقول...

المقال ساخر في موقف يستدعي البكاء المقال جارج كالسكين الحاد عندما يقطع الزبد معقول فاضل ايه كمان هان علينا دم الانسان الي هذا الحد حسبنا الله ونعم الوكيل

البتول يقول...

لم يحدث مطلقا ان كانت مصر اداة ضد اخواننا العرب ولا فيه ايه هذه القيم انهارت تلل القيم التي علمونا اياهامنذ الضغر العروبة مصر والسودان وادي النيل وان الاحتلال هو الذي قسمها علمونا ان الدم العربي واحد وعلي ما اذكر ان كان في كتاب الدين المسلم للمسلم كالبنيان وكمان لايحل لمسلم ان يهجر اخاه فوق ثلاثه هجر هجر فقط وليس قتل واشهار سلاح هل هذا هر الوقت الذي يقولون ان باطن الارض لناخير من ظاهرها

Xee يقول...

كلاكيت تاني مرة

لااااااااااااااااا

سايق عليكو النبي ما حد ييجي جنب السودانيين دلوقت
انا رايح جوبا الاسبوع اللي جاي و حاجز ذهاب و عودة
اتمنى انكم تخلوني استخدم تذكرة العودة

فياريت تستنوا ل 30 ديسمبر اللي جاي و اهي تبقى حفلة واحده

للمرة الثانية على التواي اكون برة مصر و اخجل اني مصري

أحمد عبد الفتاح يقول...

اي سي ار
ياباشا انا اون لاين 20 ساعه في اليوم
شرفنا في اي وقت بالشات

أحمد عبد الفتاح يقول...

شهروزه
حقيقي احلي من الشرف مفيش
واحلي من حكومتنا متلاقيش

أحمد عبد الفتاح يقول...

البتول
حلو قوي تعبير سكين في قالب حلاوة طحينية ده
مدرسة عربي مستنين منها ايه ؟

أحمد عبد الفتاح يقول...

زياد
الحل سهل
هتروح للعطار تجيب 2 كيلو هباب حلة وتلون نفسك وتمشي في الشارع مكتوب عليها تسقط مصر بلد القمع
وصدقني هتبقي المواطن رقم واحد في السودان

البتول يقول...

قالب حلاوة ايه يا اخ السكين تسير فيه بصعوبة خليك في الزبده الحلاوة عندك في المطبخ ما لكش دعوة بالمدرسين وخاصة مدرسين اللغة العربية فاهم اللعب في الي علي قدك وسلام

واحد بيتوعد لك يقول...

برضه لسه لسانك طويل يا احمدويما حذرتك وقد اعذر من انذر والله صعبان عليه البقاء لله

صاحب البوابــة يقول...

مصر اصبحت وبجدارة من اهم الدول في الاتجار بالبشر
ومعبر رئيسي للعاملات بالدعارة وتجارة الجسد المهربات لصاحبتنا الانتيم اسرائيل

--------------

كلمات تجعل كل حر يبكي دما

على ما آل اليه حلال بلادنا

سحقاً لذلك الحاكم الملعون

نقطة مية يقول...

احنا دولة ندلة فعلا..والله يا راجل معاك حق...
حسبي الله و نعم الوكيل

أحمد عبد الفتاح يقول...

البتول وواحد بيتوعد لي علي بعض
هاأو
فهتوها ولا محتاجة ترجمة ؟

أحمد عبد الفتاح يقول...

صاحب البوابة
سحقا ده قليلة
عمال ادور ي العربي علي كلمة تليق ليه وصدقني ملقتش

أحمد عبد الفتاح يقول...

نقطة مية
حلوه قوي دولة ندلة ده
مش بعيد بع
كده تطلع الدولة الكدابة والخاينة والبخيلة
ودول كلهم طبعا مش احنا

شارك مع اصدقائك

Share |