الثلاثاء، 24 يوليو، 2007

الحقوا العالقين ... الموضوع وصل للجرب

قاعد لا بيه ولا عليا في الموقع مستني اجتماع التحرير قلت اتصل بالمصدر بتاعي في رفح اطمن عالناس هناك
لقيت الراجل بيقول لي انا كنت ليه هتصل بيك
قلت له خير ؟ انت مش متعود تكلف نفسك مكالمات الا لو فيه مصيبة
قالي هي فعلا مصيبة فيه واحد النهرده من الفلسطينين المحبوسين في مطار العريش اتحول للمستشفي لانه مصاب بالجرب
قلت له جرب ؟؟؟!!!!!!!!!!!!!!!!!!!!!!
بتاع زمان ده ؟ بتاع كتب التارخ ؟
قالي اه هو
الخبر عالعموم هنا
بس يا تري بعد كل ده هنفضل ساكتين ؟؟؟ يارب نتحرك
أنا خلصت النهرده مونتاج الفيلم التسجيلي الي صورته في رفح والعريش وهحاول ارفعه النهرده يو تيوب
بس عالعموم الي محتاج الفيلم علي سي دي بجوده عالية يبعت لي ميل وانا مستعد اوصله للبيت عنده مدام هيعمل حاجه
الفيلم اسمه عالقون ومدته نص ساعه

هناك 3 تعليقات:

البتول يقول...

لجرب يا احمد ده بتاع زمان وبتاع االناس اللي ما بيستحموش كتير حسبنا الله ونعم الوكيل اوعي تقول لي الحل نفتح المعبر انا عايزه حل ممكن كنت اعمله وتجاهلته وسيسالني الله عليه يوم القيامة غير الدعاء

محمد سعيد يقول...

الله يكون فى عون إخواننا العالقين
على معبر رفح

غير معرف يقول...

يا جماعه ...أحمد سعد"ِِشاعر إخوان" اتقبض عليه النهارده في القاهره ...

حاولوا تطمنونا ضروري ..وتشوفوا هو ممسووك فين

شارك مع اصدقائك

Share |