السبت، 19 مايو 2007

الفتة الطائفية

في غاية الاسف

أعتر لان التدوينه نشرت بالامس دون السماح بالتعليقات وهو خطأ غير مقصود بالمرة وننتظر تعليقاتكم
---------------------------------------------------------------------
أولا احب اقول ملاحظتين
1- التدوينه ده كتبتها قبل كده من حوالي 5 ايام بس الجهاز هنج واتمسحت وللاسف هي مش في مستوي القديمة
2- العنوان مفهوش اي خطا لغوي
قبل ان ابدا الحديث في الموضوع احب ان اوضح شئ هام جدا ان الطائفية هنا لن اتحدث عنها باعتبارها مسلمين ومسيحيين فقط بل ساتحدث عنها باعتبار كل الطوائف الموجوده في المجتمع المصري واحب هنا ان اروي قصتين كمدخل هام لما ساقوله .
القصة الاولي حدثت لي منذ ايام حين قادني حظي لمشاهدة فيلم وثائقي علي الجزيرة الوثائقية عن النوبة المصرية وما يحدث بها وعادتها وتقاليدها وكان سوال المعد اخر الفيلم لكل من شاركوا من اهالي النوبة عن انتمائه فكانت الاجابات مفجعه لي وصادمه فقد جأئت الاجابات كلها بين نوبي ثم مصري أو نوبي فقط أو نوبي مصري المهم في الامر انه دائما ما قدم الضيوف نوبيتهم علي مصريتهم او عربيتهم أو حتي اسلاميتهم وكان تعصبهم للنوبة هو الظاهر عليهم للغاية .
القصة الثانية والتي روتها لي احد الزميلات المسيحيات فهي تروي لي انها كانت مع بعض اصدقائها من مسلمين ومسيحين علي مقهي بوسط البلد ولاحظت علي المنضدة المقابلة أمرأة واضح انها اجنبية بصحبة رجلان وفجاة لاحظت أن المراة تخلع سلسلة من رقبتها من الواضح انه كان معلق بها صليب وتخرج من حقيبتها حجاب تحاول ارتدئه لكنها لا تستطيع لكبر حجم الحجاب فيستاذن أحد الرجلين المرافقين للمراة أحد الشابات المسلمات التي كانت بصحبة زميلتي المسيحية حتي تساعدها في ارتداء الحجاب وتقوم هي وتقوم معها زميلتي المسيحية وتقوم بلف الحجاب لها ويهنوئنها علي الخطوة التي اقدمت عليها وتروي لي زميلتي انها قدمت لها تهنئة ثم قررت ان تنصرف فورا وتقول في الطريق احسست ان واجبي هو ان اساعدها وان أهنئها ولكن هذا لا ينفي احساس بالمرارة احسست به .
الي هنا تنتهي القصتان لتطل علينا قصة جديدة هي قصة بمها .
باختصار شديد الامر لا يحتاج مراكز متخصصه او باحثين أو خبراء ليقولون لنا ان مصر بها توتر طائفي وان ظهر علي السطح أن الماء راكد فهو في الاسفل يفور وأعتقد ان السبب في هذا عدة اسباب هي .
1- من ما درست من الرياضيات واصول الاحصاء فان كل القوانين والبراهين التي اعرفها تقوديني الي نتيجة مهمه ان السبب الرئيسي في اي أحداث طائفية هي الطائفة الاكبر والاقوي بكل تاكيد وهي التي في حالة النوبة المصريين من غير النوبيين وفي حالة بمها هم المسلمين المصريين فانا لا انكر ان المصري علي وجه الخصوص يحب الاحساس بالقوة وسط اهله ومجموعته سواء كانت المجموعه هي اسرته او عائلته او بلدته او أهل دينه وهو ما يجعل اشتعال مثل تلك الامور بالامر الهين .
2- الكبت السياسي الذي يعاني منه الشعب المصري كافة بجميع طوائفه ، فاغلب المصريين يعانون من الاضهاد علي يد النظام وزبانيته وهو ما يجعل أقل ثورة لهم تحدتث احداث كارثية والدليل علي ذلك أحداث متثل أحداث التحرش الجنسي فالشباب أندفع تحت حب الخروج عن القانون والنظام الذي يمقته واحس انه قوة بسبب عدده الكبير .
3- الجهل التام بكل طائفة بالاخري فقلما تجد مسلم يعلم الكثير عن العقيدة المسيحية وقلما تجد مسلم دخل كنيسة قبل ذلك وكذلك المسيحي هو يسمع ان المسيحي يمارس الجنس بالكنيسة وان الكنيسة بها اسود تاكبل من يرتدون عن المسيحية والي أخر القائمة من الخرافات المتبادلة من الطرفين وحتي علي الصعيد القومي فلا نجد مصري الا القليل يعلم شئ عن عادات اهل النوبة والجهل بطبيعة الحال يودي الي حالة من الخوف من المجهول .
4- الحيادية فنحن في مصر اقل شعب في العالم يتمتع بالحيادية ، ففي مصر معني لتك الكلمة نهائيا .
والاسباب بعد كده تتعدد مثل القبلية وغيرها من الاسباب التي هي أعمق من عناق حار - حتي لو كان بالشطة والليمون - بين شيخ الازهر وبابا الاسكندرية .
لهنا وكفاية وكتير يسال طب ايه فايده القصتين والخمس اسباب اقول ان فايدتهم اننا نشغل مخنا في اسباب المشكلة والحلول لانه بجد لو مواجهناش المشكلة ده بلدنا هتخسر كتير .

هناك 13 تعليقًا:

zenzana يقول...

فعلا ابدعت يا احمد
جبت الفولة واللي فيها زي ما بيقولوا

يا تري البوست الجاية هنفكر معاك فعلا ف الحلول؟

فلسطينية الهوى يقول...

هو للأسف احنا بقينا متحزبين

حتى داخل الأسر


إذا كنا لا نقبل أي فكر معادي لفكرنا حتى لو من صديق


مابالك بفكر مختلف أو دين مختلف


احنا دايما في حالة الترصد استعدادا للهجوم


موضوع جميل وعايز تفكير عميق جدا


عشان احنا نفسنا نكون مستعدين اننا نخلق حل

عباس العبد يقول...

احب اعلق على نقطة مهمة
النقطة التالتة
صحيح فى جهل بين الطرفين
لكن الاسوأ ...هو الاستسلام لهذا الجهل و احساس الجاهل بانه تملك المعرفة الكلية
فحكاية مثلا ممارسة الجنس فى الكنيسة يرفضها عقل الملحد مش المؤمن لكنها راحة نفسية تشبع ضعف ما
مثل جملة
مالك مسروع زى ولاد المسلمين
او جملة
متستأمنهمش على فلوس ...لأنهم بيعتبروها غنيمة ليهم
-----------
احنا مستريحيين لتفسيرنا المغلوط لأنه مفهوش وجع دماغ
و كل واحد بيقضيها
و السلام
-----------------
بوست جميل و تحليل رائع
احييك عليه

غير معرف يقول...

هوه فعلا الكلام ده موجود ولكن ليس لدي كل الناس لي صديقة من النوبه تقول ان النوبية لايمكن ان تتزوج الا نوبي وعندما تتحدث عن اهلها كانها تتحدث عن ارض اخري وناس غيرنا كانهم ليسوا من مصر ونسيت الحديث عن سينا وما الم بها..واعرف ناس يسموا انفسهم العرب لهم عادات وتقاليد غريبة يعيشون بيننا وكانهم لا ينتمون لنا حتي اولادهم لايدخلون المداروس عندنا وعندك الصعيدي والفلاح والله انا خايفه من فتنة بن سبأوربنا يسترولا ننكر ان فيه ناس موضوعيه في التعامل مع الجميع

أحمد عبد الفتاح يقول...

زنزانة
البوست الجاي هيبقي عن شوية نقط تانية وجوانب لموضوع الفتة
وهنبتدي نتكلم في الحلول

أحمد عبد الفتاح يقول...

فلسطينية
أنا بدات سلسة المقالات دول عشان نوصل للحل
ياريت نتاقش في الموضوع ده

أحمد عبد الفتاح يقول...

العباس
تعليقك جميل جدا
ولمهم دلوقت نبتدي نتناقش في الحل ونتبتدي ننفذه

أحمد عبد الفتاح يقول...

البتول
معاكي حق
ويمكن انا كنت عايز اجيب سيرة سيناء في الموضوع بس معنديش اصحاب سيناوية
ثم انتي ليكي اصحاب نوبيين وانا معرفش ؟
هما فعلا مبيتجوزوش من براهم وده من عااتهم ليحافظوا علي قوميتهم وده بيرج ع لخوفهم من غير النوبين

أحمد عبد الفتاح يقول...

بجدا انا سعيد
بجد انا حاس ان انا طاير
البوست ده شكله هيبقي احلي بوست في حياتي
لان الموضوع ببساطة ان اعز اصدقائي والي مشفتوش من زمان بعيد جدا بعت ليا ميل بيعلق عالبوست وبعت ليا ميله الجديد
البوست ده هيفضل يحمل ليا ذكريات جميلة جدا
بالمناسبة احب اوريكم تعليق صديقي
هو بعت يقول
أزيك يا أحمد عامل ايه ،الموضوع كويس بس أنت مش شايف أن ده كله موجود من زمان في مصر بالذات وغالبا احنا اتعودنا علي الكلام ده يعني لو انت عرفت اني في مظاهرة ضد المسيحيين مش هتروح تشارك زي مثلا مظاهرات الأسكندريه.

Dr.khaled يقول...

كلامك طيب جدا يا استاذ
وذكرني بقول الهل -عزوجل (لإذ جعل الذين كفروا في قلوبهم الحمية حمية الجاهلية)

المهم..طيب هنقول ان اخواننا في النوبة معندهمشي وعي ديني كافي زي اللي عندنا احنا في الحضر..او في وجه بحري...او حتى وجه قبلي

طب واللي عندهم وعي عملوا بيه ايه؟؟

استغلوه في الحزبية المقيتة
وبقى كل واحد طالع بحزب
حزب الوفد..العمل..الوطني...
الناصري...لا الكرامة...وهلم جرا

وقال الله -تعالى-

(فتقطعوا أمرهم بينهم زبرا..كل حزب بما لديهم فرحون..فذرهم في غمرتهم حتى حين)
وغيرها من الايات التي تحذر من الحزبية التي ادت الى تقطيع اوصال المسلمين
وكل يدعو الى مبادئه...
ونقول..لن يفلح أحد الا اذا اتبع الكتاب والسنة وما كان عليه الصحابة والتابعين..فهي سنة الله في الكون
=================
النقطة الاخرى
يا اخي انت قلت في السبب رقم 3... ان من اسباب الطائفية بين المسلمين والنصارى هي الجهل التام لكل طائفة بالأخرى...
وطبعا يا اخي كلمتك هذه فيها تحامل كبير على المسلمين..فنحن لسنا جاهلين جهلا تاما بما عند النصارى...
بل اننا نعرف عن دينهم اكثر مما يعرفون هم عنه ..
فلسنا جهلاء-والحمد لله- بما عند النصارى من كفر مقتض للخلود في نار جهنم أبدا

يا اخي حضرتك قلت كلمة لم اسمع بمثلها في الكتاب او السنة او قول احد الصحابة او السلف
الا وهي
(وقلما تجد مسلم دخل كنيسة قبل ذلك )

يا أخي
قال النبي -ص- فيما رواه الامام احمد..والبيهقي في شعب الايمان وحسنه الالباني
وحسنه الألباني ايضا في إرواء الغليل
أن النبى صلى الله عليه وسلم غضب حين رأى مع عمر صحيفة فيها شيء من التوراة وقال أفي شك أنت يا بن الخطاب ألم آت بها بيضاء نقية لو كان أخي موسى حيا ما وسعه إلا إتباعي
فغضب النبي-ص- لمجرد صحيفة بيد أحد الصحابة
فيا ترى ما الذي كان سيقوله فيما هو اكبر من ذلك..الا وهو دخول الكنيسة؟؟

===================
أما بخصوص التعذيب في الكنائس...فهذا لا يشك فيه اثنان
وإلا فأين وفاء قسطنطين الآن ؟؟
على ارجح الاقوال انها قابعة في كنيسة بوادي النطرون ويكال لها أنواع العذاب ...
ليس لشئ..إلا لأنها تركت الكفر وأتت إلى الإسلام
===================

هذا من ناحية
من ناحية اخرى..ان النصارى في مصر عشنا معهم قرونا بسلام وتحت حماية الاسلام..وما رد لهم حقوقهم الا المسلمين...ولا نؤذيهم ولا حق لنا عليهم ..اللهم الا اذا بدأوا هم
===================
والله المستعان

شذى مولوتوف يقول...

السلام عليكم
جزاك الله خيرا يا احمد على الموضوع الجامد دة
على فكرة انا فعلا مش فاضية اكتب بوستات او تعليقات بس موضوعك جامد فعلا ويستحق التعليق علية
دايما اما كنت باسمع عن احداث زى دى بحس ان فى كلام محبوس فى زورى نفسة يطلع نفسة يفضفض
ينفسه يحل المشكلة

انا فى رأيي يا احمد ان مش المسحيين بس اللى مضطهدين فى مصر ودى حاجة انا مش شايفاها
لا ولاد البلد كلهم مضطهدين
لية المسيحيين بيتهموا كل المسلمين اننا مضطهدينهم مع اننا ممسوح بينا شوارع مصر
لية
احنا اللى ساكتين ومستحملين؟؟
انا عارفة ان دى مش غلطتهم اننا ما بنداغعش عن حقوقنا زيهم
بس هما بيطلبوا حقوقهم مننا اهل البلد زيهم
مش بيطلبوها من اللى مطلع عنينا وعنيهم
مش ذنبهم انا اما البابا يعتكف فى الكنيسة علسان عشرين شاب مسيحى معتقلين فى مظاهرة من مظاهرات المسحيين لحد اما خرجوهم
واحنا مالناش حد يعتكف علشانا
لية مانحتش ايدينا فى ايديهم ونخزق بيها عين اللى مايختشوش
لية بيلومونا احنا ؟؟

لية بيستفزونا بموضوع زى موضوع وفاء قستطنتين؟؟
علشام مافيش حد فينا فعلا متقبل الاخر
احنا هانزعل اما حد مسلم يبقى مسيحى
وهما هايزعلوا لو حد مسيحى بقى مسلم
بس احنا عمرنا مابنخطف الناس وبنحبسهم فى مساجد ونعملهم غسيل دماغ علشان يتوبوا الى الله ويرجعوا لدين الاسلام تانى


نقطة تانية
يا خالد وليس بخالد
يعنى انت لسة قايل اننا بقالنا كتير عيشين مع بعض فى خير وسلام
انا متهيألى ان ممكن كلمة زى الكفر دى تستفز اللى قدامك حتى لو كانت صحيحة وانت مؤمن بيها
اين احسن القول
قل يا اهل الكتاب تعالو الى كلمة سواء

وفى نفس الوقت قال الله تعالى
قل يا ايها الكافرون

الاية الاولى كان ليها موضوع والاخرى لها موضع اخر
فياريت ننقى الالفاز والاسلوب اللى مايستفزش الاخر بغض النظر عن دينه او جنسيته او انتمائة
علشان هو يحترمك وما يستفزكش

انا عارفة انى طولت عليك
بس يارب يجيب الامن والسلام على ايدك يا احمد

أحمد عبد الفتاح يقول...

الاخ خالد
ردك بجد عايز يتفنط
بس للاسف الوقت ضيق
بس الي عايز ااكد عليه
ان فيه مشكلة والي يقول عكس كد ه يبقي اكي مش واخد باله
أمال تفسر احداث بمهت وغيرها واخيرا احداث سينا بايه ؟

أحمد عبد الفتاح يقول...

الاخت شذا
ياقذائفك الملتوفيه
كلامك جميل
وحرق جزء م ن البوست الجاي الي هناقش فيه باقي المشكلة وطريقة حلها
الله يسامحك

شارك مع اصدقائك

Share |