الثلاثاء، 15 مايو 2007

حصة فلسفة حول فلسفة الهكونا مطاطا

التدوينه ده تدوينه قديمة كتبتها من كا شهر
بس لما لاحظته من حالة الياس والاحباط الي حوليا
قررت اني اعيد نشرها
ويارب ينفع بيها

أهلا بسكان كوكب الارض المكشرين الزعلانين المعقدين دايما من غير سبب ..

أهلا بيكم علي مدونتنا التي لا تسمح ابدا بالكائبة والاكتئاب

اليوم سنخوض في فلسفة هي من اهم فلسفات الحياة أو بالاحري هي فلسفة الحياة عامة أنها فلسفة الهكونا مطاطا

وواضع فلسفة الهكونا مطاطا - ده لو كان ليك دراية وعلم بافلام الكرتون - هو العالم الجهبز والشخصية الالمعية النمس النميس تيمون وصديقه الاجهبز منه والاتخن منه بومبا أبطال فيلم الكرتون العالمي الملك الاسد .

تيمون وبومبا حطوا الفلسفة ده عشان يعلمونا اذاي نعيش ، أذاي نضحك ، اذاي نفرح ونجري ونقضي الحياة بالطول والعرض وسنبكسات - يعني بالورب -

يقول تيمون في تحفته خالده الذكر في شرح فلسفته الهكونا ماطا طتيه " هكونا مطاطا يعني اضربها طبنجه " ويزيد عليه صاحبه بومبا ويقول " دايما صاحبي تيمون بيقول لما الدنيا تديك ظهرها ادي ظهرك للدنيا "

بس

أيه الجمال ده يا رجاله بجد مش كلام يجنن ؟؟

من الاخر للي مش فاهم هكونا مطاطا هي دعوه للحياة دعوه للحب دعوه للحرية دعوه لنبذ الاكتئاب والضحكة الي من القلب الي بتسمع العالم كله ، دعوه اننا نعيش الحياة ذي ما هي لازم تتعاش .

ببساطه عيش يومك أرمي همومك وراء ظهرك ذي ما قال تيمون وبومبا في اغنيتهم الي بتتكلم عن الموضوع ده كانوا دايما بيقولوا :

هكونا مطاطا ... غنوه نغمها لذيذ

هكونا مطاطا .. انسي الماضي الي يغيظ

أنساه والمستقبل أديه كل التركيز

هذا هو البهريز السنتفيس

هكونا مطاطا

بذمتكم فيه اسهل ولا اجمل ولا احلي من كده

يله فكوا التكشيرة ده وقولوها من جوه قلبكم وبصوت عالي هكونا مطاطا ... ايوه متعمليش مكسوف لانه مينفعش تتكسف تعيش حياتك لانها حياتك وهتعيشها مرة واحده بس يبقي عيشها ذي ما تحب مش ذي ما الناس تحب .

يله ومتنسوش سهله خالص هكونا مطاطا


هناك 3 تعليقات:

غير معرف يقول...

يا بختك

Aml Ghonaim يقول...

هو طبعا سهلة اننا نقولها ؛
بس ياترى مجرد مانقولها كل المشاكل هتنحل تلقائيا ؟!
كل القرارات اللى المفروض ناخدها هتتاخد تلقائيا ؟!
كل الشغل اللى ورانا هينعمل تلقائيا ؟!
لنـــــــا الله
هو أنا مش مكتئبة ؛
لكن ؛ حالة عااامة ...
جزاكم الله خيرااا على الفلسفة الرهيبة ؛
هامش : الكرتون الوحيد اللى اتفرجت عليه وأنا كبيرة كان الملك الأسد ؛ حلو فعلاااا

غير معرف يقول...

ماشي يا عم الرايق لو كانت سهله كده امال ايه اللي احنا فيه ده انا شايفه ان هناك مليون حاجه تدعو للبكاء واشياء بسيطة تذكرك بالبسمة لحتي هذا الاسم اصبح خرافه لاداعي لها

شارك مع اصدقائك

Share |