الأربعاء، 30 مايو، 2007

رسالة الي كل المدونات الاناث


بصوا للصورة كويس قبل ما تقروا


وعدتكم بالامس ان اروي لكم عن مكالمة تليفونية اطارت النوم من عيني ، فبالامس وانا غرقان لشوشتي في معادلات الاحصائية السخيفة وفيزياء الجوامد والتي كان لا يقطع اندماجي معها سوي رنين الموبيل كل 10 دقائق وكل المكالمات بالطبع بخصوص ما نشر بالامس بالمصري اليوم اذ بالموبيل يرن وهذه المرة ظهر اسم شيماء ابو زيد علي الشاشة وشيماء صحفية كبيرة - عالاقل بالنسبة ليا - وهي من قلائل علموني الصحافة وتعمل باسلام اون لاين علي الفور تصورت ان مكالمتها بخصوص ما نشر بالمصري ومنيت نفسي بنقض فذ حول ما نشر من الناحية المهنية وامسكت بالقلم وفتحت ورقة بيضاء جديدة لادون خلفها ما ستقوله وعندما قمت بالرد عليها وجدتها تسالني
"أحمد انت شفت موضوع الخدمات بتوع السعودية ؟ "
قلت لها " أكيد طبعا هو انتي لسه شايفاه ولا ايه ؟ "
قالت لي" لا طبعا بس بجد انا مخنوقة من ده هو محدش هيتحرك ؟ ناهد ابو القمصان مش هتتحرك ولا هتتكلم بس عالجرايد ؟ مفيش حد هيتحرك خالص ؟ "
قلت لها " هو أكيد حد هيتحرك بس انا معرفش مين بالضبط وامتي ثم انا بمتحن "
قالت " طب وفين البنات والنساء ؟ "
قلت لها "والله مش عارف بس هشوف "
أغلقت الهاتف وانا مهموم اكثر من همي هما سوال شيماء كان طبيعي جدا اين النساء من قضية تمس امنهن القومي في الصميم - مش عارف بس الامن القومي ده لايقة عالموضوع - اين رواد حقوق المراة والمدافعين عن بنات جلدتهن ؟
أعلم ان القضية ليست قضية نساء فقط هي قضية مجتمع ولكن انا اتصور ان الاولي بها النساء وهن من وجب عليهن تحريكحها وتحريك الجماهير فيها لا اتنصل من دوري كرجل في الامر ولكن اتمني ان يكون دور النساء في هذا الامر أكبر .
اتمني من النساء ان يبتكرن طرقا جديدة لمواجهة هذه المحاولة لبيعهن في سوق الرقيق الابيض .
وهنا اوجه ندائي بالاخص للمدونين من الفتيات واقول لهم هذه قضيتكن فانتم اولي بها اولي ان تحركوها وتتخذوا فيها رد فعل يتناسب مع الضرر الواقع عليكن وعلي الشعب المصري كله .
أوجه ندائي لكل من اعرفه من فتيات المدوانات امثال رانده صاحبة الزنزانة وشهروزه ولمنال سيدة العمرانية ونورا يونس وشروق صاحبة احلي ما في الدنيا واوري الطويل صاحبة انا كده واية فلسطسنة الهوي وعلا ام قلم حر وايمان صاحبة الم وطن وسارة المقاومة والاخت الي مستنية الفرج وشذا الي لسانها ملتوف واكيد لامي الي بتعلق عندي باسم البتول

الدعوه ده بوجها لكل مدونة بنت من الي انا زكرتهم ولعشرات انا مش لاقي لينكاتهم دلوقت بس بزورهم ومعجب جدا بشغلهم وكتباتهم ولمئات انا معرفش مدوناتهم
ويمكن انا زكرت نماذج فوق باللينكات عشان ابرهن ان عندنا الحمد لله مدونات نشيطات جدا ويقدروا يحركوا القضية ده لو فكروا في كده
في النهاية ليا كلم طلب
1- ميهمنيش ان حد من المدونات تعلق عالبوست ده الاهم تعلقوا عند بعض وتتكلموا حولين الموضوع
2- ياريت تطلعوا القديم والجديد للست عائشة وتربطوه ببعضه ذي عاملات المنصورة اسبانيا
3- انا همرر التدوينة ده علي ميلات المدونات الي عنمدي ومرروها لبعض عشان ننشر الدعوه اكتر
4- مش محتاج ااكد طبعا اننا - كشباب مدونين - معاكم وهنضرب مكانكم وانا عن نفسي مستعد اشيل تهمة التحريض علي التظاهر والجمهرة واي تهمة تاني مدام هنعمل حاجه

هناك 8 تعليقات:

البتول يقول...

نحن لا نتحدث عن الخدمة كعمل مهين ان الاهانه ان تذهب المصرية بنصف واتب الفلبنية لتقوم بنفس العملثم من ستذهب معرضه لمشاكل عديده وسلركيات نترفع علي اي مصريه ان تتعرض لها هل يصح بعد ان كانت مصر مناوة العلم في العديد من الجالات ان تصدر خادمات هؤلاء ليسوا مسلمات الفلبنياتسمعت ان وزراء القوي العاملة السابقين رفضرا هذا الكلام وقبلته هذه السيدة هكذا تنصر المراة المرأة وعمار يامصر معقول هنقول بعد كده خراب يامصر

البتول يقول...

لو كان الامر بيدي لقدمت وزيرة القوي العاملة للمحاحكة بتهمة الاساءة لكل مصرية والحط من قدر مصر واهانة شعب باكمله

مقاومة يقول...

انا حاسة ان البوست بتاعك عبارة عن دعوة للتفرقة العنصرية ، أولا انا لما بدافع عن قضية بدافع عنها من منطلق اني اتمتع بكل الحقوق اللي بيتمتع بها اي مواطن سواء رجل أو امرأة و كلنا بدون تفريق بين الانث و الذكور أو الرجل و المرأة لازم نقف ضد عائشة عبد الهادي و ان كنت هاقف ضدها لحاجات تانية كثير مش المصيبة الجديدة دي بس

فلسطينية الهوى يقول...

أنا بجد مش عارفة ايه ده


ضغطي على فعليا


هو السعوديات أكرم مننا


و لانساء العالم أكرم مننا


لامتى هنتعامل اننا بشر مستوى مش ثالث

لا ده بالسالب


الله المستعان

شــهــروزة يقول...

طب وربنا ما عرفت انك بتنداى علينا
انا نزلت البوست من فقعتى وحسرتى
لما شفت بنود الاتفاقية من موقع عامل حملة لمناصرتها
قطيعة النسوان لما يحكموا وسنينهم السودا

ابقا تعالى شوف عندى يا أحمد

انت يا ابنى مش بتمتحن؟؟؟
بتكتب امتا؟؟

ربنا يوفقك

إخوانية مصرية يقول...

الموضوع بس اننا كنا مصدومين
من وهلة الخبر
لاتتخيل احنا كنا 10 بنات بنسمع الخبر كله تنح صراحة
لهذه الدرجة كرامة وحياء البنت المصرية طيب حكومتنا معندهاش كرامة ودي حاجة قديمة عوزه بقي تبين كمان ان شعبها معندوش كرامة
بجد حاجة تفقع

وحسبي الله ونعم الوكيل

amy lee يقول...

انا كمان مستعده اساعد بس تقولولي اعمل اواكتب ايه
وانا ف الخدمه

amy lee يقول...

على فكره
انا بس الي مدايقني ان ممكن واحده مستوها ينزل لدرجه ان هي تضطر تشتغل بره
ومش اي شغله يعني
وبعدين حكايه الخدم المصريين دي خلصت من زمان
مبقاش الا الفلبين والهنود والاندونسين الي بيشاتغلوا ف الخليج
ايه الي رجعها تاني
لا حو ل ولا قوة الا بالله

شارك مع اصدقائك

Share |