الأحد، 8 يونيو، 2008

مدونة لاطباء المطرية لفضح ما يحدث بالمستشفي وفيديو جديد

من الواضح ان فضائح مستشفي المطرية لن تنتهي
ومن الواضح ان مستشفي المطرية فيها دكاترة رجالة قوي
رجالة مستشفي المطرية قرروا انشاء مدونة لفضح ما يحدث في المستشفي
ده لينكها
http://akroot4ever.blogspot.com/

وده اولا
ثانيا بقه نشر الدكاترة فيديو جديد مصيبة
اتفرجوا عليه
تم حذف الكليب لظهور وجه الجثة فيه
والدكتور مصور الكليب ده بيقول عنه الاتي


رعاية الباطنه

(العناية المركزة الخاصه بقسم الباطنه)


في أوائل شهر مايو 2008 يفتتح مدير المستشفي رعاية الباطنه,والتليفزيون يصور والصحف تكتي ومدير المستشف يبتسم أمام الكلاميرات وووووووووو

المهم :

*هل يوجد الأطباء المؤهلين لتشغيل الرعايه؟ لا

*هل توجد الممرضات المدربات للعمل بالرعايه؟ لا

*إذن كيف ستعمل الرعايه؟ عادي جدا بأي مجموعه من الأطباء والممرضات

*لكن هؤلاء لم يتم تأهيلهم أو تدريبهم لذلك؟ وايه المشكله في كده؟!!!

يبدوا أنكم مندهشين....

سبب الإندهاش أنكم تعتقدون أن الرعاية أو العناية المركزه يتلقي بها المريض رعاية خاصة ويتم توصيله بـMONITOR لمتابعة حالته جيدا وقد يحتاج إلي أجهزة تنفس صناعي ....إلخ مما يتوفر للمريض في الحالات الحرجه ظروف أمثل للشفاء,نعم كل ما تعتقده صحيح هذا إن كنت تتحدث عن مكان تحترم فيه قيمة الإنسان,

لكن هدف العناية المركزة في مستشفي المطريه يسمو فوق تلك الأهداف الحقيرة..هدفها توفير دخل للمستشفي ليس إلا,فالعناية المركزه جاءت للمستشفي في صورة تبرع من إحدي الجمعيات,وكل مريض لكي يدخل العنايه لابد أن يدفع رسم دخول 200 جنيه,وهذا هو هدف الرعايه ومادام الهدف هو ال200 جنيه اللي حيدفعهم المريض يبقي غيه أهمية أن يكون المسؤل عن الرعايه مدرب أم لا؟!!!!

لا تتعجب فهذه هي الحقيقه

الذي يعمل في العناية(رعاية الباطنه بمستشفي المطريه)هم أطباء باطنه ليس لهم خبرة ولم يتم تدريبهم علي العمل بالرعايات(ملحوظه هناك تخصص يسمي الرعايه يستطيع الطبيب أن يحضر فيه ماجيستير ودكتوراه)


واليكم مثال لما حدث داخل الرعايه في أولي أيام عملها وتحديدا في17/5/2008 دخلت مريضه إلي الرعايه وتم توصيلها علي الMONITOR والذي يعطيصوره عن القياسات الحيويه الخاصه بالمريض مثل الضغط والنبض وكمية الأكسجين بالدم ورسم القلب..إلخ لكن المفاجأة أن الجهاز كان يعمل علي الوضع DEMO وهو وضع تجريبي يعطي القياسات الطبيعيه للإنسن الطبيعي ويوضح كل خاصيه من الخواص التي يعرضها الجهاز ,ولا يعطي صوره عن حالة المريض,وهكذا ماتت المريض وشبعت مووووت والمونيتور لازال يعطي القياسات الطبيعية والدكاترة والممرضات تنظر للمونيتور فتجد كل تمام والمريضة انتقلت الي رحمة الله تعاليإلي أن اكتشفت الوفاة في الساعه 10:15م عندما أرادت الممرضة أن تعطي المريضة أحد أدويتها...

شاهدوا المأساة بالصوت والصوره:المونيتوريقول أن رسم القلب تمام والنبض 60 نبضه في الدقيقه والضغط 120/80 وتركيز الأكسجن في الدم97% يعني مافيش أحلي من كده لكن المريضه تظهر أمامكم في الفيديو وقد توفيت.


ملحوظه:لم نستطع الوصول إلي اسم المريضة نظرا للتكتيم الشديد حول القصه ولكن يمكن معرفتها من سجلات المستشفي..

حاكموا مدير المستشفي..كيف يجبر أطباء وممرضات غير مؤهلين علي العمل بالرعايه؟

حاكموا مدير المستشفي الذي يقتل كل هؤلاء المرضي بقرارات لا تتسم إلا بالبلطجه وفساد الإدارة وغياب الرحمه..


هناك 9 تعليقات:

محمد هانئ يقول...

أحمد
الفيديوده كان موجود من يوم ما حطينا الفيديوهات ورفضت وضعه زي ما هو مكتوب عندي ع المدونة

وش المريضة باين خالص يا احمد

رجاء شيل الفيديو ع الأقل احترم المرحومة انت

أما الدكتور اللي صور جثة مريضة عنده فده يستحق المحلكمة مش الاشادة

مش فاهم ايه الابداع في تصوير ميته (الصور في أخر الفيديو)مدام فكرته وصلت خلاص ان الدكاترة بهايم مش عارفين الأكتيف من الديمو في الأي سي يو

و الموضوع راجعلك يا احمد لكن أنا بخلص زمتي قصاد ربنا

الله...الوطن...أما نشوف!!! يقول...

أحمد أنا عايزة أقولك حاجة مهمو أوي...موضوع المستشفيا تاللي انت فاتحه دة أنا شايفاه أهم موضوع في بلدنا والأجدر بوقفة حقيقية...هو دة أول تغيير لازم يتم ي البلد دي...تغيير قطاع الطب...الدوا...التصدي للمرض...ازاي شعب جعان وعيان يقدر ينتج أي حاجة أو يغير أي حاجة...برافو عليك يا أحمد...الموضوع الصح جدا في الوقت الصح جدا...أنا لما باروح مستشفيات التأمين الصحي قلبي بيوجعني من مناظر الناس اللي المرض هدهم والدكاترة مش راحمينهم وبيعاملوهم ظي الحيوانات لدرجة اني مرة اشتبكت مع دكتور منهم بسبب الطريقة المهينة اللي كان بيكلم بيها احدى المريضات البسيطات...يا رب نقدر نعمل حاجة في الموضوع دة

أحمد عبد الفتاح يقول...

العزيز محمد هانئ
انا عارف ان الفيديو كان محطوط من الاول بس انا منشرتهوش ساعتها لاني مكنتش فاهم قوي
انا كنت فاهم ان الست ميته وان الجهاز شغال بس مش فاهم ده غلطة مين ولا ايه الموضوع انت عارف صاحبك فيزيائي بقه ملوش في الحاجات ده
ونشرته لما لقيت تفسير ليه
وبما انك شايف انه غلط نشره لاسباب تتعلق بشرف المهنة وكده انا شلت الفيديو

أحمد عبد الفتاح يقول...

الله .. الوطن ... اما نشوف
قطاع الصحة طبعا اهم قطاع ولا شك
الي بيحصل في مستشفي المطرية مجرد نموذج للي بيحصل في مستشفيات مصر
وربنا يلطف بينا

ahmxxxx يقول...
أزال أحد مشرفي المدونة هذا التعليق.
سبهللة عالاخر يقول...

احمد هى ناورة مختفية فين؟؟
انا بجد قلقانة عليها وكل ما اتصل بيها ما تردش عليا
انا عارفة انها مش هى اللى بترد او لأ بس بطرس مش عايز يوصلنى ليها
كان الاول بيكنسل عليا دلوقتى مش بيرد من اصله
لو تعرف عنها حاجة ياريت تقولى

أحمد عبد الفتاح يقول...

نوارة فين ؟
سول يطرح نفسه
بصي هي اخر مرة تم رصدها كان يوم الجمعه في مركز الدراسات الاشتراكية مع راجل عجوز حليوة اسمه عم أحمد نجم
علي العموم هي العادي تختفي لحاد 3 ايام
بكره الصبح هتصل بيها واجيب لك خبرها باذن الله
بطرس مبيردش عليا
الظاهر بيخاف مني علي طول بيحولني ليها
مه برده الناس مقامات حتي عند بطرس
جربي تبعتي لها اس ام اس ده غالبا بتوصل وانا لو عرفت حاجه هطمنك

غير معرف يقول...

مش غريب على مديرمستشفى المطرية شغفه على الفلوس بدليل ان زوجته السابقة رفعت قضية تطلب التطليق للضرر لانه ساومها على الطلاق يتدفع مبالغ مالية باهظةوالا يتركها معلقة مدى الحياة مع استعمال كافة اساليب البلطجة و القضية اوراقها فى محكمة زنانيرى فى الفترة من عام1995 حتى عام 2001 لتكشف عن انه يمكن ان يفعل اى شى من اجل الفلوس

غير معرف يقول...

شكرا لهذا المنصب رائع. الاعجاب الوقت والجهد وانتم تضعون في بلوق الخاص بك ومعلومات مفصلة التي تقدمها.

شارك مع اصدقائك

Share |