الأربعاء، 25 يونيو، 2008

هو عز قال ايه بس ؟

لا واضح ان الموضوع كبير قوي
اتفرجوا علي كلام الشباب هنا وهنا وهنا
واضح ان أحمد عز بدع قدام مني الشاذلي
بس يا تري هو قال ايه ؟
العيال هتتشل من الحوار
انا للاسف كنت نايم وتعبان قوي
نايم من 6 ل 12 بليل ومش قادر اتحرك
وعشان كده مشوفتش الحوار
لغاية لما اشوفه احب اقول لكل الي شاف الحوار ربنا معاكم
وياريت الي يعرف معاد اعادة العاشرة مساءا يبعت يقول لي
وانصح كل الي شاف حوار عز يفتح قناة موجة كوميدي عليها دلوقت يوميات ونيس بتاعه زمان
حالتكم هتتحسن كتير

هناك 4 تعليقات:

Bella يقول...

فاتك نص عمرك يااحمد

صراحة خسرت كتير قوي لما ماشفتش الحلقة دي

هههههههههههههههه

كنا عايزين نتأكد ان الراجل كلامه مش مفهوم او صعب حد يطلع منه بحاجة

ياريتك حضرتك كنت تفيدنا وتجيب الخبر اليقين

هههههههههههههههه

الغلبانة منى الشاذلي ماعرفتش تنطق بجملة كاملة
كل شوية ينط في كلامها ويقاطعها

هههههههههههههههههه

لما الحلقات تنزل على اليوتيوب ح اجيبهم لك

ههههههههههههههههههه

الغلبانة منى اخدت اجازة بكرة ببركات حلقته وح يذيعوا حلقة معادة بكرة

هههههههههههههههههههههههههههههههه

بن توفيق يقول...

انا كمان والله فاتنى الحوار العظيم
اللى مش عارف قناة دريم واحمد بهجت ومنى الشاذلى واخده فيه كام
راجع من الشغل الساعة 12 باليل

بس شكلى كده ربنا بيحبنى عشان مش شفته

بس لازم الواحد يعرف هو عمل ايه
لو جالك يا احمد الحوار العظيم ده
ابقى احدفهولى

دعاء يقول...

أحمد فاتك نص عمرك في حرقة دمك يعني .. بصراحة انا نسبيًا عجبتني منى في الأول..وفي نهاية اللقاء عجبتني جدًا أديته كام كلمة حارقين الدم بالفعل حسيت انه ممكن يقوم يضربها قلمين

المهم محدش نزل اللقاء كامل بس في مقتطفات منه نولت متحرمش نفسك منها

http://youtube.com/watch?v=7sAuhjqy3iI

http://youtube.com/watch?v=PL__HEBTfCg

http://youtube.com/watch?v=taitMq5Gqy4

http://youtube.com/watch?v=REGTKe8WNPw

سبهللة عالاخر يقول...

بيلا بتقولك فاتك نص عمرك يا احمد
بصراحة خلصنيش نص عمرك يروح اونطة وانت لسه فى عز شبابك
قلت ما يصحش نتشل لوحدنا
خد يا سيدى الحوار كله هنا
http://www.youtube.com/user/amirelmelegy
اتشل براحتك وعلى مهلك واحدة واحدة

شارك مع اصدقائك

Share |