الثلاثاء، 24 يونيو 2008

الواجب علينا حق

الواجب دة بعتتهولى سبهللة وطلبت منى اعمله وطبعا انا مقدرش ارفض لان سبهللة حد غني ومعاه 500 جنية جم ليها هدية في عيد ميلادها من جوزها وده طبعا سر محدش يعرفه
قوانين الواجب:
1. أذكر اسم من طلب منك حل هذا الواجب.(ذكرته)
2. أذكر القوانين المتعلقة بهذا الواجب( كتبتها)
3. تحدث عن ستة أسرار قد لا يكتشفها من يقابلك للمرة الأولى. ( جينا للاسئلة الي من بره المقرر )
4. حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.( هنتقم يعني )
5. اترك تعليق في مدونة من حولت الواجب عليهم، ليعلموا عن هذا الواجب.
عالبركة
الحاجات الستة هي .........
1- أني منتمي للاخوان المسلمين غالبا الناس لما بتشوفني بالكاجول وسماعات الهيد فون المدلدلة علي رقبتي وتشوف اصحابي الي بقعد معاهم وكده مش بتصدق ان اخونجي ولا حتي بتخمن ولو حد من الي يعرفوني يقول له ده حمد اخوان يقول له انت بتهزر يقول له والله يقول له بطل عبط يقوم يوريه ميدلية مفاتيحي الي عليها شعار الاخوان ولوجو الموبيل بتاعي الي عليه الشعار برضه ونغمة الموبيل الي هي الله غايتنا ثم يديله الضربة القاضية لما يعرفه اني بشتغل في أخوان اون لاين .
2- اني عندي 22 سنة غالبا كل الي بيقابلني بيدني اكثر من كده بكتير حيث يبتدي التخمين عندهم من 25 سنة وبعد ساعة كلام يقول لي انت اكيد عمرك 30 علي الاقل والسبب وراء كده معرفهوش بس يمكن عشان اغلب اصحابي كبار في السن .
3- اني متسرع لدرجة التهور ساعات كل الي بيقابلني ويشوف النظارة ويعرف اني من برج الميزان يقول انه عاقل وراسي بس نابهم بيطلع علي شونة
4- اني من برج الميزان لان صفاتي لان الناس فاكرة ان بتوع الميزان دول حكماء وذقنهم بيضاء وطولها 1000 متر
5 و 6 مش فاكرهم دولقت بس لما افتكرهم هكتبهم
امرر الواجب ده بقه لمييييييييين ؟
1- اية الفقي ( فلسطينية الهوي )
2- كريم ( حكاوي كريم )
3- نوارة نجم ( الزعيمة )
4- كفاية كده بقه

هناك تعليق واحد:

سبهللة عالاخر يقول...

أخيرا عملت الواجب
دة انت طلعت بليد اوى
ثم ان عندى سؤال مهم
انت اخوان ليه؟؟؟

شارك مع اصدقائك

Share |