السبت، 7 يونيو، 2008

أحتمال بوجود ضحية جديدة لمذبحة المطرية


من دقائق تم اول اتصال تليفوني بيني وبين الدكتور الشجاع الي صور ما حدث ليلة الخميس الاسود بمستشفي المطرية عندما انقطع التيار الكهربي لمدة ساعتين وادي لوفاة 4 أطفال
تفاصيل الاتصال كثيرة لكن افضل اني أكشفها في وقتها لكن الدكتور قالي معلومة مهمه قوي لقيت انه من الضروري اشارك الناس فيها
كلنا نعرف ان ضحايا المذبحة هما 4 أطفال المبسترين الي كانوا في الحضانات وقتها ، وان فيه احتمال وجود ضحية أخري من كبار السن لكن الكلام ده مش أكيد قوي .
لكن الدكتور النهرده وضح لي حاجه مهمه قوي ان الحضانات كان فيها أكثر من 20 طفل 5 علي اجهزة تنفس صناعي ودول هما الحالات الحرجة و 15 في حضانات عادية وأن الوفيات الاربعة كانت بين الاطفال الي كانوا علي اجهزة التنفس الصناعي ، واكد لي في نفس الوقت ان الطفل الخامس لو أتكتب ليه انه يعيش باذان الله - وعلي فكرة حالته دلوقت خطرة - غالبا هيكون متخلف عقليا لان عدم وصول الاكسجين لخلايا المخ لفترة طويلة بيادي لدمارها وهو ما يعني التخلف .
حسبنا الله ونعم وكيل
علي العموم انتظروا قريبا مفاجات جديدة في قضية مستشفي المطرية .

ليست هناك تعليقات:

شارك مع اصدقائك

Share |