أيها الاخوان تحركوا ... فمن لم يتحرك الان لن يتحرك للابد

هما الاخوان مستنين ايه ؟
فاضل ايه يحصل تاني ؟
العيش مش ممكن تجيبه الا لو معاك عالاقل مطوة
وزجاج الزيت ب 13 جنية
فاضل ايه ؟
البوست ده ممكن تسموه نداء ... رجاء .... سموه اي حاجة
المهم انه رسالة لفضيلة المرشد
لقيادات الجماعه
مفادها
ابوس ايديكم تحركوا وتبنوا اضراب 6 ابريل
انا مش فاهم الجماعه مستنية ايه ؟
مستنين الناس تاكل بعض في الشارع ؟
يحدث حاليا في افران العيش
مستنين حكم العسكرية ؟
ما كلنا عارفينه بس بنضحك علي نفسنا ، وهل من العقل نقدم مصلحة 40 واحد علي مصلحة امه بحالها ؟
مستنين ايه ؟
انا مش عارف هما مستنين ايه
ولنفرض جدلا انهم مستنين الفنكوش مااااااااااااااااااااااااشي
بس الي احب اقوله ان الناس ميهماش اي فنكوش حاليا
لا يهمها سوي اكل العيش
من اكثر من عام ونصف وانا لا احمل سوي سوال واحد لكل من اقابله وهو
ايه الحل ؟
والغريب في الامر ان الاجابة لم تخرج عن كلمة واحد
العصيان المدني
أجتمع علي هذه الكلمة الجميع
المسول وغير مسول
الشاب والكهل
العظيم والحقير
الغني والفقير
حتي جدي الي كان بيحب حسني مبارك والحزب الوطني بقه بيقول مفيش حل الا الاضراب
عزيزي واستاذي فضيلة المرشد
أنتظرك تظهر علينا عبر رسالتك الاسبوعية الجمعه القادمة قائلا لنا
ابنائي ابناء الاخوان
ايمنا منا بما يمر الان علي مصر من وقت عصيب وتقديرا منا لخطورة الاحوال التي وصلت اليها البلاد
أطلب منكم ان تتقدموا طليعة المشاركين في اضراب السادس من ابريل القادم
منتظر من فضيلة المرشد انه نفسه واعضاء مكتب الارشاد يضربوا عن الذهاب الي مكتب الارشاد يوم 6 ابريل
انا عارف ان فيه ناس بتسال سوال مهم وبتقول
هل لو لم يشارك الاخوان في الاضراب يوم 6 ابريل لن ينجح الاضراب ؟
الرد بسيط
الاضراب اصلا احتمالية نجاحه قليلة للغاية
سواء بالاخوان او بدونهم والكل عارف ان الاضراب ده مجرد تجربة مجرد بروفة
طب السوال التاني ليه الاخوان يشاركوا ؟
الاجابة الاخوان لازم يشاركوا لمئة سبب ابسطهم ان الاخوان فصيل المعارضة الاكبر في مصر
أن الاخوان لو لم يشاركوا هيفقدوا كتير من مصداقيتهم لدي ناس كتير
ولاسباب تانية كتير
انا منتظر رسالة المرشد يوم الجمعه القادمة