الأحد، 30 مارس 2008

كل واحد يختار له حاجه من دول يعملها يوم 6 ابريل

طب يا شباب انا عندي لستة بشوية نشاطات
ممكن كل واحد يشوف له نشاط يحضره
ومصدر النشاطات ده تقرير اخباري نشره موقع اسلام اون لاين من اعداد الزميلة ايمان عبد المنعم
1- مع بداية دقات الساعة الثانية ظهر يوم 6 أبريل سيخرج عمال الغزل والنسيج بالمحلة في مظاهرة قوامها 35 ألف عامل، بحسب تصريح مصادر عمالية .
2-
اعتصم عمال شركة الحوامدية للسكر داخل المصنع بجنوب محافظة الجيزة.
3-
ستشهد الجامعات المصرية وقفات احتجاجية يشارك فيها الطلاب وكذلك الأساتذة الذين بدءوا منذ نحو أسبوع أول إضراب جامعي، احتجاجا على تدني رواتبهم.
4-
يتظاهر أهالي جزيرة "قرصاية" بوسط النيل شمال الجيزة، محتجين على قرار الحكومة قبل أشهر بإخلاء الجزيرة لتحويلها إلى مشروع سياحي
5-
حي البساتين بالقاهرة الكبرى سيتظاهر الأهالي أمام مقر الحي، رافعين كابلات كهربائية؛ احتجاجا على عدم وصول الخدمة إلى 20% من منازل البساتين، وفق بعض الأهالي
6-
فيما سيعتصم عدد من الشباب الذين يعانون البطالة أم مقر وزارة القوى العاملة.
7-
سيحتشد أهالي "قلعة الكبش" بوسط القاهرة أمام أطلال منازلهم التي التهمها حريق مروع قبل نحو العام؛ احتجاجا على عدم توفير السلطات حتى الآن مساكن بديلة لعدد كبير منهم
8-
أمام مقر مجلس الشعب (الغرفة الأولى للبرلمان) سيعتصم عدد كبير من أهالي المعتقلين السياسيين وضحايا غرق عبارة "السلام 98" في البحر الأحمر (ما يزيد عن ألف ضحية) قبل عام ونصف العام.
9-
وفي حشود كبيرة ستخرج "الحركة المصرية من أجل التغيير" (كفاية) إلى أحد الميادين الكبرى بوسط العاصمة القاهرة،
وان شاء الله اول ما اعرف اي نشاطات جديدة هبلغكم بيها هنا
يوم 6 ابريل ليكن شعارنا
خوضوا كل معارككم الجزئية، ولكن بسقف كلي

هناك 4 تعليقات:

AlFirjany يقول...

يا ما نفسي أكون معاكم
يا خسارة حال اغترابي لأن اكون موجود مع أترابي
بس نزولي قرب إن شاء الله .. وحتى لو ما قربش والكفيل ال*** اللي قاعد معاه عمل معايا أي حركة هأحاول أرجع ولو جزء ضئيل من كرامة المصريين هنا في البلد بنت الخليجي اللي قاعد فيها
==
أتمنى إن الاضراب يتطور من مرحلة الكلام إلى مرحلة الفعل
كل بلد كل نقابة وكل مستشفى وكل مصنع وكل حي أكيد فيها مظاهر للظلم
وأكيد فيها مظاهر خنوع
يا رب يوم أبريل نكشف الظلم وننفض الخنوع
أتمنى مصانع الحديد والمصانع الحربية في حلوان تنضم للتظاهر والاضراب

أحمد عبد الفتاح يقول...

الفرجاني
انت معانا ياريس اكيد
مش لازم تبقي موجود بنفسك
مفاية نفسك معانا
وربنا يقدرك علي الكفيل
انا اول مرة اعرف انك بره مصر
وبيني وبينك انا حاسس المرة ده ان الاضراب بقه بره الكلام بقه بجد
واضح والله اعلم ان فيه امل
وبخصوص مصانع حلوان لسه الاخبار مش اكيدة فيها
كنت عايز اقول لك حاجه بقه
انت الوحيد الي خلاني لاول مرة اقرا في الكورة
لانك متتصورش انا بكره صحافة الرياضة قد ايه
بس انت اسلوبك مختلف
انت حقت المعجزة
استمر
واعذرني لو مش بعلق لاني لم ارقي لمستوي الفهم في الكرة الي يوهلني للتعليق

AlFirjany يقول...

ما تخافش يوم 5 أبريل محضر مقال بإذن الله والله المستعان كمشاركة بسيطة جدا عن الاضراب
اوعى تفتكر إن الرياضة بعيد عن السياسة، او إن الاشتغال بالرياضة معناه إننا بعيد
الكوسة في مصر تكفي جميع المجالات وتسمح بالتصدير ودوري إني أفضحها هنا
زي ما غيري بيفضح الفساد في مجالات أخرى

ولا يهمك التعليق أو غيره .. الأهم عندي القراءة وإني لا أضيع وقتك وأحترم عقلك ووقتك .. لأنهم أثمن شيء عندي
والحمد لله على إنهم عجبوك
==
لو انت حاسس بتفاؤل قيراط .. أنا حاسه 24
لازم نتفاءل إن فيه تغير، حتى لو طفيف وإن شاء الله يكون كبير
صدقني دي نفس ظروف تطور بعض الديمقراطيات ... من الجوع تبدأ المأساة ويبدأ معها الانفجار

غير معرف يقول...
أزال أحد مشرفي المدونة هذا التعليق.

شارك مع اصدقائك

Share |