السبت، 15 مارس، 2008

ثوروا يرحمكم الله

قرفان ؟
زهقان ؟
مش عارف تشتري عيش ؟
المواصلات ذي الزفت ؟
مش طايق شغلك وبتقبض عليه 200 ج ؟
وبعد كل ده فيك ساكت ليه ؟
مستني ايه ؟
قول اااااااااااااااااااااااااااااااه
قول انا تعبان
انا قرفان ... انا زهقان .... انا مش عارف اشتري عيش .... المواصلات زفت ..... قول انا مش طايق شغلي وبقبض 200 ج بس
قول اااااااااااااااااااااااااااااه واعمل ذي عادل امام في فيلم النوم في العسل
ايها البشر ....ثوروا يرحمكم الله
حرام عليكم الي بنعمله في نفسنا ده
ساكتين ليه مش عارف ؟
التاريخ بيقول محدش بياخد حقه الا الثوار
والحكمة بتقول لا يضيع حق ورائه مطالب
جرب مرة الثورة ودوق حلاوتها

النهرده انا دوقت حلاوتها
النهرده انا ودفعتي قررنا نثور علي احد استاذتنا وبالتحديد دكتور مادة هندسة المفاعلات
ثورنا عليه
قلنا مش عايزينه لانه معقد
فاكر نفسه مشرفه وبيطالبنا بفوق طاقتنا بكتير
اعلنا مطلبنا بمنتهي الصراحة
اما يرضخ لمطالبنا ويطالبنا بحاجة مقدور عليها
ويا اما مش هنحضر له تاني
وما هي الا ساعتين من الثورة ولقيناه بيطالب مقابلتنا
وبدانا تفاوض
نقول له مش انت قلت كذا ؟
يقول مين قال كده الي انتم عايزينه نعمله
مطالبه الي كانت فلكية بقت مطالب طبيعية جدا
وعاش نضال الطلبة

جزء من دقعة الثوار - علي فكرة دول نص الدفعه

سيبك من كل الي حصل كفاية احساسنا بالنصر
احساسنا بالثورة
احساسنا اننا دافعنا عن مبدأ
عشان كل الي فات ده بطالبكم تثورا
ثوووووووووووووووووووورواااااااااااااااااااااااااااااااااا
وعلي فكرة الي عايز يثور عشان حرية الرأي والتعبير فيه بكره مظاهره امام نقابة الصحفيين الساعه ستة ونص من اجل التضامن مع عبد الجليل الشرنوبي رئيس تحرير أخوان اون لاين والمطارد حاليا من قبل الامن وخالد حمزة رئيس تحرير أخوان ويب المعتقل حاليا

هناك 3 تعليقات:

البتول يقول...

ثورة غير منظمة تفتكر هتنفع لا هتضر اكتر ما تنفع وان كنت تطالبنا بالثورة ستجدها قريبا ومش هقول لك فين ........ما فعلته مع استاذك حق وفعلته بادب .....ثورة الشعوب تعني كثير من المضار قل طالب بحقك ارفع صوتك به ولاتقل ثورة

maha miho يقول...

شعبنا اللي ربنا يقومه بالسلامة لسه ما اتعلمش ثقافة الثورة اللي بيموت فيها ولاده ويدفع فيها التمن غالي،، آخر ناس كانوا من الفصيلة دي هما اللي ثاروا على السادات ودول كانوا آخر الرجال المحترمين،، اللي جم بعديه فنجرية بؤ،، ماحيليتهمش غير المصمصة والحسبنة وضرب كف بكف،، بقابلهم كتير في المترو والميكروباصات وطابور العيش اللي بشوفه كل يوم في شارع السودان بصبخ وامسي عليه وعلى اللي فيه،،
تعرف انا عايزة اقولهم ايه بعلو صوتي؟
جتكو الأرف (وآسفة فعلا بس مضطرة)

mlkxp يقول...

ايه يا احمد ياعسل الكلام الجااامد ده ، ما تعملنا ثورة ضد بتاع ميكانيكا الكم ينوبك ثواب ، ده احنا غلابة ومش لاقيين حد يقوله لا ، وبعدين ماله الدكتور؟ ده كان رئيس هيئة الطاقة النووية فى مصر ، يعنى ماشاء الله تطلع من تحت ايده وانت شبه مفاعل تشورنبيل بتاع اوكرانيا

شارك مع اصدقائك

Share |