الأحد، 30 مارس، 2008

عاجل الامن يحتجز 3 أخوات

تحديث 4
الاخبار بتقول ان الامن ساب المحامي
يعني كله بخير والحمد لله
---------------------------------------
تحديث 3
صديق لسه راجع من وسط البلد بيقول ان وسط البلد مقلوبة والامن مبهدل الدنيا وبيدور علي اي حد وخلاص
واضح ان احتجاز الاخوات الاربعه كان أحد مظاهر الشد الامني ده
بشائر 6 ابريل ظهرت
البسي يا مصر ثوب الثورة
-----------------------------------
تحديث 2
الاخوات الي كانوا محتجزين كانوا 4 مش 3
هما بخير حاليا بس مفيش اخبار عن المحامي !!!!
-----------------------------------
تحديث :
الاخوات لسه قافلين معايا
هما بيقولوا انهم خرجوا
والمحامي بتاعهم احتجز في نقطة الشرطة !!!!
--------------------------------------
الامن بمحطة مترو التحرير احتجز 3 اخوات لان واحده منهم كانت شايلة فايل عليه لوجوا جماعه الاخوان المسلمين

والثلاثة طلبة بكلية الاعلام ويعلموا صحفيين
في اتصال قالوا ليا ان فيه ضابط امن دولة بيحقق معاهم

هناك 4 تعليقات:

فلسطينية الهوى يقول...

الحمد لله على كل حال

هما كويسين ومعنوياتهم عالية

النجم القادم يقول...

الحمد لله على سلامتهم وانهم رجعوا الى بيتهم سالمين
ولكن النظام يوما بعد يوم يؤكد انه يتدهور وينهار ويزرع مليون مسمار فى نعشه
تحيات لك اخى الحبيب ونتمنى تشريفنا بالزيارة

المـ(همس)ـشاعر يقول...

جزاكم الله خيرا يا أحمد على اهتمامك

حسيت ان ليا 1000 أخ

ربنا يعزكم و يكرمكم يا رب :)

أحمد عبد الفتاح يقول...

فلسطينية الهوي
الحمد لله انهم بخير

النجم القادم
أكيد النظام بيدق المسمار الاخير في نعشه
مدونتك رائعة وشيقة وبعد اذنك انا اضفتها لمجمع يالالاللي التدويني

همس المشاعر
جزانا واياكم يا افندم
احنا اتعلمنا ان الواحد عزيز باخوانه
ومش عارف احكي لكم تفاعل غير الاخوان كان قد ايه مع القضية وبمجرد اتصالي بهم كان فيه مجموعه كبيرة من المحامين الي تصادف انهم ساعتها في وسط البلد كانوا هيتوجهوا ليكم بس كان الموضوع خلص
المهم حمد لله علي السلامة

شارك مع اصدقائك

Share |