السبت، 11 أكتوبر، 2008

الي خلي الأخوان حشاشين يخلي مينا أخوان

الموضوع وما فيه يا جماعة ان خيال جهابزة امن الدولة القابعين في لاظوغلي يثبت كل يوم انه خيال خصب لا ينضب أبدا
فمنذ زمان مثلا كانوا بيقولوا ان كل واحد عنده دقن يبقي اخوان ، وكل واحد بيصلي أخوان ، وكل واحده محجبة أخوان .... الخ
وبشوية قواعد لوزعية من ده قدروا يحصروا الأخوان في يجي 60 مليون مصري وبكده يبقوا حزموا الاخوان ( علي رأي الخواجة كوهين في حسن ومرقص وكوهين )
لكن ذي ما قلنا الخيال الخصب لا ينضب أبدا
فمن موضوع الصلاة والحجاب قرر أصحاب الخيال الخصب ان يجدوا تعريفات وتوصيفات جديدة للأخوان فكانت اخر أفتكاستهم وهي تنظيم الـ 5 جم حشيش
ويسالني سائل أكيد لا يرقي لعبقرية رجال أمن الدولة عشان يسال سوال غبي ذي ده ويقول ليا " يا استاذ أحمد هو اذاي الأخوان يبقوا بتوع حشيش "
وارد علي صديقي ببساطة وأقول له " الي خلي مينا جرجس أخوان يخلي عالم الحديث عبد الرحمن البر تاجر حشيش ومش بعيد كمان يدوه لقب عالم حشيش قريب ، والي خلي الدكتور عبد الحي الفرماوي بتاع طيارت حربية يخلي الـ 5 جم حشيش كمية كافية لاثبات قضية اتجار وتعاطي كمان "
----------------------------------------
علي الهامش :
من اجمل التعليقات التي قراتها عن موضوع الحشيش كانت من الرفيق مينا ذكري ( الاخواني ) حيث ارسل رسالة عبر الجايكو يقول فيها " يقال إن سياسة التحشيش في الجماعة هي من بابا المشاركة لا المغالبة على أساس إن الحشيش مناولة مش مقاولة "
أخر نكتة لسه وصالني حالا من نيابة أمن الدولة فاحد الذين حضروا عرض النيابة مع الدكتور البر قال ان النيابة بتقول ان الحشيش الي لقوه كان بودر ، حد عمره سمع عن حشيش بودر ؟!

هناك 19 تعليقًا:

بن توفيق يقول...

عادى يا ابو حميد

ما اللى خلى مينا اخوان
يخلى الحشيش بودر

يا عمى .. ما انت قلت الخيال خصب لا ينضب

مراقب مصري يقول...

ههههههههههههههه
إنها المسخرة متجسدة

مراقب مصري يقول...
أزال المؤلف هذا التعليق.
مهندس مصري يقول...

هم يضحك و هم يبكي
:)
:(

~*§¦§ Appy §¦§*~ يقول...

هههههههههههههههه

ايوه فيه حشيش بودره بيعملوه من اللبن النيدو على قد سنهم علشان دماغهم خفيفه ههههههههههههههه
والله دول بقوا نكته بجد

دعاء يقول...

ههههههههههههههههههههه

بجد مقدرتش امسك نفسي من الضحك شر البلية ما يضحك

إيه الأفتكاسات الأمنية دي كلها..

أخوان وحشيش وكمان بودر..

وكل ده بخمسة جرام ؟؟ هو الحشيش ده عيار كام 18 ولا 21 طالما بيقسوه بخمسة جرام كده..

بركاوى يقول...

حسبنا الله ونعم الوكيل فيهم

اللهم عليك بالظالمين

محمود سعيد يقول...

هنا تقع قضية مهمة جداً نسيها الجهابذة

يا ترى الحشيش ده أفغانى ولا جنسيات أخرى


مش بعيد يكون الإخوان بيستوردوا حشيش من بن لادن

حد عارف يا جدع

أبو أسامة - مدونة كباية شاي يقول...

يا عم الحاج أنا قلتها لمينا ذكري في المدونة بتاعته

لو طلع خبر انسحابه من الإخوان ده بجد مش تقية أنا هسيب الإخوان أنا كمان

هو ده كلام

بقى مينا ذكري ينسحب من الإخوان وأنا لأ ؟

wa7da masrya يقول...

و ليه لا....بعيد عن امن الدولة و غباءهم و قذارتهم أحب أقول أنني لا أستبعد ان يكون بعض الإخوان حشاشين أو تجار مخدرات ... مين هم الإخوان اصلا ...هو فيه تعريف أو مواصفات ...قابلت في حياتي كثيرون ممن ظننتهم مش حشاشين و طلعوا حشاشين
مين عارف
الإخوان ليسوا ملائكة و مش شياطين برضة هم بشر

أحمد عبد الفتاح يقول...

بن توفيق
وهو نفسه الخيال الي خلي الفرماوي من كبار مصصمي الطيارات الحربية من غير طيار

أحمد عبد الفتاح يقول...

مراقب مصري
ده اسمها المسخرة متمسخرة مش متجسدة

أحمد عبد الفتاح يقول...

مهندس مصري
ده بقه الهم الي يفطش من الضحك مش يضحك بس

أحمد عبد الفتاح يقول...

ابي
اوعي تكوني بتحطيةانا بحب البودرة ده علي النسكافية الصبح لان ده بيعمل دماغ جامدة قوووووووي

أحمد عبد الفتاح يقول...

دعاء
ما ده الحشيش الي بيقولوا عليه الحشيش الذي لا يقدر بولعة
يعني بتاخد كده من غير نار ولا لف
ذيه ذي الهيروين يعني

أحمد عبد الفتاح يقول...

بركاوي
اللهم ما أمين

أحمد عبد الفتاح يقول...

محمود سعيد
وحشتني تعليقاتك الساخرة متعود منك علي تعليقات تنظيرة متقعرة
بس انا شايف ان الحشيش ده كان حشيش مصري علي ابوه من منطلق ان الاخوان بيشجعوا النتج الوطني وبيحرضوا علي المقاطعة

أحمد عبد الفتاح يقول...

ابو اسامة
عندك عنوان المنيل تبعت عليه الاستقالة ولا تحب اتبه ليك هنا ؟

أحمد عبد الفتاح يقول...

واحدة مصرية
ان لم تخني الزاكرة فده تعليقك الاول علي مدونتي المتواضعة وده بالناكيد شرف كبير
انا مقلتش ان الاخوان منزهين عن الاخطاء
مش عايز اقول لك اني اعرف أخوان بيعلموا حاجات قريبة شوية من موضوع الحشيش ده بس ده شواذ القاعدة
لكن دعونا نتفق ان الاخوان يطبق عليهم كل القواعد التي تنطبق علي الجنس البشري
بس الي اتلفق ليه الحشيش ده دكتور في الحديث وعالم جليل ده اولا ثانيا هل يعقل ان حد يتعاطي او يتاجر ب 5 جم حشيش ؟
التلفيقة مضحكة قوي ولا اعني ابدا من كلامي ان الاخوان منذهين عما يقترفه البشر من خطايا
تحياتي

شارك مع اصدقائك

Share |