الثلاثاء، 20 مايو 2008

بزمتكم ده ورقة أمتحان ؟



حاجه بجد تجيب الضغط

حد يصدق ان قصاصة الورق الي صورتها فوق ده هي ورقة الامتحان بتاع طلبة في كلية محترمة لا وايه سنة رابعة يعني بكارليوس ؟

اتفرجوا وملوا عينكم من الورقة

ده ورقة الامتحان الي هي امتحان التيرم التاني للفرقة الرابعة من كلية ما في جامعة الازهر في مادة القران الكريم

حد بقه يسالني هي ليه مكتوبة بخط الايد هو الكمبيوتر موصلش الجامعه ؟

هرد عليه واقول والله الجامعة جايبة في مكتب كل دكتور كمبيوتر وبرنتر بس تقول ايه بقه

حد تاني يسالني هي ايه السنة الرابعة الي مكتوبة فوق ده ؟

هقول له أكيد كان قصده الفرقة الرابعة بس واضح ان الي كتب الامتحان مكنش فاضي وكان مستعجل حبتين

حد يسال هو فين زمن لامتحان ؟ مش مكتوب عالورقة

هقول له عادي هي جت علي ده انت مش واخد بالك من الشخبطة الي في الورقة واللخبطة ولكلام الي ماشي بمزاجة والجمل الي بادئه من نص السطر ومن اخره وارقام الاسئلة الي مش باينه والسوال رقم 5 الي مكتوب 2

عادي يعني

واحنا اصلا تاعبين اعصابنا ليه

هي جت علي ورقة أمتحان ؟

هناك 10 تعليقات:

Bella يقول...

ايه السخافة دي؟؟

لا مكتوب جامعة ايه ولا اي حاجة

ثم افم يعني الدكتور يكتب بخطه لما يكون خطه حلو

ولو ان الناس خلاص بطلت تكتب بخطها خصوصا الامتحانات

منتهي الاستهتار

جبهة التهييس الشعبية يقول...

هههههههههههههههههههههههههههههه
هههههههههههههههههههههه
ممكن يكون الدكتور كان عنده اسهال وقاعد في الحمام ودخلوا له الورقة وهو جوة
ههههههههههههههههههههه

أحمد عبد الفتاح يقول...

بيلا
الحق يقال انا شايل سطر من الورقة عشان الامنيات وكده كان مكتوب فيه اسم الجامعة واسم المادة بس
لكن بالنسبة للخط فانا اعتقد ان الدكتور الجهبز فاكر نفسه خطاطاالجامعة
حتي لو كده السوال ادارة الجامهعة تسكت عليه ليه ؟

أحمد عبد الفتاح يقول...

عارفين يا جماعه احلي حاجه في بتوع برج الميزان امثالي انا ونوارة اننا دايما بنفسر الحاجات تفسير علمي فسالتوتي صحيح
وفسالوتي ده اقتباس من الزعيم عادل امام في مسرحية الزعيم
المهم بقه اني بعد تفكير وتمحيص لقيت ان التفسير الفسالوتي بتاع نوارة هو ممكن يكون التفسير الوحيد للورقة الي متخلقتش قبل كده ده

Taha يقول...

معلش هو القران بيتكتب بخط الايد كده ..؟؟ لا تشكيل ولاالتزام بنص المصحف؟ وبيتشطب على الكلمه وبيتكتب فوقيها ..؟؟ والله ده لو خطاب للريس مش هيرضى يعمله بالاهمال ده..

والانكى .. ان ده طالع ممن يظن فيهم الغيره على الدين

مصعب رجب يقول...

وكم ذا بمصر من المضحكات
ولكنه ضحك كالبكاء

أحمد عبد الفتاح يقول...

طه
منا قلت لك
هي جت علي ورقة الاسئلة ؟
ربنا يرحمنا برحمته

أحمد عبد الفتاح يقول...

ابو أسامة
والله بعتقد ان ده من اهم الكلمات الي اتقالت في وصف مصر
كل ما اشوف حاجه في البلد ده تقريبا بلاقي نفسي بقول الكلمة ده

أحمد عبد الفتاح يقول...

طه تاني
مدونتك فاضية يا معلم
يله شد حيلك عايزنها تتملي
انا ضفتها عندي عالجوجل ريدر اول ما تنزل حاجه هقراها علي طول
بس انت نزل
مرحبا بك في عالم التدوين ياريس

Zika يقول...

اه دول كلية علوم
اومال يعني هم ليه يعني كلهم لابسين نضارات
ماهو من كده

شارك مع اصدقائك

Share |