الجمعة، 9 مايو 2008

جمعية ضحايا الفيس بوك

أحمد ماهر
شاب معرفهوش ولا عمري شوفته
بس الي اعرفه انه من نشطاء جروب 6 ابريل ومن أحد موسسيه
أحمد اتخطف واضرب وكان كل هدف الي خطفوه باس ورد اكونت الفيس بوك
هاه يا شباب ؟ هنعمل ايه ؟
حده عنده اقتراحات ؟
انا بقول اننا ممكن نعل جمعية اسمها جمعية ضحايا الفيس بوك

واه نقدر نعدد علي حالنا وعلي الي وصلنا له مع بعض
بدل ما كل واحد فينا قاعد يعدد علي مدونته وعلي اكونته عالفيس بوك
حمد لله عالسلامه يا أحمد ويارب يكون الي حصل لك ده سبب ان الناس تتحرك
رغم اني اشك ان بقه فيه حاجه ممكن تحرك جبل التلج الي احنا عايشين فيه ده ( واخده بالك يا نوارة مقلتش كورة ثلج اهه)

هناك 4 تعليقات:

Bella يقول...

حلوة الفكرة دي يااحمد

يبقى اعمل جروب على الفيس بوك وننشر الجروب بين اللى نعرفهم

طيب والجمعية دي يتم اشهارها ازاي؟؟

AHMED SAMIR يقول...

aمفيش فايدة
مفيش فايدة
مفيش فايدة
مفيش فايدة

دعاء يقول...

والله الواحد حاسس انه بيتخنق..لما كل ده يحصل وكل ألي في أيدنا نعمل جروب لضحايانا .. باين علينا متنا واحنا مش واخدين بالنا علشان كده محدش راضي يتحرك لان الأموات مبيتحركوش احنا احسن بجانب جمعيو ضحايا الفيس بوك نعمل كمان جميعة للموتى الاحياء ألي كلنا بقينا منهم..

غير معرف يقول...

الأستاذ لاللي

إسمح لي بأن أحل ضيفا عليك بعد أن ضاقت بنا الجبهة و انزوى العقل و يحل محله السباب.
إسمح لي أن أورد هنا تجربة تستحق الإشادة و ربما المحاكاة بدلا من لطم الخدود و شق الجيوب الذي أصبح النشاط الأساسي للمدونين بعد 4 مايو.
http://elbayomy.blogspot.com/2008/05/blog-post.html

أشكرك

شارك مع اصدقائك

Share |