الخميس، 20 ديسمبر، 2007

;ل سنة ويالالاللي طيبة


صورة لمدونتي الاولي علي مكتوب وقد ظهرعليها اعلان الانتقال لمدونة بلوج اسبوت
النهرده 21\12 وده عيد مدونتي وبنوتي الصغيرة يالالاللي
من سنة بالضبط كان بدايتها علي موقع مكتوب واتنقلت بعد كده ب 3 شهور الي بلوج اسبوت
سنة عيشتها مع يالالاللي كانت من اغرب سنين عمري واكثرها ثراءا
سنة بخيرها وشرها وحلوها ومرها كانت دائما يالالاللي هي لسان حالي واحيانا ملجائي الوحيد من تقلبات الايام والزمن
من 365 يوم بالضبط قررت ادون
قررت ليه ؟
مش عارف الي عارفه انه كان يوم عيد الاضحي الي فات ويوم اعدام صدام حسين وكانت اول تدوينة ليا تسجيل فيديو لاعدام صدام ثم توالت التدوينات
ايه الي خلاني اسيب عيلتي اول يوم العيد واقعد اتعك في المدونة ده ؟
مش عارف بس حسيت انه لازم ادون دلوقت وانه ان الاوان للمارد ان يتحرر واني اتكلم
اتكلمت واتكلمت واتكلمت لغاية لما بقت شغلتي هي الكلام - الي بيسموها الصحافة -
النهرده عيد ميلاد بنوتي الصغيرة لسه فاكر كويس اليوم الي بلوج اسبوت عملت مدونتي سبام وقعدت 3 ايام مش عارف ادون
كنت هتجنن
حاسس ان بنتي عيانه واني لازم اتصرف
لغاية لما الاسبام اتفك ورجعت يالالاللي الي طبيعتها
كنت حاسس اني في يالالاللي ذي فنان المسرح الي بيمثل قدام جمهور كبيييييييير ولازم يقدم لهم احسن حاجه عنده
وكنت بحس وانا جوه الداش بورد بتاعتها اني جوه الكواليس بضبط الاضائة والملابس وكل حاجه
وبعمل بروفات كمان
سنة فاتت كتبت فيها 204 بوست في كل حاجه من اول الدين والسياسة والفن والتهييس ولغاية الكلام الي ملوش معني
المهم اني كنت بكتب وكل ما اكتب بحس اني طلعت خطوه لقدام
كل تعليق جالي عالمدونة كان ليه عندي اهمية خاصة سواء كان شتيمة ولا مدح المهم انه راي بني ادم وده اكيد اتعمت منه شئ
مش هقول لاكتر من 32 الف زائر شكرا وبس
لا انا هحاول اترجم الشكر ده لشئ عملي
الاسبوع ده هخصصه لنشر احلي التدوينات الي نشرتها قبل كده واعيد اكتشافها وعايزكم تعيدوا اكتشافها معايا لاني بحس ان التدوينات ده مهمه جداااااااااااااا
كل سنة وانتي طيبة يالالاللي
كل سنة وبنتوتي بالف صحة وسلامة وخير
كل سنة وهي احل مدونة في احلي بلد
مصر
علي الهامش
سوال ونفسي الاقي ليه حل
لما جيت اكتب التدوينة ده فتحت مدونتي القديمة علي مكتوب عشان اجيب منها لينكات وصور وكنت مفتحتهاش من زمان جدا
صعقت بحاجه ان عداد الزوار هناك بيقول انه دخل 29 الف المدونة وانا كنت سايبها 10 الالاف بس بالرغم من اني منزلتش فيها اي حاجه من مارس الي فات
لو حد ليه جواب عاللغز ده ياريت يجاوبني

هناك 18 تعليقًا:

zenzana يقول...

مبروك يا أستاذ عقبال مائة سنة

انا عن نفسي بحب تدوينة جدك جداااااااا وقريتها حوالي اربع مرات هنا

لكن في تدوينة انت لسه مكتبتهاش وعجباني جدا مقدما انت عارف طبعا هي عن مين؟ :)

وكمان التدوينة اللي كتبتها عن مقابلة المجموعة في سوق الحميدية ههههههه وقلت عني أستاذة خخخ من بكرة تقولي أستاذة تانى وتحترم نفسك
أيدك ع الروبع المخروم
:)

البتول يقول...

تدونتك عن جدك جميلة لانها تخصني دينة لله يخرب بيت النظافة مش عجباني ولكني شنيت عليك حربا ضروس وهناك اشياء لم تعجبني وعلقت عليها وقتهاواشياء اعجبتني اعجبتني كل ما تم تدوينه بالصوت والصورة او بالكاميرا ولكن هناك مجالات اتمني ان تتناولها كمعهد الاورام زيارات حية هناك ملاجيء الايتام اشياء لها علاقة بالجانب الانساني الناس تتعرف علي مشاكل حيه وحلول عملية وكده ولكني سعيدة بمرور سنة علي المدونة انجزت اشياء اعتبرها مهمة جدا وبنوته بنوته... حاجه كويسة في معسكر الرجال اللي هوه منزلنا

البتول يقول...

تنبات انها ستكون تاريخ افتتاح المدونة وكان صحيحا ولكن لعلمك لو فتحت مدونة ونفست حضرتك وده اكيد هيحصل وهتشوف بس انت السبب مش عاوز تفتح لي مدونة خايف من المنافسة كان عبيد اختار لها اسم نسيته وقلنا هنكتب انا وعبيد فريق اكيد هنخطف منك القراء ده اكيد وهيكون دمها اخف لان عبيد دمه خفيف ا الله ربنا يوفق الجميع

المصري افندي يقول...

ايه يا عم احمد فين الاحتفالات و ضرب النار وال21 طلقة
ع العموم كل سنة و يالاليك طيبة وعقبال التدوينة المليونية

Bella يقول...

كل سنة والمدونة طيبة بيك
ويارب تحقق كل احلامك
وتحتفل بالعيد المائة للمدونة وانت بخير وصحة وسعادة

أحمد عبد الفتاح يقول...

راندا
الله يبارك فيكي
وعقبالك
علي فكره عيد ميلاد مدونة راندا الاول الشهر الجاي
مش عارف والله يا راندا انتي بتككلمي عن انهي تدوينة الي لسه مكتبتهاش ده
والربع المخروم هحوله علي حسابك في البنك حالا

أحمد عبد الفتاح يقول...

البتول العزيزة
دائما اقول عندما تتحدث الكاميرا تسكت الالسنة والاقلام
اوعدك ان المدونة هتجيب جديد
بس مش دايما هيعجبك
عند بقه ووش بيغمز

أحمد عبد الفتاح يقول...

الزعيم المصري افندي المدون وناشر الكتب الكبير
الطلق هيشتغل حالا متقلقش

أحمد عبد الفتاح يقول...

الزعيم المصري افندي المدون وناشر الكتب الكبير
الطلق هيشتغل حالا متقلقش

أحمد عبد الفتاح يقول...

المدونة العظيمة بيلا عندنا ؟!
أنا مش مصدق شاشتي
ده زيارة عزيزة جدا
ومتشكر قوي عالتهنئة الرقيقة ده

عبدالرحمن فارس يقول...

كل سنه وانت والمدونه متألقين

مزيد من التقدم

إسلام ناجح يقول...

ههههههه
كل سنة وانت و"يالالاللي" طيبين
وعقبال ميت سنة :)

ذو النون المصري يقول...

باركتلي علي الخطوبه اقوم اجي الاقيك بتحتفل بعيد ميلاد البنوته يالالالي
الله يبارك لك في مدونتك و تعيش معاها و تدون فيها 100 سنه
تعرف ا المدونات عمرها اطول من اعمارنا و انه لازم نكتب فيها حسناتنا
انا حسيت بده لما وضعت لينك اول مدونه متوفاه "شيماء "عندي في المفضلات بعد ما ماتت و بعدين وضعت اتنين غيرها
و حسيت بيه في كلامك
لما قلت ان العداد زايد 19 الف
اكيد ده بيؤكد علي كلامي
انت كتبت فيها حسنات و العداد شغال و انت و لا تعرف عن العداد حاجه
الله اعلم ممكن التدوين ده مكاسبه توصل بينا لحد فين
يارب علي الجنه
كل سنه و انت طيب

أحمد عبد الفتاح يقول...

المدون الجميل عبد الرحمن فارس
وانت طيب يا زعيم
ز\واه انت الي عقبال ميت سنة

أحمد عبد الفتاح يقول...

اسلام ناجح هنا ؟
يامرحبا بهواء الجنوب الساخن
وحشني مووووووووت يا واد
والله انا عارف اني مقصر
بس ده الطبيعي بتاعي
وحشني ومتشكر قوي عالتهنئة الجميلة ده

أحمد عبد الفتاح يقول...

الجميل ذو النون
كالعادة كلامك جميل وموثر ومبحر في الاعماق
معاك حق اعمار مدونتنا اطول مننا لان ببساطة الافكار لا تموت لكن البشر بيموت
مبروك تاني يا سقراط المدونين
ومتقطعش الزيارات

maha miho يقول...
أزال المؤلف هذا التعليق.
maha miho يقول...

أحمد..أحمد..أحمد
ألف وألفين مبروك، وانا متأكدة انه شعور جميل لما يبقى معاك حاجة صغنونة أد كده تشوفها بتكبر معاك لمدة سنة وتبقى آااااد كده
انت وصفتها إنها زي بنوتك الصغيرة وانا شايفاها حلم صغير، مين عارف ما يمكن البلوج ده يقلب نشرة خاصة بيك، يمكن يقلب محطة إذاعية، ويقلب زي ما يقلب يا سيدي المهم تبقى حاسس برضى وإنجاز
أحمد.. كل سنة وانت طيب،، كل سنة وانت مدون،، كل سنة ومدونتك تتربي ف عزه حماده عزو

شارك مع اصدقائك

Share |