الخميس، 6 ديسمبر، 2007

هو ليه الناس معجبه بهي فوضي ؟

بعد ضجة كبيرة حول الفيلم كان لازم ادخله وبالفعل دخلته عشان اتفرج عليه
الفيلم عامة من ناحية الصناعه السينمائية واقع لدرجة كبيرة
السيناريو مفكك والاخراج اي كلام وباين ان الفيلم اتعمل بسرعه
بس السوال هي ليه الناس وانا واحد منهم معجبين بالفيلم
اقولك انا
الموضوع سهل
اول ما يبتدي الفيلم هتشوف مشاهد من مظاهراة القضاة
تلقائيا هتلاقي نفسك بتدور علي نفسك وسط زحمة المتظاهرين ووسط الضرب
انا حصل معايا كده
اول ما شوفت المنظر تحسست ظهري مكان ما كانت عصاية عسكري الامن المركزي معلمه علي ظهري بعد المظاهرة
وتمر بيك احداث الفيلم وتشوف امين الشرطة حاتم الي كل واحد مننا بيعاني علاقل من 10 حاتم في اليوم
الواقعية الي في الفيلم والي كانت ممكن تبقي احسن كتير لو الفيلم استوي علي نار اهدي هي سر نجاح فيلم
الفيلم جه علي جرح كل مصري
وصدقني هتخرج من الفيلم بعد ما هتعيط من قلبك وهتضحك من قلبك وهتفتكر احلي زكريات - ده لو طبعا انت من الثورجية اياهم -
وقبل ما انسي تحية كبيرة جدا للموسيقس التصورية وللاسف ملحقتش المح اسم الي عاملها
وصدقوني
الي ملوش خير في حاتم ملوش خير في مصر

هناك 3 تعليقات:

مينا زكري يقول...

حلوة يا باشا
هتخليني أروح أحضر الفيلم الواقع ده بعد ما كنت مقرر أنفض له

مقاومة يقول...

عنديش فكرة بصراحة عن موضوع السينما في الفيلم هل هي واقعة ولا واقفة ، انا فعلا زيك بالظبط اول ما شفت مشاهد مظاهرات القضاة فرحت اوي و كنت بدور على نفسي ومش هايحس بالفيلم دة اوي غير اللي كان ثورجي فعلا ونزل ايامها ... الفيلم عجبني اووووي و حبيته وبعتبره اول فيلم ناجح تجاريا وفنيا بالنسبالي لانه اول فيلم سينمائي اتفرج عليه و احس انه بيلمس عمق أحداث ومشاعر الشعب المصري

المجاهد يقول...

انا شايف انة فتح مجالات جديده للنقد وفتح مساحات جديدة للنقد

شارك مع اصدقائك

Share |