الجمعة، 25 أبريل 2008

قبل أن تحاكموا اسراء


أسراء المفتري عليها ... أم الخائنة ؟؟؟
خرجت اسراء من السجن
ومع خروجها من السجن نصبت لها المحكام
كل يحكام اسراء والاسباب لا تعد ولا تحصي فكلا وله اسبابه
من يوم ما خرجت اسراء من السجن والجميع انقسم لفريقين
فريق لا زال يري في اسراء الرمز والبطل والزعيمة الملهمة وانها يجب عيها ان تكمل طريق الثورة
وفريق يري انها خائنة وعميلة ومش بعيد كمان تكون باعت نفسها للامن جوه السجن وخرجت منه عصفورة كبيرة
فريق قال ان اسراء الان وبعد تصريحتها المتكررة انها لن تقرب الفيس بوك ابدا وانها لا علاقة لها ب 6 ابريل انها مجرد مصدومة من السجن وانها حبة وهتهدي وترجع لثورتها
وفريق قال ان السجن اظهرها علي حقيقتها
والغريب في لامر ان الفريقين معا هم من انشأوا عشرات المجموعات عالفيس بوك هدفها الدفاع عن اسراء
الفريقين معا هم من اتحفونا باخبار اسراء وان مش فاكر كام واحد تقدم لخطبتها وان اسراء هي المرشحة لرئاسة الجمهورية ...الخ
ولكن اليوم وبعد خروج اسراء
وبعد فيديو القاهره اليوم ذائع الصيت - بالمناسبة وصلني اكثر من 10 مرات عالفيس بوك ولسه مشفتهوش ومش ناوي - الكل انقسم الي قريقين
كل فريق اقام محكمة اسراء
اليوم استيقظت علي احدي رسائل التويتر صاحبها يستهجن قول اسراء انها كانت تاكل احسن اكل في السجن وقال ان فيه ناس طالع عينيها عشان تلاقي بلاطة تنام عليها في السجن - وده طبعا بعد تعديل الفاظ الرسالة البذيئة للغاية -
وفي ظل هذا الكلام الي رايح جاي عن اسراء انا كان ليا راي بسيط حابب اوضحه للجميع
اولا أحب افكر الجميع ان كل من تحدث عن نجاح اضارب 6 ابريل - وانا واحد منهم - كنا نتحدث ان الاضراب جاء بعيدا عن القوالب القديمة بتاعه الزعيم الملهم وبعيد حتي عن فكرة الحركة السياسية الاقوي والاكبر في الشارع المصري
كان اضراب فوضوي لا زعيم له ولا مجموعه تحركه
مجرد شباب قرر يضرب وخلاص
وحتي مجموعات الفيس بوك الي قرفتنا بيها وسائل الاعلام الايام الاخيرة كانت مجموعت بتستجيب للدعوة الي وصلتهم بمليون طريقة
ثانيا اسراء نفسها لم تقل يوم انها زعيمة او انها مناضلة او انها الي هتحرر مصر من براثن الحكم المباركي الغاشم
اسراء مجرد فتاة حلمت بالحرية وسعت ليها بطريقتها
بس هي في الاخر فتاة بسيطة ليها طاقتها وقدرتها الي مش هنزايد عليها
اسراء وهي في المحكمة نفت ان تكون هي زعيمة الاضراب وقالت انها مجرد عضو للجروب عجبتها الفكرة
وعلي فكرة برده ووفق قدراتي المحدودة علي الفيس بوك لم اجد مجموعه من المجاميع الداعية لاضراب 6 ابريل اسراء ادمين ليها - اي منشأة لها -
ثالثا وده قطة مهمة قوي
أحد اهم امراض المجتمع السايسي المصري هي المزايدة
يعني يطلعوا الاخوان يقولوا احنا الاكبر والاكثر ... الخ ويطلع غيرهم يقولوا لا احنا الاقدم والاعظم ... الخ
ويطلع واحد ويقول انا الي عملت وسويت وغيره لا انا الي قليت وشويت وكلام من ده كتييييييييييرررررررررررررر
وفي الاخر المحلصلة لا شئ مزيد من المزايدة وبس
من الاخر
اسراء بنت مصرية بسيطة
عملت الي عليها وزيادة 4 حبات
وقدمت لمصر الي رجالة بشنبات معرفوش يقدموه
الدور والباقي بقه علي باقي ال 80 مليون مصري
ياريت نسيب اسراء في حالها وندور علي مشاكلنا احنا ونصلحها
وندور علي الي ممكن نقدمه للبلد ده
اما بالنسبة لاسراء احب اكرر كلمة قلتها من فترة وهي انا برده بحبك يا اسراء

هناك 5 تعليقات:

Ahmed Shokeir يقول...

ده الجروب اللي انشأته إسراء
جروب إضراب 6 أبريل

وتستطيع مشاهدته لو ليك حساب على الفيس بوك ، ومشترك فيه ثلاثة وسبعون ألف وظاهر فيه انها الادمين وهي اللي انشأته وإن كانت المقدمة تغيرت والإيميل الخاص بالإتصال تغير من إيميل إسراء إلى ماهر

أحمد عبد الفتاح يقول...

العزيز احمد شقير
شاكر ليك جدا عاللينك
بس فيه ملاحظة الجروب ده بيعمل دعوه دلوقت لاضراب 4 مايو في حين ان اسراء في تصريح ليها اليوم قالتا انا مليش دعوه ب 4 مايو ومسمعتش عنه ومش هسمع عنه ومش هشارك فيه
ممكن تشوف التصريح ده هنا
http://www.almasry-alyoum.com/article.aspx?ArticleID=102715
علي كل
كل ده لا ينقص من دور اسراء الفعال جدا
والمشكورة عليه جدا
وذي ما قلت في اخر بوستي الي عملته اسارء يخليني اقول من كل قلبي انا كمان بحبك يا اسراء
وعلي فكرة اسمك يتشابه مع اسم احد اقاربي الي بحبهم جدا بس هو للاسف مريض
ادعي له بالشفاء وربنا يعافيك ويعافينا من كل مرض

Ahmed Shokeir يقول...

أبو حميد

مش عايز النقطة دي تطغى على بوستك القيم ووجهة نظرك في الموضوع

لكن زي ماوضحت في تعليقي أنه تم تغيير المقدمة في الجروب لأن المقدمة كانت قبل كده من إسراء وهيا بتقول أنها فكرت في عمل الجروب ده دعوة للإضراب المتزامن مع إضراب المحلة بعد ماعرفت من ده من خلال رسائل المحمول ، وكان الإيميل بتاعها موجود ومنه إستقيت الإسم الأخير في إسمها بالكامل في تدوينتي في 6 أبريل

لكن اللي ماينفعش يتغير إسم الجروب وده واضح في عنوان الجروب اللي زي ماهو

وانا يمكن نوهت للموضوع ده قبل مايتردد إسم إسراء خالص في الإعلام يوم 6أبريل وحذرت ان الموضوع أكبر منها

تدوينة يوم 6 أبريل

آسف للإطالة وتحياتي

غير معرف يقول...

انا مع احمد ياجماعة الله اعلم بطروف اسراء يجب ان نلتمس لها العذر وان ندعها تحيا فيهدوء هي اكيد لم تكن تتوقع ما حدث لها وما اصابها واهلها خففوا عنها وخفوا عليها قامت بدور صفق الناس لها وشجعوها ثم تحملت بمفردها نمما لا يعلمه الا الله ان احبت ان تعتزل ندعها في هدوءمن يلوم عليها يرينا ماذا فعل هو وباقول لك برضه انا بحبك في الله يا اسراء

جبهة التهييس الشعبية يقول...

والله يا احمد ما كنت قريت البوست ده لما كتبت البوست بتاعي
بس الظاهر توارد خواطر ما بين برج الميزان
:)

شارك مع اصدقائك

Share |