الخميس، 17 أبريل، 2008

رأي أمي في العسكرية



اولا انا هقول لكم سر
وهو ان امي بتعلق علي مدونتي من زمان باسم البتول
والسر ده تقريبا محدش يعرفه الا انا وامي ويجي 40 الف واحد من زوار المدونة
بس الباقي لا
والدتي علقت علي البوست الي فات والي كان عن المحكمة العسكرية والي كان تحت عنوان آه آه يا مصر و آه آه يا مصر ... لسه فيكي سجون وقصر وقالت كلام انا شايفه مهم قوي
اسيبكم مع رأي والدتي
" حب مصر شيء بيجري في دمنا ليس عار نخفيه ولنا في رسول الله اسوة حسنه وانك يامصر لاحب البلاد الي قلبي ولولا ان اهلك اخرجوني منك ما خرجت منك ابدا ... ونحن مش هنفارق مش هنسيب .
عارف لما عرفت الحكم كنت حاسه اني مخنوقه مش قادره اتنفس وعندما هدات نفسي بعد قليل قلت هم اهل البلاء والصبر اصطفاهم الله ليوفيهم اجورهم بغير حساب وتحول الحزن الي غبطه لهم ولاهاليهم وسالت الله لهم الثيات.... انما يوفي الصابرون اجرهم بغير حساب وانا احسبهم كذلك ولا اذكي علي الله احد ... وتبدلت نطرتي للامور واشفقت علي كل ظالم شارك في تلك المهزله ماذا سيقول لله عز وجل يوم يقف بين يديه تحت عرش الرحمن ما حجته انهم احبوا هذا البلد انهم عملوا باخلاص من اجلها انهم عشقوا الصدق انهم لم يخونوا لم يسرقواانهم شرفاء ان الظالم هو الذي يستحق الشفقه اين يفر يوم العرض وعلي رءوس الخلائق سيعرف الطالمون اي منقلب ينقلبون من منا الذي يستحق ان نبكي لاجله ....تقولون يوم بكت فيه مصر علي الظالم ام المظلوم اري ان المظلوم هو الذي يستحق ان نبكي من اجله لانه منا ولكن زلت به القدم عمي بصره وبصيرته اما المظوم فهو يؤمن بما يفعل يؤمن ان ما يقدم فداء لله ورسوله وان ذلك سنة الانبياء الابتلاء وان الدنيا دار بلاء وامتحان وان الله يريد ان يعلي مكانتهم ليمييز الله الخبيث من الطيب ورايت انهم يستحقون ان نغبطهم ونسال الله لهم ولاهلهم التثبيت وان يجعل ابتلائهم في ميزان حسناتهم .

ونقول مع كل هذا حسبنا الله ونعم الوكيل حسبنا الله ونعم الوكيل علي كل ظالم هنا في مصر وهناك في غزة وعلي كل من شارك بصمته فيما يحدث لاخواننا ."
بس خلاص كلامها خلص هنا


هناك 9 تعليقات:

مـحـمـد مـفـيـد يقول...

الله اكبر
دي وراثه بقي يا عم احمد
وانا اقول الواد طالع لمين

إسلام ناجح يقول...

أنا شايف إن مصر بكت على نفسها، إنها اتحرمت من أحسن ولادها
واحنا بنبكي على نفسنا إننا اتحرمنا منهم
إن أولادهم الصغيرين اتحرموا من حنانهم
إن طلابهم اتحرموا من علمهم
بنغبطهم آه على ابتلاء الله واصطفائه ليهم
لكن مش لازم البلد تتحرم منهم
....
حسبنا الله ونعم الوكيل

abo malek يقول...

السلام عليكم

أولا حاجة
نيالك يا أستاذ أحمد بالست الوالدة
ونيال الست الوالدة بيك
والدتك مثال للأم المجاهدة ما شاء الله

.......


ثانيا :
أنا بجد مستغرب من حجم الذهول اللي أصاب أبناء الاخوان المسلمين وأهالى المعتقلين من الحكم العسكري

أكثر حكم كان سبع سنوات

يعنى ولا حاجة ده عندنا أسرى محكوم عليهم 45 مؤبد و500 سنة
ولم ينصدم ولا ايشى

لانو هادى ضريبة الدين والاسلام والطريق كانت واضحة من البداية ،
طيب إن كان استشهدوا كنتوا راح تعملوا ايه ..
" أيحسب الناس ان نصر الدين مجانا "

والرسول صلى الله عليه وسلم قال " ألا إن سلعة الله غالية ، ألا إن سلعة الله الجنة "

فالمقصود من الكلام انو ده أقل شئ ممكن انو الانسان يقدمه فإن تفاجئتم بالحكم فهذا يعني أن هؤلاء أكثر ناس قدموا في سبيل الدين ومعناه أن باقى الناس لم تقدم شئ بعد

فكان اللازم انو تشدوا حيلكم شوي وتغيروا الاستراتيجية اللي بتتعاملوا فيها مع نظام "حسني مبارك " هذا النظام الكافر الذي يحارب الاسلام وتبدأوا بالعمل العسكري ضده خصوصا ان المسلمين في مصر قد عرفوا الحق من الباطل وسيقفون معكم بإذن الله

.................................
يا ظلام السجن خيّم إننا نهوى الظلاما

ليس بعد الليل إلا فجرَ مجدٍ يتسامى

إيه يا أرضَ الفخارِ يا مقّر المخلصينا

قد هبطناكِ شبابًا لا يهابون المنونا

وتعاهدنا جميعًا يومَ اقسمنا اليمينا

لن نخون العهدَ يومًا واتخذنا الصدقَ دينًا


.......

Hosam Yahia حسام يحى يقول...

ماشاء الله

وراء كل عظيم امراه

أحمد عبد الفتاح يقول...

مفيد باشا
ابن الوز عوام يا ريس
بس المصيبة يا مفيد يبقي ابن الريس ريس

أحمد عبد الفتاح يقول...

اسلام بيه
أكيد مصر بكت علي نفسها
بس يا تري حد بيسمع للبكاء ده ؟

أحمد عبد الفتاح يقول...

ابو مالك
كلامك فيه حاجات كتير كويسة
بس فيه نقطة لازم اعلق عليها وهي وصفك للنظام بالكافر انا ارفض تماما ان حد يوصف حد بالكفر
وممكن ارجعك لتدوينة قديمة لديا بتكلم فيها عن الموضوع ده
علي اللينك ده
http://yalally.blogspot.com/2007/06/blog-post_24.html

أحمد عبد الفتاح يقول...

الريس حسام
وراء ولا قام مش فارقه
بس السوال
هو فين العظيم ده اصلا ؟

abo malek يقول...

بسم الله الرحمن الرحيم

{وَمَنْ لَمْ يَحْكُمْ بِمَا أَنزَلَ اللَّهُ فَأُوْلَئِكَ هُمْ الْكَافِرُونَ}


{وَمَنْ لَمْ يَحْكُمْ بِمَا أَنزَلَ اللَّهُ فَأُوْلَئِكَ هُمْ الظَّالِمُونَ}


{وَمَنْ لَمْ يَحْكُمْ بِمَا أَنزَلَ اللَّهُ فَأُوْلَئِكَ هُمْ الْفَاسِقُونَ}



السؤال هل الأحكام العسكرية حكم بما أنزل الله ؟؟!!

وهل مصر تحكم بحكم الله ؟؟!!

شارك مع اصدقائك

Share |