الجمعة، 25 أبريل 2008

بيان رقم واحد من مجلس قيادة الثورة الحلاونية


ايها الواطنون الكرام
لقد مرت بلادنا ( حلوان ) بايام عصيبة عانت فيها الامرين من الاحتلال القاهري لها
وتدخل القاهريين الاجانب في شؤن بلدنا الحبيب حلوان
ولما كان استقلال بلدنا وسلامة اراضيه - من اول مايو ولحاد المعصرة مرورا بمنتصر والدواجن - هو أحد اهم احلام المواطن الحولاني
ولما كان لحلوان تقافتها الخاصة - من اول كبرتاج حلوان ولحاد قسم حسين فهمي مرورا بقهوة دهب -
ولما كان لكل شبر من ارضنا الطاهرة قدسيتها في قلوبنا
فيسرنا ان نعلن لكل مواطن حلواني انه وبعد جهد جهيد وصراع مرير دفعنا فيه الرخيص والرخيص جدا كمان استطعنا ان نزخر بحريتنا لاول مرة في تاريخ بلادنا الحبيب ( حلوان ) وذلك بعد صدور قرار الحاكم العسكري القاهري باعلان استقلال بلدنا الحبيب
والله الموفق
الله ... حلوان ... أبو رجيلة *



* ابو رجيلة للجلهة الذين لا يعرفونة هو الشخصية الاشهر في حلوان وصاحب اشهر عربية مكرونة في حلوان كلها ... قصدي المحافظة كلها

هناك 4 تعليقات:

غير معرف يقول...

مبروك علي اهالي حلوان المحافطة رغم اني مش عارفه ايه الحكمة بالضبط والهدف منهاايه... كل شويه حد يقول سلبيه للموضوع وماحدش عايز يقول ايجابيه مش عارفه ليه..... من يقول هنغير الطاقات من جديد تابع محافظةحلوان وشهادات الميلاد واللي يقول ان اعملنا لم تعد تابعةللقاهرة واللي يقول بقينا محافظه وفرحان وبرضه مش عارفه ليهوالليزعان انهم هيشيلوا سوق الفاكهة من ميدان حلوان ماحدش يقدر يقول ايه الفوائد التي ستعود علي اهل حلوان غير المحافظ الجديد

عاشقة القمر يقول...

حلوان بقت محافظة .. قال حلوان بقت محافظة قال .. ده انا مخنوقة من الموضوع ده خنقة بنت لزينه .. صحيح انا لا اعرفله ايجابيات ولا سلبيات ولا اعرف اي حاجة عنه غير ان حلوان بقت محافظة لكن من ساعة ما سمعت الخبر وانا مبؤووئة منه .. مفسي حد يقولي كده ايه في حلوااااااااان يخليها محافظة .. ونغير البطاقة بقى والواحد اما يجيب عربية يبقى ملاكي حلوان هههههه قال ملاكي حلوان قال .. لا ولو قولنا نخرج نتفسح ونزلنا التحرير مثلا نبقى خرجنا برا المحافظة .. والنعمه ده تهريج وفضى .. خلاص مابقاش فيه اي مشاكل ولا اي حاجة يتعمل فيها اي حاجة غير ان حلوان تبقى محافظة .. ادينا قاعدين اما نشوف ايه اللي هيحصل فيها بعد ما بقت محافظة ..

أحمد عبد الفتاح يقول...

البتول
مش بعيد نضطر نغير جوارزت السفر ونخليها جوزات حلوان ومش بعيد ناخد تاشيرة عشان نروح وسط البلد

أحمد عبد الفتاح يقول...

عاشقة القمر
انتي مش عاجبك ملاكي حلوان ؟
هو ده عدم الانتماء بعينه
وعلي فكرة بقه لسه فيه حاجات كتير ممكن يعملواها
يعني ممكن يعملوا معصرة منتصر محافظة عشان الميكروباصات بتيجي عندها وتلف ومبترداش تروح حلوان فيقسموا السكة علي 3 محافظات
هي ده الافكار

شارك مع اصدقائك

Share |