السبت، 2 يونيو 2007

منعم أختفي ... طب مه ده المتوفع اصلا

تحديث
الحمد لله الخبر غير صحيح منعم نام في بيتهم وكله تمام
كده نقول للحكومة شكرا ويسكوا عالسجن الواي فاي
وعلي راي اسد فالترفع البانرات
45 يوم يا راجل صورتك علي كل المدونات
نغير بقه


الخبر صدمني علي مدونة نورا يونس
ملخصه ان منعم اختفي في ترحيلات البحيرة
والخبر منقول عن محامي منعم واتنشر علي الموقع الرسمي للحملة الدولية للدفاع عن منعم
منكرش ان الخبر وحش بس استنوا
مين فينا مكنش متوقعه ؟
مين فينا كان عنده امل فعلا يشوف بوست لمنعم علي مدونته يوم السبت او تعليق له او يسمع صوته عالموبيل ؟
أحنا هنضحك علي بعض ولا ايه يا شباب ؟
ده مبروم علي مبروم ميلفش
منعم دلوقت كلنا عارفين هو فين
بيتابع علي راي اسد
بس احنا مش هنسكت
ده لحم المدونين مر
يا حيوانات الداخلية وامن الدولة استعدوا
وانصحكم اعملوا سجن للمدونين بس يبقي فيه واي فاي وحياة ابوكم
لاننا مش هنسكت
ومش هنتاخد

هناك 5 تعليقات:

فلسطينية الهوى يقول...

الله المستعان


ده المتوقع طبعا


بس متنساش تقترح عليهم أن المدونات الاناث يبعتوهم خادمات للسعودية

حتى يرتاحوا مننا

محمد عـنـانـى يقول...

الحمد الله
منعم فى بيته
ويارب فك اسر كل المظلومين
وعقبال ال 18 الف الباقين
تحياتى

شاويش يقول...

http://shwash.blogspot.com/2007/06/blog-post_8220.html بحبها ممكن تقولي مين مين الي بحبها

محمد البرلسى يقول...

الحمد لله

منعم فى بيتهم يا رداله
الله واكبر ولله الحمد

إخوانية مصرية يقول...

انا لاخر لحظة كنت عماله اقول
يارب استرها
وتتمها علي خير
والحمد لله
تم علي خير
وعقبال الباقين يارب

شارك مع اصدقائك

Share |