الاثنين، 18 يونيو، 2007

أتفرج يا سلام علي اللواء احمد ذكي بدر رئيس جامعه عين شمس الجديد

الخبر انا اول ما سمعته قلت يا نهار اسود ومنيل بستين نيلة
واول لما قلته لحاد من اصحابي قال يادي المصيبة
وحد ثالث قال انا لله ونا اليه راجعون
من الاخر يا جماعه الخبر صدمه
الخبر هو تعيين الدكتور برتية لواء احمد ذكي بدر رئيس لجامعه عين شمس والخبر ذي ما ورد بالمصري اليوم فيه قرار بتعيين روساء خمس روساء جامعات منهم بدر . لو طالبة معاك تشوف الخبر اضغط هنا وخلي بالك من الضغط انا مش مسول .
الي ميعرفش أحمد ذكي بدر فهو ابن اوسخ وزير داخلية عرفته مصر والي هيقولي طب انت هتظلم الراجل عشان ابوه مش هرد عليه عشان انا مودب وهطلب منه يتفرج عالفيديو الجميل ده بس
الفديو ده اتاخد لسيادة اللواء الدكتور يوم 22/11/2006 يوم ما اضرب الطلاب علي ايد البطلجية في الجامعه والفيديو بيظهر الباشا وهو بيزعق للطلاب وبيكدب وبيقول محدش اتشطب من الاتحاد - أكيد كان بيهزر - وبعد كده بيقطع للطلاب لوحهم وورقهم وبيساعده سيادة اللواء محمود رئيس مباحث العاصمة - قائد البلطجية في اليوم ده - والي ادعي وسيادة اللواء الدكتور احمد ذكي بدر واقف ومبارك هذا الادعاء انه عضو هيئة تدريس .
اسيبكم مع الفيديو واحب اقول لطلاب عين شمس لكم الله يا شباب انا لو منكم مش طالبة تعليم اصلا مدام فيها ذكي بدر

هناك 24 تعليقًا:

علاء يقول...

و انتا متوقع ايه يعني من دولة بلطجية
رئيس جامعة لازم يكون بلطجي

البتول يقول...

مالك ومال الناس انني اتبرا منك علي صفحة المدونه كما يقول اخزك دائما هقول لهم ما اعرفوش ماشي طب ما كله زي بعضه مين احسن من مين

غير معرف يقول...

احمد بك اهلا بيك الاول وحشتنى
بص بقى يا عم احمد لازم تعرف حاجة منم ايام عبد الناصر والكل بيقول ان مصر اصبحت دولة عسكرية حتى هذا اليوم
الناس كانت بتقول بس انما النهاردة الحكومة بقلبها الكبير بتحب البينه والدليل فعيزة تورينا شغل العسكر
واولا حاجة فى شغل العسكر انة يدى الناس بالجزمة
بحسبة منطقية صغيره اصلاح رجال للهدق السامى دة هو احمد زكى بدر اللى كلنا عرفين تاريخة وتاريخ ابوه
اللهما لا اعتراض
بحبك يا مصر بقلب مفروس
سعيد وطنى

Bella يقول...

ايه ياجماعة

هو صحيح الراجل توجهاته أمنية علشان كده اترقى بسرعة واصبح رئيس جامعة عين شمس وهو ماقعدش وكيل لعدة شهور

لكن هو استاذ في كلية الهندسة قبل ان يكون رئيس الجامعة

لكن هو ابن اللواء زكي بدر وزير الداخلية الاسبق والمشهور بطول لسانه وفي عهده تم ارتكاب ابشع الجرائم في حق صفوة المجتكع وكانت بداية تطاول الداخلية على اساتذةة الجامعات

باعمل حاليا موضوع عن المصيبة دي في مدونتي التعليم تهذيب واصلاح

ابقى شوفوه لما اعمله

http://bella-ta3leem.blogspot.com/

تحياتي

Bella يقول...

هذه هي التدوينة

http://bella-ta3leem.blogspot.com/2007/06/blog-post_19.html

مقاومة يقول...

ههههههههههههههههههههه
الله هانعيش يعني ، دة شيء رائع ، هانشوف احلى ايام في سنتنا الزرقاء دي ، انا كنت ناوية اكتب عن تجاوزات بتحصل في جامعة عين شمس اجهز علشان يتسبلي في ميدان عام بقى ، دة شيء مبشر جدااا
انا تعبت
ههههههه
حصلت ابن زكي بدر يمسك جامعة و ايه من شابه اباه فما ظلم

أحمد عبد الفتاح يقول...

علاء
أي خدمة مفيش بلطجي احلي من كده متيقلي

أحمد عبد الفتاح يقول...

البتول ( الي هي امي )
موضوع التبرا ده هو انتي مكنتيش لسه عملتيه ؟
ده انا كت فاكر انك خلصتيه من زمان

أحمد عبد الفتاح يقول...

سعيد الوطني
وحشني موت يا راجل بجد واحشني
كلامك اتغير كتير
أنت قلبت ولا ايه ؟
وصدقني يا سعيد كلنا بنحبها بقلب مفروس ومهروس كمان

أحمد عبد الفتاح يقول...

بلال
متيقلي موضوع استاذ ده واسعه شوية
لان البتاع ده اخره طرشجي
وعلي فكره موضوعك حلو عن روساء الجامعات

أحمد عبد الفتاح يقول...

مقاومة
تكتبي عن ايه يا ابلة ؟
شكلك بتلمي
بصوا يا ولاد التيتتتتتتتت لو حد فيكم قرب او فكر يقرب او فكر حتي يتخيل جامعه عين شمس هو حر
يا جماعه ده عليه كف ولسان ولا المخبرين

alzaher يقول...

بصفتي خريج جامعة عين شمس يا أحمد أقدر أقولك إن هذا الرجل كأغلب من وردوا
على الجامعة من رؤسا تم إختياره لسببين
أولهما واضح جدا في الفيديو بتاعك
وثانيهما هو "تأديب" الجامعة إذا صح تعبير بعد أن نشط التيار الإسلامي فيهاوكان قبل ذلك خاملا وبعد أن خرجت فكرة الإتحاد الحر أو الموازي منها
ربنا يستر على عين شمس

alzaher يقول...

مين اللواء محمود عبد اللطيف ده؟ وليه بيقول "أنا عضو هيئة تدريس"؟

فلسطينية الهوى يقول...

عقبال عندنا

عيلة و عايزة افهم يقول...

انا اول ما قريت الخبر قلت انا بشبه على الاسم ده : D
الراجل طلع معرفة اهة

على العموم هانت
كلها اربع خمس سنين و نسيبله الجامعة مخضرة !!!

أحمد عبد الفتاح يقول...

زاهر
اعمل لجوء سياسي لاي جامعه في اوروبا

أحمد عبد الفتاح يقول...

فلسطينه
عقبال عندكم ايه لبالضبط ما كفاية علي جامعه القاهره الشاويش عبد الرحمن

أحمد عبد الفتاح يقول...

الاستاذه عيلة
قولي يارب
الواحد بيعرف هو داخل الجامعه امتي بس عمره ما بيعرف هو خارج امتي

hapasa يقول...

انا فى تجارة عين شمس
وفى سنة رابعة
بس واخدها لغاية دلوقتى فى خمس سنين
الاول كنت عاوز اخلصها علشان اتجوز واشتغل
دلوقتى عاوز أخلص الكلية علشان الراجل ده

تحياتى ليك
وشوف كده هاتفتكرنى ولا لا كنت موجود فى النقابة

Bella يقول...

مرحب بااحمد

انا اسمي مش بلال

بلال ده اسم راجل ياراجل

ههههههههههه

انا اسمي بيللا

واشكرك على رايك في موضوع رؤساء الجامعات

أحمد عبد الفتاح يقول...

حبسة
تتجوز وتشتغل ؟
انت يا ابني من المريخ ؟
فوووووووووووووووووق
ذكي بدر بقي رئيس الجامعه
ياحلولي

أحمد عبد الفتاح يقول...

مين الاحول ده الي قال علي بلا بلال ؟
معلش يا بيلا عالم جهلة
تصوري ده كاتب زكي بالذال مش الزين
ده بني ادم يشل
الي هو انا يعني

غير معرف يقول...

دكتور جامعى بكلية الطب واسرته يسكنوا فى الشارع!
تم فصلى من عملى بجامعة عين شمس بعد ان تم رفض مد اجازتى بسبب تعنت رئيس الجامعة ووزير التعليم العالى ورفضوا ان استمر فى عملى بجامعة الكويت وقالوا ان مرافق الزوجه لايعمل بالرغم من الحق الدستورى لى فى اجازة المرافق. لا املك شقه للسكن بمصر وكيف اشترى شقه من مرتب الجامعه ومازال عليه من ثمن الشقه التى دفعت مقدمها الكثير. ان رفض اجازتى فى هذا الوقت الحرج لايضع امامى اختيار الا لترك مصر حيث من المستحيل ان اسدد ديونى بمرتب الجامعه... يستحيل شراء شقه من مرتب الجامعه ولذلك سافرت للخليج. القيادة المتهوره لرئيس الجامعه ستجعل مصر تفقد مصدرهام للدخل. ان هذه الاموال هى دخل للعمال والمهندسين وشركات البناء المصريه ايوه المصريه وليس الكويتيه او الاسرائيليه... وللاسف يكذب وزير التعليم العالى ورئيس الجامعه ويقولون ان الجامعه محتاجانى بالرغم من وجود اكثر من 5 اساتذه ومدرسين فى تخصصى. ويريدونى ان ارجع للعمل كمعيد لاستاذ المادة. لن اعيش فى الشارع ولن يكبر ابنى فى خيمه ... اسف يا بلدى ويا مدرسينى المره دى انا بستسلم مش حطلع من العشره الاوائل لا على الثانويه العامه ولا على الكليه ... بس عذرى مش عايز ابنى يتربى فى الفقر زيى ... ابنائهم مثل ابنى ... لن يعيش فى الشارع ولاعيش فى الكويت او اروح كندا او استراليا او انجلترا واعلم ان هذه الدول ستغرقنى بالفلوس لو قدمت للعمل فيها وليسعد هلال و بدر ويقعدوا على تلها...

غير معرف يقول...

بطلوا بقه كذب يا جماعه والله اللي موسخ البلد دي الصحفيين كذابيين واوساخ كمان وبيكبرا المواضيع بحالها الأستاذ الصحفي المحترم اللي بيشتم ذكي بدر انت اساسا متعرفهوش علشان تقول عليه كده ويا ريت تبص لنفسك الأول قبل ما تشتم حد ماشي مش عايز اوضح اكتر من كده انت فاهم وبطلوا بقه يا شعب يا متخلف يا ريت تتخانقوا علي العلم احسن من الحاجات الهايفه شوفوا الصين عندهم ناس اوسخ من عندنا بس مش بيقعدوا يقولوا زيكوا وبيجتهدوا وربنا بيوفقهم مش زينا بناكل في بعض ربنا يهدينا جميعا

شارك مع اصدقائك

Share |