الاثنين، 11 يونيو، 2007

حريتي يعني حرية كل مصري وكل مصر يعني حرية شرقاوي


لو دست هنا هيجيلك صوت جميل ورخيم بيقول لك " نعم ان اول غيث ندوي ساروي به قاحلات المدي واجعل منه سهول الشتاء لاغرق فيها غصون العدا "
لو دست هنا هيظهر لك مدونة هتتوقف عندها كثير وهتشوف عاليمين صورة لشاب في العشرينات من عمره تحت صورته اتكتب ان اسمه عمر شرقاوي
لو دست هنا هتدخل عالم خاص هو عالم عمر شرقاوي الي مسميه مواقف من حياتي
مين شرقاوي ؟
هو الي في الصورة ده طبعا
بصراحه معرفشوش شخصيا
كل الي اعرفه انه مدون من مدونته يظهر شاب بيحب بلده قوي أكتر من اي حاجه تانية
من مدونته هتعرف انك قدام شاب مستعد يضحي بحياته عشان بلده وهدفه
طب السوال وهو فين شرقاوي يسمع البقين الجامدين دول فيه ؟
الاجابة ببساطة شرقاوي في المكان بتاع الناس الجامدين
شرقاوي في السجن
طب السوال برده هو في السجن ليه ؟
طبعا مش هرد عالسوال ده عشان أنا مودب
شرقاوي .... أكيد يا شرقاوي اول الغيث ندي
وانت ليك الشرف انك تبقي جزء من اول الندي الي جاي في اول الغيث
شرقاوي ... من حقك تفرح لانك دلوقت بتجاهد عشان هدفك
ومن حقنا نفكر نساعدك اذاي
علي العموم متقلقش ياواد وراك رجاله ومدونين مخربشين ومخلصين وجايبين من الاخر ومش هيسيبوك مهما حصل
ايها المدونون افيقوا

ياقوت أقتحموا بيته امبارح
وهو هربان
وليه كل ده ....؟
عشان ياقوت مدون
وحسام الهندي وابراهيم شرقاوي أضربوا
واتخطفت منهم الكاميرات
ولولا ستر ربنا كانوا راحوا
وليه كل ده ... ؟
عشان حسام مدون
وعشان ابراهيم مدون
واخيرا
أحدث عروض جهاز مباحث امن الانترنت والتدوين
القبض علي عمر شرقاوي
هاه ناوين تتحركوا ولا ناوين علي ايه ؟
ناوين تثوروا ولا ناوين تحصلوا أخوانا المعتقلين ؟
يوم ما وقفت ادافع عن كريم عامر في احد الموتمرات قلت
أنا بدافع عن كريم مش عشان كريم لا عشان حريتي انا
وكررت الكلام برده في موتمر لدعم منعم
لنعلنها صريحة حريتي يعني حرية كل مصري وكل مصر

هناك 7 تعليقات:

hapasa يقول...

بجد والله العيم سعيد جاد بتضامنك مع اخى عمر دون أن تعرفه معرفة شخصية
بجد مافيش حد بيعمل كده
وجزاكم الله خيار
كم واسانى إحساسك ورقتك
جزاكم الله خيرا
وجعله فى ميزان حسناتك

أحمد عبد الفتاح يقول...

ايه يا عم حبسة
انت فاكر شرقاوي لازم يدافع عنه الي يعرفه بس ؟
أنا ممكن ادافع عن مدون مختلف معايا في الايدولوجيا ذي ما ضربت مثال بكريم عامر
انا بدافع عن الحرية
ما بالك بقه لو المدون متفق معايا في الفكر
وجزانا واياكم ياسيدي ويسمع من بقك ربنا

عبدالرحمن عياش .. غريب يقول...

ربنا يفرج عنه يا عم
اشتغلو له بقى في مش هتاخد
هو من عندي في المنصورة لو احتجتم حاجه ممكن اوصل له
سلاام

واحد اكيد ما حدش يعرفه يقول...

سلامي لعمر الناس دي عايزه ايه الحرية لكل معتفل ان لم يمنحونا الحرية سلبناهم اياها بل سلبناهم حياتهم ذاتها وبعد كده يسالوا الارهاب جه منين

غير معرف يقول...

ربنا يعينكم , و يحفظكم و يرعاكم و ما يحوجكم الحكومة دي و لا باقي العرب حكوماتهم ,,,,,,

حقق لك أحلامك و أغلى أمنياتك و ما تطمح إليه آآآآآآآآآآآآمين

غير معرف يقول...

أنا صاحبة التعليق السابق (وفاء الفيلاسوفة)

و ده عنوان مدونتي

http://wafaaphylasopher.maktoobblog.com

البتول يقول...

اللهنفرج كرب كل مكروب وقك اسر كل اسير وهون علي المظلومين والمعتقلين اناصر واساند عمر شرقاوي وادافع عن كل مظلوم الا الظلم والله ان لا اشفق علي الظالمين كيف سيتحملون كل هذا الحساب بيين يدي الله اللهم اغقر لنا ولهم اللهم اغقر لقومي فانهم لايعلمون

شارك مع اصدقائك

Share |