الاثنين، 22 سبتمبر 2008

مش هنسافر مش هنسيب


بالامس كنت اجلس مع احد اعز اصدقائي والذي يعمل كصحفي
صديقي هذا ادين له بالكثير من الفضل فهو من اوائل من اكتشف الصحفي داخلي ووجهني لهذا الطريق
الا انني بالامس صدمت من قبل ذلك الصديق
فاثناء حديثنا فوجئت به يقول " أنا مسافر اشتغل بره مصر "
وبعد ان استوعبت الصدمة بعد فترة سالته عت المدة التي سيقضيها
فقال " العقد ثلاثة سنوات ولكني لا انوي الرجوع "
توقف ذهني عن العمل لفترة ليست بالقصيرة
فكرت في احلامنا في هذا الوطن الحزين
فكرت عن النتيجة لو فكر كل شخص مثل صديقي
اومن جدا ان السفر حق للجميع
وان البحث عن الذات والمال والحياة الكريمة حق اصيل لكل انسان
ولكن الطريقة التي تحدث بها صديقي ونغمة الاصرار التي سمعتها في صوته
نغمة فقدان الامل في هذا البلد هو ما اصابني حقيقة بالاحباط
رجعت اي نفسي
سالت نفسي
هل ساقبل اذا عرض علي عرض مثل العرض المقدم لصديقي ؟
سوال صعب
ولكن الاجابة محسومة منذ فترة
مش هنسافر
مش هنسيب
ولصديقي اقول
تروح وتيجي بالسلامة

هناك 8 تعليقات:

mostafa rayan يقول...

اعتقد اني لو جالي فرصةسفر كويسة هسافر واسيب لاني للاسف مش متحقق هنا خالص
واحد قريبي سافر اوكرانيا هيشتغل في مجال الرياضة وكمال الأجسام لما كنت بكلمه ان اوكرانيابلد فقيرة وكدة قالي احسن من بلدك اللي مش هتدوديك غير النار
بفكر في كلامه للاسف بلاقيه صح
تحياتي لك

مهندس مصري بيحب مصر يقول...

اصلك ما شفتش الحياة بره مصر عاملة ازاي

الواحد ما حسش بمدى المهانة اللي كان عايش فيها في مصر غير لما طلع هنا و شاف الناس العادية - اللي مش مرفهة - عايشة إزاي

مفيش هنا المعاناة المستمرة علشان لقمة العيش
مفيش طوابير و دمغة و قرف
مفيش مشكلة آخر الشهر
هنا الواحد حاسس انه عايش مرتاح

بس الحاجة المؤلمة هنا الوحدة و الغربة و الحنين للوطن

بس مستوى حياة الواحد إختلف

لكن انا مش مع الهجرة الدايمة
لكن ممكن السفر لبعض سنين ثم العودة للوطن

غير معرف يقول...

فكرة السفر فى حد ذاتها مؤلمة جدا خاصة لأنها بيبقى فيها بعد وألأم
لكن لو السفر مؤقت وفى حد هيرافق المسافر طول سفره ويكون فى بينهم إحساس بالحب والإطمئنان ده هيهون كتير
انا شخصيا مبحبش السفر لكن فى نفس الوقت لو شريك عمرى اضطر للسفر عمرى ماهسيبه لأنى متخيلش الحياة من غيره
بنوتة مصرية

أحمد عبد الفتاح يقول...

لكل القراء احب اوضح الاول نقط
1- انا مش ضد السفر بل علي العكس تمام انا من هواة السفر
2- انا مش ضد ان الواحد يسافر لتحسين دخله لان ده حق اصيل
3-كل الي ضايقني من صاحبي مش انه مسافر الي ضايقني بجد نبرة الانهزام الي كانت في صوته وتخليه عن احلامه الجميله

جهاد خالد يقول...

لقد وضعت يدك على المهم في توضيحك

فالمشكلة لا تكون ف السفر بقدر ما تكون في الانهزام واليأس

الله المستعان

مقاومة يقول...

ممكن أشكرك انك كتبت حاجة زي كدة يا أحمد ويمكن أنا زيك بالظبط كنت راضة فكرة السفر لكن بصراحة انا مكنتش بقى بحترم الفكرة ولا صاحبها بس لاقيت انه ممكن يكون فيه سبب تاني غير المال والحياة الكريمة .. السبب ممكن يكون هروب من واقع في منتهى الصعوبة اللي بيهرب دة مش ضعيف علشان محدش يفهم غلط بس من حقه يبعد لانه تعب وتعب اوي كمان في البلد دي ممكن لبلد متكونش هي السبب بس ولا حتى النظام الفاسد بس هو بقى خلاص مش قادر ولا عارف يتأقلم ولا يتعامل مع اللي حواليه
مهندس مصري ياريت تسمع مني وتنسى شوية طوابير العيش والدمغة والضرايب اللي مضايقينك لاننا سبب من اسباب وجودها
وفعلا الموضوع مرتبط بالانهزام واليأس .. ولكل اللي عندهم الشعور دة : الاعتراف بالحق فضيلة

هموم مواطن يقول...

واضح يا اخ احمد انك مش محتاج سفر اكيد ما انت من الاخوان يبقى هتسافر لية

هموم مواطن يقول...

واضح يا اخ احمد انك مش محتاج سفر اكيد ما انت من الاخوان يبقى هتسافر لية

شارك مع اصدقائك

Share |