الأربعاء، 3 سبتمبر، 2008

فريد خميس بعد طلعت مصطفي ... ويتوالي سقوط رجال الوطني


ما هو المثل بيقول الفقي لما يسعد بقه
أكيد ده بركة رمضان يا شباب
ما هو مش ممكن
أمبارح يتحول طلعت مصطفي للجنايات ، والنهرده يطلبوا رفع الحصانة عن فريد خميس عشان قضية رشوة كبيرة ممكن تشوفوا الاخبار هنا وهنا 
بجد شكل شهر رمضان السنة ده هيبقي وش السعد عالمصرين وان شاء الله مش هيخلص الا لما نكون خلصنا يجي من خماشر تمناشر بتاع من الي بيسموهم رجال الحزب الوطني
وعقبال القصير المكير حبيب الملاين أحمد عز

هناك 10 تعليقات:

appy يقول...

كل سنه وانت طيب
ويا رب الباقى يقع والبوفر يكر بقى اصلى زهقت

مهندس مصري يقول...
أزال المؤلف هذا التعليق.
مهندس مصري يقول...

ربنا يأخدهم كلهم
بس يا ترى ايه الغرض من كشف القضية دي
الرقابة الإدارية دايماً بتستشير في القضايا دي الجهات العليا و ما بتتحركش الا بضوء أخضر
يا ترى خدوا الضوء ده ليه ؟

أفندينا يقول...

كل سنة وأنت طيب يا أحمد
ورمضان كريم
بس مش عايزك تفرح قوي والعبرة بخواتم الأمور وتذكر دائماٌ أنك في المحروسة حيث كل شيء ممكن
خالص الود والتحية

Copa Zaki يقول...

ان شاء الله هيقع كدا كدا ربنا هو الي بياخد قاعد يوم شهر ولا سنه و لا قرن مسيره في حته واحده المستطيل الي علي مقاسه مع ان في واحد مش هينفع مستطيل محتاججله مربع كبير علشان يترزع فيه

غير معرف يقول...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

أحمد عبد الفتاح يقول...

ابي
أنتي طيبة
البلوفر كر فعلا عقبال الباقي

أحمد عبد الفتاح يقول...

مهندس مصري
انا مومن بالمثل القائل ما خفي كان افظع

أحمد عبد الفتاح يقول...

افندينا
أونت طيب يا مولانا
انا مش فرحان قوي لاني متعودتش افرح قوي في مصر
انا بس مستغرب

أحمد عبد الفتاح يقول...

Copa Zaki
منور المدونة ياريس
حلو موضوع المستطيل ده

شارك مع اصدقائك

Share |