الجمعة، 31 أغسطس 2007

لاول مرة صورة قدس الاقداس وسر الاسرار ... صورة المحكمة العسكريةالعليا


اللي عليه دايرة حمراء ده هو سر الاسرار
وقدس الاقداس
المكان الي ممنوع فيه حتي الورق والاقلام
المكان الي ممنوع فيه كل شئ
ممنوع الموبيل
الكاميرات
ممنوع اي حاجه معدن ومش معدن
المهم انه ممنوع وخلاص
المكان ده الي دخوله بيتطلب انك تطلع تصريح في 550 ساعه ويتحكم فيك 879545465454646 ضابط من مختلف الماركات - قصدي التخصصات -
المكان ده الي بتامنه كتيبة شرطة عسكرية وكتيبة حرب الكترونية وكتيبة أشغال عسكرية
ده غير جيش امن دولة وامن مركزي وامن حربي ومخابرات عامة وحربية
ده غير حاجات كتير معرفهاش
المكان ده الي بتحط فيه احدث اجهزة تسقط شبكات الموبيل
أنه
مقر المحكمة العليا العسكرية
التي يحاكم فيها خيرت الشاطر و 40 من قيادات الاخوان
عشان تتفسح في المكان كله وفي معسكر الهيك استيب الي هو المنطقة المركزية العسكرية ادخل هنا
اي هو الرابط ده
http://maps.google.com/maps/mm?f=q&hl=en&geocode=&q=sook&ie=UTF8&t=h&om=1&ll=30.140896,31.540643&spn=0.002236,0.008411&z=17
أما بقه لو عايز تجيب الموضوع من اوله من اول الشارع الرئسي والدبابتين الي علي البوابة وكافتريا البواسل الي بنتلطع فيها بال 550 ساعه فادخل هنا
ملاحظات عالماشي
الي عليه الدايرة الخضراء ده هو مسجد الصحابة الي مش مسموح لنا نصلي فيه ومحدش يسالني ليه لانها اجرائات امنية يا اغبية عشان متشوفش حاجه من بره
أما بقه الي عليه دايرة سوداء فهو فرع لعمر افندي
ومش بهزر وامنعوا الضحك
اه والله مكتوب عليه عمر افندي


هناك 8 تعليقات:

zenzana يقول...

يا بني يا ضنايا اهمد
كل دا من كام جلسة امال لو كملت لحد الجلسة الخمسة وتلاتين هتصور ايه؟
استر يا رب
دعوة ست غلبانة ف ساعة صبح

XXX يقول...

يا سنة كحلى غامق


كمان جايب الرسوم التخطيطية؟؟؟
جوجل ايرث يا ابنى دة ولا اية؟؟

ولما مسجد صحابة


مكتوب عليه عمر بيه لية؟؟؟

وهو انتوا رايحين محاكم تفتيش يا ابنى؟
كل دة ممنوع؟؟؟

غير معرف يقول...

هل تلك الصوره لانك تعشق الوضوح وتريد ان تكمل الصوره لكل قاريء لم يسعده الحظ بالذهاب الي هناك معقول واضح

غير معرف يقول...

اخيرا امنيتك اتحققت وحطيت صورة المحكمة
الف مبروك
بس مقلتلهمش علي الدبوس بتاعي اللي اتمنع من الدخول DDDD:

جمعاوى يقول...

هاها

فكرة مفتكسة

طيب ما تحاول تجيب الصورة من جوه


و اهوه كله بثوابه


و ربنا يقرب البعيد

غير معرف يقول...

http://www.facebook.com/PALIS.MY.MAM

غير معرف يقول...

http://www.facebook.com/Pal.InMyHeart

غير معرف يقول...

http://www.facebook.com/Pal.InMyHeart

شارك مع اصدقائك

Share |