السبت، 11 أغسطس، 2007

لمن يدعي ان ازمة العالقين حلت .... اتلهي علي عينك

برده الاصوات عليت
وجت لي التليفونات تقول لي
استريح يا عم احمد وريحنا معاك
ازمة العالقين اتحلت
الي قال كده قال بناء علي معلومات صادرة بمرور أكثر من 6000 عالق فلسطيني
وده حصل فعلا
اكتر من 6000 عالق عدوا
بس المصيبة والي كنا متوقعين انها تحصل حصلت فعلا
المصيبة ببساطة ان لسه فيه 1000 عالق في مصر
وده اكبر من مصيبة 8000 عالق وهفهمكم اذاي
الاف عالق الفاضلين دول عباره عن مجاهدين مطلوبين لدي الكيان الصهيوني
يعني لو عدوا من العوجة وايريز هيتقبض عليهم
فرفضوا العبور
وده ادي الي انهم بقوا محبوسين في مصر ومر الباقي الي فلسطين
دلوقت الموضوع بقع عبارة عن ازمة شرزمة من بتوع حماس والجهاد علي راي بعض الناس
والي هيشتكي هيقولوا له العوجة مفتوح اتفضل
يعني بالعربي يا تسلم نفسك يا تفضل منفي
مصر اشتركت مع اسرائيل والسلطة الفلسطينية في اقذر لعبة علي مستوي التاريخ لقتل المقاومة
الاخبار الي جاياني من رفح ومن غزة مرعبة
حالتة العالقين بجد مفزعه
وكفاية نعرف ان احد عالقين المطار هو قائد كتائب القسام في غزة
طب حد يفهمني ده يعدي اذاي من العوجه ؟؟؟!!!
ياااجماعه
ارجوكم افهموا
الموضوع تازم اكثر
والدنيا اتكعبلت اكتر
طيب ايه قولكم في عالقين غزة ؟؟!!
ده بقه الظاهرة الجديدة
بكل بساطة كل شعب غزة بقه عالق داخل غزة
مفيش منفذ للخرؤوج حتي للعلاج خارج عزة
يعني الي عيان يموت
لازم يبقي فيه حل
وهو حل واحد بس
معبر رفح يفتح
وهيفتح باذن الله

هناك تعليقان (2):

البتول يقول...

يارب يتفتح فعلا لكن من قال ان مصر لن تقدم ما يخدم مصالح الكيان الصهيوني هذا متوقع لكن عندي امل بالضعط والتضامن يمكن يحصل حاجه

البتول يقول...

مش عيب تقول لاي حد اتلهي علي عينك ما يصحش الخلاف في الري لايفسد للود قضية واتلهي علي عينك تفسد كل ود انا بريئة من هذه الالفاظ ماشي

شارك مع اصدقائك

Share |