الأحد، 2 سبتمبر 2007

نقل جلسات محاكمة الاخوان عسكريا الي قسم شرطة الاميرية

ذي ما قلت في اخر البوست الي فات امنعوا الضحك
الخبر صحيح
بكل بساطة اليوم واهالي المعتقلين وهما داخلين النهرده المحكمة العسكرية العليا سابقا والتي يحاكم فيها 40 من قيادات الاخوان فوجوا انهم داخلين قسم شرطة المنيرة ... أه والله المكان كان مكتوب عليه كده يافطة كبيرة قماش مكتوب عليها قسم شرطة المنيرة .
التغير الولبي ده موصلش للمحكمة بس بل وصل كمان لفرع عمر افندي لو فاكرينه حيث بقه فرع لبسكو مصر وعلي فكره هو في الاصل باركينج للعربيات اما مسجد الامين بقه اسمه مسجد الهادي الامين ، المضحك في الامر مش تغير الاسماء بس ، المضحك اكتر هو تفسيرات شباب الاخوان ممن حضروا الجلسة فمثلا أحدهم فسر الامر انه تمويه بعد ان نشر أحد المدونات اياها صورة للمحكمة وانهم عملوا كده عشان يموهوا علي الجوجل ايرث .
مصادرنا الجامده طحن عرفت ان سبب هذه التغيرات هو ان الفرقة بتاعه المنطقة المركزية العسكرية بتاعه الهيك استيب بتعمل بيان حرب وان المنطقة الي فيها المحكمة بتبقي ذي الميدان بتاع الحرب وان كل ده من قبيل التمثيل ، المهم عندنا انهم ميلعبوش بيان الحرب ده والجلسة شغاله لانها مش ناقصة .

هناك تعليق واحد:

البتول يقول...

عجيب امر القائمين علي هذا الامر بس كان الاجمل انهم يكتبوا هنا ليس مكانا للمحكمه العسكريه هنا قسم المنيره يعني الحاكمه اتنقلت امبابه طب ماهي قربت اهيه وعمر افندي بقي شوكة بسكو مصر علشان تشتروا حاجه تاكلوها في الصحرا دي كم هو جميل تعاطف الحكومه معكم ولكن انتم لا يرضيكم شيء وعلي راي المثل خير تعمل شر تلقي هيعملوا ايه اكتر من كدهالمره الجايه ان شاء الله هتبق المحكمه قسم المنتزه وعمر افندي شركة كوكا كولا علشان الحر

شارك مع اصدقائك

Share |