الاثنين، 16 أبريل 2007

ورانا ورانا

دائما احسد امن الدولة علي صبره وعلو همته في الظلم والبطش بخلق الله .
الايام الثلاثة الماضية كنت مشغول للغاية في القاهره بسبب قضيه صديقي واخي المدون عبد المنعم محمود والمطارده الامنية التي تعرض لها وهو ما ادي لتاخر سفري لجامعتي في اسيوط لمدة يوم واحد فبدلا من سفري مساء السبت سافرت مساء الاحد الماضي ولم اكن ان الاقدار كانت تحمل لي الكثير من الخير .
فبعد ان نصحني البعض بالسفر لاسيوط لان الدوشة الي عملتها المرة ده عشان منعم ممكن تلفت ليا نظر حد من اخوانا البعدا ولان ورايا امتحنات ولاني ورايا بلاوي هنا في اسيوط كان لازم اسافر وبسبب موضوع عبد المنعم والوقفة يوم السبت اضطريت ااجل سفري من السبت للاحد عشان اوصل اسيوط صباح الاتنين ولافاجا ان امن الدولة شرف كضيف عزيز عندنا في السكن في اسيوط عصر يوم الاحد - اول مرة اشوف امن دولة بيجي العصر - أمن الدولة الي كان جاي في 4 عربيات بوكس وعساكر شايليين بنادق الالي قصيرة وقمصان واقية من الرصاص كانوا جايين عشان يقبضوا علي واحد ساكن في الدور الخماس بتهمة انه تكفيير وهجرة وبيقولوا انه كفر شيخ الاسلام ابن تيميه .
محمد الي كانوا جايين يقبضوا عليه والي شفته مرتين قبل كده وهو واد امور وميبنش عليه انه بيصلي حتي اتاخد وسط عرض رعب من الي متعود عليها امن الدولة , فبداية بوجود 2 عساكر علي كل بسطة سلم والي هي مبتكفنيش اصلا واقف لوحدي ووجود كتبة محاصرة الحارة السد الي فيها السكن ووجود شوية غيرهم عالسطح واقتحام مجموعه عساكر ثالته لكل شقة في وقت واحد موجوده في السكن ولغاية سحب بطايق كل الي ساكنين معاه في الشقة .
الحمد لله انهم مكنوش جايين ليا بس كان اول تعليق قلته لما سمعت القصة هما ولاد الكلب دول ورايا ورايا ؟؟
الظاهر كده
بس لمعلوماتكم
ولاد الكلب دول مش ورايا انا بس ولا ورا منعم بس ولا محمد لكن دول ورا الشعب المصري كله وربنا يشيل عنا الغمة .

هناك 4 تعليقات:

البتول يقول...

احمد ايه يا بابا انت بتعمل اعلان عن نفسك فيه ايه من اخذ ربنا يفك اسره وبلاش تطاول علي الاخرين بالالفاظ الغير مرغوب فيها هل تقبل ان يسب احد اباك او امك وماذنب ابيه لتنعته بهذه الصفة

قلم حر يقول...

سلام عليكم ..كل ده عشان يقبضوا على واحد ..امال لو كان هيقبضوا عل كل طلاب السكن ,ايه كانوا هيستعينوا بالجيش والأسطول.
يلا ربنا يكفيك ويكفينا ويكفي كل مواطن مصري شرهم ..يلا منهم لله

خواطر شاب غاضب يقول...

عاشت موريتنيا حرة وعاشت مصر دولة مت.....................هانه
و كويس اني قولت متهانه بس علي فكره انا مش قصي متهانه

ابو احمد يقول...

اتمنى وادعو الله لك ان تكون من الاواثل على كليتك هذا العام ونصيحتي ان تجتهد في دراستك حتى تنتهي منها

شارك مع اصدقائك

Share |