الخميس، 12 أبريل 2007

التاج وصل


وصلني موخرا تاج جميل جدا من الصديق العزيز جدا والاخ الجميل والحبيب الي قلبي وزميل الغربة محمود سعيد ( أبن أخ ) وقبل ما احكي حولين التاج احب اشكر محود لانه اتاح ليا الفرصة ده .
التاج كان بيقول
تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارسته

بصراحة السوال فكرت فيه كتير ووصلت ان فيه حاجات كتير وهوايات كتير محبش حد يقاطعني فيها او بمعني اصح اي حد بيعمل حاجه بيحبها فهو اكيد ميحبش حد يقاطعه .
طبعا اول الهوايات ده هي القراءة ومهما كان الكتاب لاني ببقي في دنيا انا والكتاب محبش حد ابدا يدخل فيها او يخرجني منها ، ده في الحالة العامة أما لو الكتاب بقه كتاب محتاج تركيز اصلا ذي كتب الفيزياء الي بعشقها فغالبا الي بيفكر يشوشر عليا بتبقي وقعته سودا .
تاني الهوايات هي الكتابة ولاني بحب اكتب سواء شعر او قصة قصيرة او مسرحية او خواطر وا بوست أو حتي بشخبط ومحبش ابدا حد يقاطعني وانا بكتب وغالبا ما بكتب في اماكن زحمة لظروف ترحالي بس ببقي منعزل عن العالم الي حوليا ذي ما دايما بكتب في القطر أو عالكورنيش .
ثالث هواية بالتاكيد هي التصوير ومدة التقاط الصورة لا تذيد عن 5 ثواني بس بحب ابقي مركز فيها وقبلها وانا بختار المكان الي هصور منه والكادر وكده .
رابع هواية هي التامل وده هواية غريبة شوية بس بحبها وممكن عشان محدش يزعجني وانا بمارسها اعمل الموبيل سيلنت .
طفاية كده هوايات ونخلي الباقي لبعدين .
أما عن التاج فاحب امرره لحبيبي احمد ذكي صاحب دفتر الوطن والمدونة الجامدة جدا رانده صاحبة مدونة زنزانة والمدونة الجامده برضه مها مصطفي صاحبة مدونة أحسن تستاهل واكيد طبعا سارة صاحبة مدونة مقاومة وكفاية كده .
وكل تاج وانتم طيبين

هناك تعليقان (2):

غير معرف يقول...

هواية تعملها وتسرح فيها وتنفصل عن الواقع وانت بتعملها..ممممممم،، وماله بتحصل..لما بشخبط ع الورق، لما بكتب في المترو بوست للبلوج كل 100سنة مرة،،وياسلام بأه لما ابقى سرحانة بأه بسرح أوي بجد فعلاً يعني
كل بلوج وانت طيب،، كل بوست وانت أطيب،، كل سنة وانت معيد

غير معرف يقول...

ما تقوليش إيه اللي فكرك تردي ع البوست ده النهارده؟ كل اللي اعرفه اني لسه شايفاه النهارده"وش مكسوف" سوري يا أحمد

شارك مع اصدقائك

Share |