السبت، 14 مارس 2009

وشهد شاهد من أهل مايو

ده شهادة وصلتني كتعليق علي البوست الاخير عن الهجوم علي قسم شرطة 15 مايو من قبل طلبة الكلية الحربية وفضلت اني انقلها كما هي


غير معرف يقول...
على فكره شبااااب انا من مدينه 15 مايو الحربيه مش غلطانه القسم بتاع مايو افترى كتير على شباب المنطقه واخذوا جذائهم المفروض تقولوا سبحان الله مش بيسيب حق حد وشكررررررررر

تحياتي للاخ " غير معرف " كلامك مهم جدا وبيكشف لينا جزء من المستخبي
وبدعوا اي حد عنده معلومات عن الحادثة يتكلم ويقول واننا منسكتش
شهادتكم مهمة للناس دلوقت وللتاريخ
انا عرفت ان ضغوط كبيرة جدا مورست علي العديد من الصحف لمنع النشر في هذه القضية ونجحت هذه الجهود بالفعل ووقف النشر لكن احنا معندناش حظر نشر وببنشر اي حاجه

-------------
تحديث
وصلتني شهادة اخري حول الحادث انقلها كما هي


البتول يقول...

انا هقول لك اعرف سبب المشكلة اشتباك حدث بين طالب حربيه تم اهانته من قبل القسم بعد ماخرج من صلاة الجمعة وقائد الكتيبه اتصل بالقسم قام المامؤر اهانه علي التليفون الراجل لم يسكت طلب من الطلبه ان يتصرفوا واغلق الموبيل وقتها والطالب الذي وجهت له الاهانه كان في كتيبته في الكليه لم يشارك في الصدام والي الان هو داخل الكتيبه بعيدا عن الصدام هذا لانه طالب حربيه وطب واولاد الناس من ياخذ لهم حقهم من الداخليه هناك نماذج طيبه ومشرفه ولكنها قله وحسبنا الله في النماذج السيئه



هناك 6 تعليقات:

Unknown يقول...

عايزة اقولك انك
لو اتمسكت ماليش
دعوة خالص بك:(
(صدقنى احسن لك:
تلاقى حد يروح للمحامى
او يجيب طلبات لحضرتك
او حتى يقف اعتصام
ادام المدونة
المحترمة
دى)

غير معرف يقول...

على فكرة يأخى لو ممكن بس تغير الإسم اللى هو وشهد شاهد من أهل مايو لإنى والله أعلم أظن أنه لايجوز ولك فى أن تسأل أحد أهل العلم حتى لا تأثم

Said Bakr يقول...

اللي حصل ده مصيبة بكل المقاييس. فلو قلنا إن تنظيم الضباط الأشرار قام بنكسة يوليو 52 ، فدول بذرة حية وممكن في خلال 3 سنين يكونوا تنظيم الضباط الفجار اللي ممكن يعمل كارثة يوليو 2012. و تخيل الفرق بين الأشرار و الفجار هيكون شكله ايه؟!!! اللي حصل ده فجور و لا يجوز مطلقا في بلد فيها قانون او حتى كاميرات كانون.

غير معرف يقول...

اقسم ب الله العظيم الولد الى الظابط قتلو فى الشارع الى قدامنة واكيد انا كنت موجود من اول الاحداث ومش هقول غير حسبى الله نعم الوكيل فى الحكومة ووزير الداخلية الولد الى اتقتل دة كان واقف فى بلكنة والظابط بيضرب نار فى الهواء جت فى الولد دة سبب الهجوم على قسم شرطة 15 مايوة الى هوة قسم تانى شبرا الخيمة وشكرا

غير معرف يقول...

اقسم ب الله العظيم الولد الى الظابط قتلو فى الشارع الى قدامنة واكيد انا كنت موجود من اول الاحداث ومش هقول غير حسبى الله نعم الوكيل فى الحكومة ووزير الداخلية الولد الى اتقتل دة كان واقف فى بلكنة والظابط بيضرب نار فى الهواء جت فى الولد دة سبب الهجوم على قسم شرطة 15 مايوة الى هوة قسم تانى شبرا الخيمة وشكرا

Mamo يقول...

قسم15مايو بيكرر اخطاء الماضي اليوم والشاطر يفهم

شارك مع اصدقائك

Share |