الجمعة، 28 سبتمبر 2007

تغطية مظاهرة الامس عالسلم

صباح النضال يا بلد
هاه ... داخلين ليه هنا .... جايين تشوفوا ايه ؟......صور لمظاهرة ؟....هو انتم لسه مزهقتوش من صور سلم النقابة ؟ ....
طب للي مزهقش هي هي الصور
بصوا هو عبد القدوس بالعلم والميجا فون وكمال خليل بيغني علي ما وصل اليه حال بلدنا
وهما هما الي في كل مظاهرة بسالواضح انهم كانوا اكتر قرفا من اي مظاهرة
واعضاء الغد اتحبسوا في الحزب
والمتظاهرون الجامدون المناضلون اتحبسوا علي سلم النقابة فطلعوا قعدوا في الكافتيريا في الدور التامن
عشان كده
ولاني زهقت
تعلن يالالاللي احتجابها عن تغطية مهزلة امبارح الي اتسمت مظاهرة
وده طبعا مش بسبب صغر العدد او غيره
لا بسبب ان الي نظموا المظاهرة عيال
وهي كلمة في نفسي وعايز اقولها
الي مش قد مظاهرة في ميدان طلعت حرب يعلن عنها ليه في طلعت حرب ؟
ومدام انت اخرك النقابة ليه مااعلنتش عن المكان ده من الاول ؟
وبصراحة انا نفسي عاطف الحسيني ضابط امن الدولة ينتخبوه نقيب للصحفيين عشان نخلص خالص من السلم ده وفي الحالة ده ابقوا ابنوا سلم في اي حتة صحراء اقفوا عليه
ويمكن الحاجه الوحيدة الجديرة بالتغطية امبارح حضور 2 من ضباط امن الدولة الي شهدوا علي خيرت الشاطر ورفاقه في المحكمة العسكرية للمظاهرة امبارح
انا صورتهم بس لحاد لما الباشا صاحب الكاميرا ينعم عليا ويبعت لي الصور هستني وصولها
وياريت بعد كده الي مش قد مظاهرة ميعلنش عنها
وكل برغوت علي قد دمه
ومدام دمنا علي قد النقابة .... يبقي كفاية علينا النقابة

هناك 5 تعليقات:

مقاومة يقول...

ايه دة يعني انا كان عندي حق اني اتجاهل دعوة المظاهرة و منزلش و الله دة شيء راقع جداااا
هي كفاية لسة محرمتش تعلن عن ان المظاهرات بتاعتها هاتبقى في الشارع كفاية دي اخرها مش سلم النقابة كمان لا السلم اللي داخل النقابة المؤدي للحمام مع احترامي الكامل للتظاهرين اللي سموهم مناضلين
موضوع الضباط بقى انت متوقع منك انك متسيبهومش ماشيين في حالهم و كويس انك خدت ليهم كام صورة كدة للذكرى وأهو كله بثوابه

ابن رشد يقول...

لا على فكرة انا مش موافقك يا احمد في اسلوب كلامك و استهزائك باليوم امبارح

Xee يقول...

طب ما يعملوه سلم بالكهربا اظرف و يقلبوها مول يفتحو فيه محلات متخصصة في بيع اليفط و الاعلام و كده

(وش بيستخف دمه)

غير معرف يقول...

ينفع اسميها مظاهرة على ما تفرج زى كل حاجة فى البلد دى
اصل دى مصر على ما تفرج
http://newegyption.blogsome.com/

اسامة يس يقول...

يمكن العدد قليل لكن الحق دائما بيكون اتباعه قله لانه بيصفي بيمتحن القلوب بيمحص الصدور .. ولان سيادتهم لن يتركوا نفس لانسان فاعذر من شارك ... ونقول يارب يكترهم ...

شارك مع اصدقائك

Share |