الخميس، 7 يناير، 2010

Egyptwindow الحرامي الغبي



نادرا لما بحب أتكلم عن موضوع نقل الموضوعات والصور والفيديوهات 
لكن المرة ده الامر زاد عن اللزوم 
يوم 4 يناير الماضي صورت بيان القاه المرشد العام للإخوان المسلمين الاستاذ محمد مهدي عاكف لصالح موقع اخوان اون لاين وقام الموقع بنشره علي الموقع والسماح بتنزيله ونشره علي موقع يوتيوب
لحاد هنا والامر كويس جدا
وأن موقع تاني ينقل البيان فده برده كويس جدا
لكن أن موقع اسمه نافذة مصر ياخد الفيديو ويحذف اول 5 ثواني منه الي مكتوب فيهم أخوان أون لاين ... يقدم 
فده الي ملهاش اسم الا السرقة
ده الفيديو الاصلي المنشور علي قناة أخوان أون لاين علي اليو تيوب 

وده الفديوي المنشور علي " نافذة مصر "

طيب ده موضوع الحرامي
ايه هو بقه موضوع الغبي ؟
الغباء أن الي سرق الفيديو كسل يشيل اللوجو بتاع الموقع من علي الفديو
يعني بالبلدي " متأمر وأهبل " علي رأي محمد صبحي
ده مش المرة الاولي الي يعمل فيها موقع ذينافذة مصر ده
كثير جدا بلاقي شغل ليا ولغيري كتير ( سواء أخبار أو صور او فيديوهات ) منقول علي الموقع بعد ما يشيلوا أسم الي عمله ومكان النشر - تقريبا ده سياستهم التحريرة -
ولان نافذة مصر من المفترض انه أحد المواقع الاخوانية - للأسف - فده هيخليني في البوست الجاي افتح ملف مكنتش عايز افتحه لاسباب عدة بس الظاهر اني خلاص لازم افتحه
ملف الاعلام الاخواني







هناك تعليق واحد:

TAFATEFO يقول...

يا فندم من المهم جداً فضح الحرامي، والموقع ده كان ليه سابقة مهببة

شارك مع اصدقائك

Share |