الأربعاء، 27 مايو 2009

قال جمال قال .. ده علي جثثنا

بالتاكيد كلكم فاكرين الحوار اللوزعي ده للسيد سابق عصره فلته جيله وحيد زمانه السيد جمال مبارك واللي قال فيه كلمته التاريخية “التوزيع غير العادل للثروة هو أفضل من التوزيع العادل للبؤس”
مش ده مشكلتي دلقوت مشكلتي الحقيقية في الصورة الي فوق ده
الصورة من الحوار بتاع جمال مبارك لشبكة CNN والي قال فيه الكلام ده
ولو خدنا بالنا هنلاقي تحت الصورة مكتوب G.Mubarak expected to be next Egyption president يعني جمال مبارك الرئيس المتوقع القادم لمصر .
معنديش تعليق أكثر من أن الكلام ده علي جثثنا ومش بعد 25 سنة مبارك نعيش كمان قدهم مع ابنه ، وعلي جثتنا ان مصر تبقي ملكية تحت مسمي الجمهورية .




هناك 5 تعليقات:

TAFATEFO يقول...

تعيش وتفتكر

بالنسبة لموضوع جثثنا .. اتكلم عن نفسك يا كابتشن :D:D:D:D:D

Unknown يقول...

لا ماهو ده بافتراض حاجة عمرها ما ح تحصل
هم مفترضين ان مبارك ح يموت
هأ.... طب ده اسمه كلام برضه؟

محمود سعيد يقول...

شوفت الحوار المتخلف ده يوم ما عمله

وفريد زكريا المحاور ده عامل زى ما يكون حزب وطنى :-)

الكلمة نور يقول...

25 نعيش كمان قدهم مع ابنه
انت بتهرج صح
ياعم قول 50 دا هيبقى فى عز شبابه لسه
دى عيلة مدمرة قصدى معمرة

سبهللة يقول...

اه يا بلد

شارك مع اصدقائك

Share |