الجمعة، 29 مايو 2009

أوباما جالكوا ..خبوا عيالكم


صورة من استعدات جامعة القاهرة لاستقبال أوباما - من تصويري -
لمن لا يعرف ... شنت اليوم وأمس الاجهزة الامنية حملة اعتقالات ضد طلاب مدينة البعوث الاسلامية التابعة لجامعة الازهر حيث تم اعتقال نحو 40 طالب روسي وبعض الطلاب من دول جنوب شرق اسيا وباكستان والهند .
مصدر بالازهر أكد لليوم السابع ان الاعتقالات لها علاقة بتامين زيارة الرئيس المنتظر باراك أوباما والمصدر نفسه أكد ان الاعتقال لا يعني بالضرورة توجيه تهم للطلاب ولكنه مجرد تحري !!!
حد يقدر يفهمني اللوغتريمات ده ؟
يعني ايه معتقل دون اتهام ؟
يعني اعتقال احترازي ؟
سمعت الكملة ده فين قبل كده ؟
اه افتكرت سمعتها من بوش الله يجحمه مطرح ما هو قاعد دلوقت لما خرج عيلنا بفكرة الاعتقال الاحترازي لمواجهة الارهابين وهو الاختراع الي نقل من أمريكا لبريطنيا ومنه لدول عدة ، بالطبع لا ننسي أن مصر رائدة في المجال ده من زمان بس مكنتش بتحب تسميه اعتقال احترازي أو مكنتش بتسميه اصلا .
طيب السوال أشمعني طلاب البعوث الاسلامية ؟ وأشمعني الروس منهم ؟ ده حتي الحرب الباردة خلصت خلاص ومفيش مشاكل ذي زمان بين الروس والامريكان .
والسوال التاني أن كان بيحصل مع الاجانب في مصر عشان خاطر سي أوباما أمال هيحصل معانا ايه أحنا المصريين عشان خاطر الرئيس أسم النبي حارسه ؟ وياتري كام مصري اعتقل كاجراء احترازي عشان زيارة أوباما ؟




هناك 3 تعليقات:

TAFATEFO يقول...

أصل معظمهم من الجمهوريات الإسلامية اللي انفصلت عن الاتحاد السوفييتي

فهمت حاجه؟

غير معرف يقول...

يمهل ولا يهمل
الاعلام المصري بيشوه صورة المسلمين والشيوخ.... والامن بيضرب في اللي متغربين عشان يتعلموا الاسلام
هو ايه اللي بيحصل في البلد؟

مهندس مصري يقول...

مش فاهم
طب ليه ؟
هو إيه شغل الهبل ده ؟

شارك مع اصدقائك

Share |